Skip to main content
114

Dette jobopslag er udløbet

Angerlarsimaffimmi ikiorteqarfimmi peqqissaasutut ikiortimik assigisaanilluunniit ilinniagalimmik ullukkoortunik marlunnik pissarsiorpugut / Job nr. 462/20

Angerlarsimaffimmi ikiorteqarfik suliaminut pikkorissumik piumassuseqartumillu peqqissaasutut ikiortimik assigisaanilluunniit ilinniagalimmik pissarsiorpoq.

Nuummi Angerlarsimaffimmi ikiorteqarfik innuttaasunik namminerisamik angerlarsimaffimmi najugaqartunik 300 missaaniittunik sullitaqarpoq, ilaatigut paaqqutarinninnermik suliaqarfiusarlunilu eqqiaanermik pisiniarfiliarnermillu suliassaqarfiusarluni. 2017-imi ukiaaneraniit aallartittumik angerlarsimaffimmi ikiortit ulloq unnuarlu sullissineq ingerlatilerparput.

Angerlarsimaffimmi ikiortit ullukkoortoqarlutillu, unnukkoortoqarlutillu unnuarsiortoqartarput, taamaalillutik innuttaasup nammineq angerlarsimaffimmini sapinngisamik sivisunerpaamik najugaqaannarnissaanut pitsaasumillu inuuneqaannarnissaanut ullut tamaasa attasseqataallutik.  Angerlarsimaffimmi ikiortini immikkoortortami aqutsisoqarpoq, tullersorteqarpoq, ingerlatsinermi pilersaarusiortut ataaseq peqqinnissamut ikiortit aamma peqqissaasutut ikiortit kiisalu ilinniagaqarsimanngitsut piffissani tamani suliffiusussani agguataarneqartartut.

Sullinneqartut ullukkut agguataagaapput, Rutinut arfineq-pingasunut, taakkuli immikkut inuttalersorneqartarlutik. Unnukkoortut holdit marluupput,holdit tamarmik pingasukkaarlutik. Tassanilu suliassat aamma agguagaapput unnukkut orninneqartartut avitanngorlugit. Taakku sulinermi vagtmobil kiisalu nødkald inuttalerneqartarput, pinartoqarpat ornigukkasuartoqarnissaa pissutigalugu.

Bilernermut allagartaqartut Angerlarsimaffimmi ikiorteqarfiup bilia atortarpaat, allagartaqanngitsut bussinik ingerlaartarput ornigassatik tulleriiaarlugit.

Kommuneqarfik Sermersooq pingaartitat pingaarnerit pingasut aallaavigalugit sulivoq: Ataqqinninneq, akisussaaneq ineriartornerlu, illillu qinnuteqartutut pingaartitanik taakkuninnga pingaartitsisuunissat pingaaruteqarpoq.

Angerlarsimaffimmi ikiorteqarfimmi naleqartitaqarpugut tassaasut – Tatigeqatigiinneq, Tungiuineq, Inuunermi naleqartitat, Tusarnaarsinnaaneq, Toqqissisimaneq, Peqqissaarneq, Ataqqeqatigiinneq.

Peqqissaasutut ikiortimik assigisaanilluunniit ilinniagalimmik innuttaasuni suliassanik akisussaaffimmik tiguserusussuseqartumik aamma peqqinnissamut ikiortinik, ilinniagaqarsimanngitsunik ilinniartunillu ilitsersuisinnaassuseqartumik pissarsiorpugut. 

Atorfimmi suliassat:

