Skip to main content
91

Dette jobopslag er udløbet

Angerlarsimaffik Kangillinnguit 4-miittoq nutaamik aqutsisussarsiorpoq / Atorfiup normua 573/20

Paaqqinniffiup immikkut ittup pissanganartullu suliatigut ineriartortinneqarnissaanut siuttoorusuppit? Inunnut innarluutilinnut tarnimikkullu nappaatilinnut Immikkoortoqarfik Nuummi Kangillinnguit 4-mut aqutsisussarsiorpoq

Aqutsisutut Kangillinnguit 4-p ulluinnarni aqunneqarnera ingerlanneqarneralu isumagissavatit.
Najugaqatigiiffik innuttaasunut annerusumik tarnimikkut ajornartorsiuteqartunut najugaqatigiiffiuvoq. Kangillinnguit 4 najugaqartunut tallimanut inissaqartitsivoq.
Inunnut innarluutilinnut tarnimikkullu nappaatilinnut Immikkoortoqarfimmi ilaatigut suliat allaaserineqarneri tunngavigalugit sulisarpugut.

Suliat allaaserineqarneri linkimi uani nassaarineqarsinnaapput: https://sermersooq.gl/kl/innuttaasoq/pension-utoqqaat-aamma-isumassuineq/isumaginninnermut tunngasuni suliat aallaaserineqarneri

Kangillinnguit 4-mi aqutsisutut suliassat:

  • Kangillinnguit 4-p ulluinnarni aqunnissaa ingerlanneqarnissaalu akisussaaffigalugit.
  • Missingersuutit politikkikkut killiliussat akuersissutigineqarsimasut iluiniinnissaannut akisussaaqataaneq.
  • Anguniagaqartumik ilitsersuineq siunnersuinerlu pillugit akisussaaqataaneq kiisalu Kangillinnguit 4-mi sulisut ineriartortinneqarnissaat pikkorissartinneqarnissaallu Immikkoortortaqarfimmi aqutsisoq suleqatigalugu.
  • Sulisunut allanut maligassiuinerit sulisullu sinnerinut aallarnisaasartutut atuunneq
  • Kangillinnguit 4-mi sulisunut pitsaasumik sulinermik atugassaqartitsinissamut akisussaaneq
  • Aqutsisoqatigiinni peqataaneq

Naatsorsuutigaarput illit:

  • Perorsaanermut, peqqinnissamut assigisaanilluunniit suliaqarnermut ilinniarsimasutit
  • Inuit annertuumik innarluutillit sullikkusullugit iliuuseqarnikkut allanngueqataaffigerusukkitit.
  • Anguniagaqarnissamut akuersaartumik attaveqaqatigiinnermullu pikkorissutit.
  • Perorsaanikkut iliuusissatut pilersaarusiorneq ilisimasaqarfigigit
  • Namminersorlutit suleqatit akimorlugit sulisinnaasutit tamatigoortuusutillu
  • Savituujunissat, aallarnisaasinnaasoq qungujunnartunillu nuannarisalik
  • Suleqatigiit amerlanngitsut akornaniissinnaasoq, suleqatigiinneq pingaarnerpaatillugu
  • Malinnaasinnaasoq aamma pisunik paasinnissinnaasoq

Pingaartipparputtaaq:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Paaqqinniffinni allani atorfigisimasannit aqutsisutut misilittagaqaruit iluassaaq.
  • Inunnik annertuumik innarluuteqartunik sullissinermik misilittagaqaruit iluassaaq
  • Nammineerlutit sulisinnaasoq, akisussaassuseqartoq sullissilluarusuttorlu
  • Sulianik eqaatsumik sulisinnaalluni takutitsisartoq suliallu agguataarneqarnerini ingerlaavartumik iluarsiisartoq
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit

Neqeroorutigaavut:

  • Suliffik tamatigoortoq unamminartorpassualik, suliallu aallaavigalugit sunniuteqarnissamut periarfissaqarneq.
  • Suliffeqarfimmi sunniuteqarnissamut periarfissaqartoq suliffeqarfillu ineriartortuarlunilu allanngorartuartoq, innuttaasut pitsaanerpaamik tunniussaqarfiginissaat eqqarsaatigalugit
  • Atorfik nuannaartunik kajumissusilinnillu atuisortalik ulluinnarni aalajangersimasunik malitassaqarluni sammisassaqartitsinissanillu piumasaqaateqarfiusoq

Atorfik ulloq naallugu suliffiuvoq, sulinermi tiimit atorneqartut annerusumik ullukkut nal. 08-16 pissapput, aqutsisutullu allaffeqassaatit Kangillinnguanut 4, 3905 Nuussuaq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 573/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 1. December 2020
Atorfininneq: Piaartumik imaluunniit isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Henrik Gundersen
Telefon: +299 36 60 87
Mobil: +299 522836
Nittartagaq: http://www.sermersooq.gl
Qinnuteqaat nassiutiguk