Skip to main content
143

Dette jobopslag er udløbet

Amauligaq-mut angerlarsimaffimmi paarsisunik marlunnik inuttassarsiuineq

Amauligaq-mut angerlarsimaffimmi paarsisunik marlunnik inuttassarsiuineq

Kommuneqarfik Sermersooq marlunnik pikkorissunik, tunniusimasunillu angerlarsimaffimmi paarsisartussanik pissarsiorpoq. Amauligaq Qeqertarsuatsiaani angerlarsimaffimmi paarsisartut naapittarfigivaat, inississmallunilu illoq B-nr.2162-mi. Amauligap ulluinnarni ammasarfii 07:30 miit 16:30 tungaanut. Illup avatangiiserivaa pinngortitaq kusanarluinnartoq aamma aneerasaartarfeqarpoq, pinnguartarfeqarlunilu.

Massakkut Amauligami meeqqat 15 paarineqartarput, meeqqallu ukioqanngitsuniit arfinillit tikillugit ukioqarlutik. Amauligaq sisamanik sulisoqarsinnaavoq, angerlarsimaffimmilu paarsisut saniatigut aqutsisoqarput.

Atorfiit inuttassarsiuuneqartut ulloq naallugu atorfiuput, Meeqqerivik ”Meeqqat”-ni pisortaq qaninnertut qullersarissavaat.

 

Atorfiit imarisaat:
Angerlarsimaffimmi paarsisup atorfimmi suliassaqarfiit, ataanilu makkuninnga suliaqarluarsinnaasumik pissarsiorpugut:

  • suleqatinut allanut maligassiuisoq;
  • atuisunut qanimut suleqatiginnissinnaassusilik;
  • meeraq qitiutillugu, meeqqamullu angajoqqaatut oqartussaasut suleqatigalugit, meeqqamik pitsaanerpaamik ikorfartuinissaq qularnaassavaa, tassuunakkut meeqqap peqqissumik imaqarluartumillu inerikkiartornissaa qularnaarumallugu.

Inerniagassat inerneqassapput sulisut allat aqutsisorlu qanimut suleqatigalugit.

 

Ilinnut naatsersuutigaarput:

  • meeqqanut isumaginninnermullu ikiortitut iliniarnikuusimassasutit assingusumilluunniit, kisiannili

piumasaqaataanani;

  • ammasuusutit oqitsumillu periaaseqartutit;
  • patajaatsumik aamma pitsaassusilimmik sullissisinnaasoq;
  • suliamut pimoorussillutillu saaffigiuminartuusutit;
  • suleqatigiinnissamut piginnaasaqarluartutit;
  • qajannaatsuusutit, pilersitsiniaallaqqissoq inissaqartitsiuartoq piumassuseqartorlu.

 

Neqeroorutigissavagut:

  • Sulinermi atugassarititaasut pitsaasut;
  • isumassarsiassanut nutaanut eqqarsaatinullu periarfissat;
  • suleqatit angajoqqaallu suleqatigiilluartut;
  • sulisut nuannersut.

 

Annertunerusumik paasisaqarusukkuit:
Annertunerusumik paasisaqarusukkuit Aani Barlaj attavigisinnaavat uunga oqarasuaat 366760 imaluunniit e-mail-imut uunga: anba@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqarsinnaavoq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:
Kalaallit Nunaanni Namminersornerullutik Oqartussat aamma S.I.K. isumaqatigiissutaat imaluunnit allamik naleqquttoq atuuttuusoq Kalaallit Nunaannilu kattuffiup isumaqatigiinninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

 

Inissiaq:
Atorfinnut atatillugu inissianik atugassiisoqarsinnaanngilaq.

 

Qinnuteqaat:
Qinnuteqaat qulequtserlugu Atorfiup ilisarnaataa 646/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 27.-at, 2022

Atorfik una qinnuteqarfigiuk