  • Innuttaasunik paaqqutarinninneq isumassuinerlu
  • Ilitsersuineq ikorfartuinerlu 
  • Sullinneqartup timikkut nukitigullu nukittorsarneqarnissaanut piginnaanngorsaanermik aallutaqarneq
  • Oqaloqatigiinnikkut toqqissisimanermik tatigeqatigiinnermillu pilersitsineq
  • Nakorsaatinik tunniussineq
  • Uppernarsaasiorneq
  • Innuttaasut pisariaqartitsinerinik naliliinerit
  • Innuttaasup sullinneqarnerani suliassanik imaannaanngitsunik suliaqarneq
  • Innuttaasup sullinneqalersup taassumalu qanigisai aallartilluarnissaannik qulakkeerinninneq
  • Innuttaasut peqatigalugit peqqinnerulersitsisinnaasunik pitsaaliuinermillu suliniutinik aallartitsineq
  • Timikkut tarnikkullu nappaatit nalinginnaanerpaat ersiutaannik nakkutiginninneq sunaassusersiuinerlu naapertuuttumillu qisuariaateqarneq
  • Taakku ajornartorsiutit tunngavigalugit nakkutilliineq paasiniaanerlu, - paaqqutarinninnermik suliallit allat qanimut suleqatigalugit, najugaqartut ataasiakkaat pillugit iliuusissanik pilersaarusiornermut peqataaneq 
  • Nammineq piginnaasat tunngavigalugit suliani assigiinngitsuni suleqataasinnaaneq
  • Sulisunik nutaanik ilisarititsineq ilitsersuinerlu

Suliassat suliarineqassapput angerlarsimaffimmi ikiorteqarfimmi sulisut allat, ingerlatsinermi pilersaarusiortoq, immikkoortortami aqutsisoq suliassaqarfiillu allat qanimut suleqatigalugit. 

Qinnuteqartunut naatsorsuutigisat:

  • Peqqissaanermut ikiortitut assigisaanilluunniit ilinniarsimasuunissat
  • Aalajaatsuusutit suliannullu akisussaassuseqartutit
  • Sulianut tunngasunik qaffassaaqataasinnaasutit suliamullu tunngasunik piginnaasannik avitseqatiginnikkusussuseqartutit
  • Inuit assigiinngisitaartuunerinut inissaqartitsissasutit 
  • Nammineerusussuseqartuusutit eqeersimaartuusutillu
  • Suleqatinnik kiisalu suliassaqarfinni assigiinngitsunik suleqatigisartakkannik suleqatiginnilluarsinnaassuseqartutit
  • Ineriartortitsisinnaasutit
  • Marluinnik oqaaseqartuusutit     
  • Qamutinut motoorilinnut allagartaqartutit kisianni piumasaqaataanngilaq
  • Peqqissuusutit tamatigullu naatsorsuutigineqarsinnaasutit

Inuttut piginnaasat:

  • Aalajaatsuusutit pitsaassutsimillu paasisimasaqartuusutit
  • Isumalluartuullutillu ilakkuminartuusutit
  • Tamakkiisumik isiginnissinnaassuseqartutit aamma nukingiussassaanerusunik suliaqarnermi. 
  • Misiginneqataaneq
  • Akisussaaffimmik tigusisinnaasoq
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulluinnarni ulapaarfiusuni qitiutitsillutit aaqqissuisinnaassuseqarlutit sulisinnaasutit

Neqoroorutigaavut:

  • Suliffeqarfimmi ineriartortitsineq, akisussaaqataaneq sunniuteqaqataasinnaanerillu pingaartinneqartut
  • Suliffik avatangiisigissaarfiusoq isumalluarfiusorlu 
  • Suliffik pissanganartoq assigiinngisitaartunik unammilligassarpassuarnillu suliassaqarfiusoq
  • Suleqatigiit suleqatigiinnermik pingaartitsisut, ingerlatitsinissamik paasinnittut
  • Ingerlatsinermi pilersaarusiortoq, suleqatigiit pillorissaasut, innersuussisartut puigortunngortunullu tunngasunik ataqatigiissaarisoq qanimut suleqatigalugit
  • Pitsaasumik ilisarititsineq sungiusarneqarnerlu

Sapaatip akunneranut 40 tiimit suliffiusarput Sap.ak. allortarlugu weekendimi sulinissat naatsorsuutigissavat.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq PPK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 462/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq ingerlalluartoq innuttaasunut sullissineq pitsaanerusumik akikinnerusumik sunniuteqarluarnerusumillu ingerlassinnaajumallugu. 
Suliatsinnut atatillugu malittarisassat politikkikkut anguniakkanit isumaqatigiissutigineqarsimasunik tunngaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu." 

 

Qinuteqaat tunniunneqassaaq kingusinnerpaamik: 23. September 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Najattaaq Jørgensen
Telefon: +299 366169
Mobil: +299 235518
Nittartagaq: http://www.sermersooq.gl
Qinnuteqaat nassiutiguk