Skip to main content
90

Dette jobopslag er udløbet

Angerlarsimaffimmi Ikiortinut Peqqissaanermik Ikiortit pingasut / Atorfiup nr. 237/19

Suliassaqarfimmi sulinermi piginnaasanik atuinissamut periarfissaqarfiulluartumi sulerusuttunik, Nuummi utoqqarnut sullisserusuttunut peqqissaanermik ikiortinik aalajangersimasunik pingasunik pissarsiorpugut.

Angerlarsimaffimmi ikiortinut suleqataasarusukkuit, taava innuttaasut sapinngisamik inuunerillutik angerlarsimaffimminni najugaqaannarsinnaanissaannut allanngueqataajumaarputit.

Angerlarsimaffimmi ikiortini sulinerput nammineq ikiornissamut ikiuunneq aallaavigalugu ingerlapparput, aamma taanna paaqqutarineqalinnginnermi sungiusarnermik taaneqartarpoq, taamaalilluni utoqqarnik sullissinermi suleqatit oqartussaaffimmit allameersut suleqatigilluinnartarlugit. Periaaseq atorlugu innuttaasut pitsaasumik inuuneqalersarput tarnikkut timikkullu aalasinnaaneri attakkaanni.

Angerlarsimaffimmi ikiortini atorfilittut suleqatit 25-t missaanniittut assigiinngitsunik ilinniarsimasut avitseqatiginissaanik periarfissaqassaatit. Aqutsisut aamma qanimut suleqatigissavatit, taakkua tassaapput immikkoortortami pisortaq, Nuummi angerlarsimaffinni ikiortinut aqutsisoq kiisalu ingerlatsinermut pilersaarusiortoq. Taakku saniatigut sumiiffimmi aqutsisoq “illoqarfinnut nunaqarfinnullu sineriammiittunut” aamma illoqatigaat.

Peqataalluarnissaq, attaveqatigiinneq paasissutisseeqatigiinnerlu pingaartitaraavut taamaalilluta neqeroorutigaarput sapaatip akunneq allortarlugu suleqatigiit ataatsimiinneranni eqqartueqatigiittarnissaq soorlu suliat nutaat, suliamut ilisimasanik eqqartueqatigiinneq, ilinniartitsineq imaluunniit ulluinnarni pisunik eqqartuinissaq pisariaqartinneqaleraangat.

Suliassatit ilaatigut makkuussapput:

  • Inunnik paaqqutarinninneq isumassuinerlu
  • Oqaloqatigiinnikkut toqqissisimanermik tatigeqatigiinnermillu pilersitsineq
  • Innuttaasup piginnaasaasa nukiisalu pitsanngorsarnissaannik sulissuteqarneq.
  • Innuttaasut ataasiakkaat pisariaqartitaat piginnaanngorsarnerallu tunngavigalugit suliassaqarfiit akimorlugit suleqateqarneq.

Naatsorsuutigaarput, illit:

  • Peqqissaanermik ikiortitut imaluunniit peqqissaasumut ikiortitut ilinniarsimassasutit.
  • Aalajaallutit suliassatit akisussaaffeqarfigalugit suliarisaritit
  • Inuit assigiinngissusaat inissaqartillugit isummerfigisinnaagitit
  • Isumassarsiaqartutit, suliniuteqartarlutit allallu taama isiornissaannut kajumilersittaritit
  • Suleqatiginnillaqqissuusutit
  • Assigiinngitsunik unammilligassaqaraluartoq qungujullutit pitsaasumik sullissisinnaasutit
  • Ilinniakkatit, pikkoriffitit kiisalu inuttut sapinngisatit atorusukkitit innuttaasunik utoqqarnik kiisalu ulluinnarni suleqativit naapinneranni.

Neqeroorutigaavut:
Suliffimmi ineriartortumi akisussaaqataaneq sunniuteqaqataanerlu pingaartinneqartut. 

Sapaatip akunneranut sulineq akunnerni 40-ni pisarpoq sapaatillu akunnerisa naanerisa aappaanni sulisoqartarluni.

Pinerlussimannginnermut uppernarsaat: 
Atorfik una pinerlussimannginnermut uppernarsaammik aallertussaatitaanermik inatsimmik ilaqarpoq. Inatsillu malillugu pinerlussimannginnermut uppernarsaat kommunimit tiguneqareerpat aatsaat atorfinitsitsisoqarsinnaammat. Taamaammat malugeqqussavarput aallartinnissamut piffissamik aatsaat isumaqatigiittoqarsinnaavoq pinerlussimannginnermut uppernarsaat Politiinit tigoreerutsigu.

Akissarsiat atorfeqarnermilu atugassarititat:
Akissarsiat atorfeqarnermilu atugassarititat Namminersorlutik Oqartussat PPK-llu imaluunniit SIK-p kattuffiulluunniit isumaqatigiinniarsinnaatitaasup isumaqatigiissutai naapertorlugit pissapput.

Qaammatini pingasuni misileereernikkut atorfinitsitsisoqassaaq.

Atorfimmut atatillugu inissaqartitsisoqanngilaq.

Qinnuteqaat:
Qinnuteqaat Job nr 237/19-imik nalunaaqutserlugu ilinniarsimanermut siornatigullu suliffigisimasanut, soraarummeernermi allagartat il.il. ilanngullugit HR-imi immikkoortumi qinnuteqarfissap qaangiunnerani tiguneqareersimassaaq 

Ima qinnuteqassaatit:
Qinnuteqaatit qarasaasiakkut piumaneqarnerupput link ataaniittoq atorlugu, tassanilu qinnuteqaatit CV-llu kakkiussinnaavatit.

 

Qinuteqaat tunniunneqassaaq kingusinnerpaamik: 26. april 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Casper Bjerre Haase
Telefon: +299 366165
Nittartagaq: http://www.sermersooq.gl
Qinnuteqaat nassiutiguk