Kommuneqarfik Sermersooq Børn & familie forvantning / Tidlig Indsats / Amarngivat

Tasiilami siusissukkut suliniuteqarfimmi Amarngivat-mi erninermi taartaasinnaasumik ilaqutariinnut aqqutissiuisumik sulisussarsiorpoq

Kommuneqarfik Sermersooq-mi pikkorissumik tunniusimasumillu erninermi taartaasinnaasumik ilaqutariinni aqqutissiuisumik Amarngivat pissarsiorpoq. Meeqqanut Ilaqutariinnut Ingerlatsiviup immikkoortortaani, Siusissukkut suliniuteqarfimmi. Ulloq atorfiniffissaq 1. juli 2023 imaluunniit isumaqatigiissuteqarnikkut, atorfik killilimmik piffissaligaavoq, taamaatumik naatsorsuutaavoq erninermi taartaaffisaq naartsorsuutaasoq ulloq 9. april 2024 tungaanuussasoq.

 

Ilaqutariinnik qajannartumik inissisimasunik isumaginninnikkut sullissinissaq soqutigilluinnarpiuk? Aammalu sulinermi atassuteqarneq tunngavigalugu nersuerpalaartumik perorsaariaaseqarluni sullissinissap pingaassusaa ilisimalluarpiuk? Aalajangersimasumik periaaseqarlutit aaqqissuulluakkamillu periuseqarlutit nakkutiginnillutit misissuisinnaavit allaaserinnissinnaallutillu kiisalu inunnik sullissinermi sullitat suut pisariaqartinneraat paasisimasaqarfigaagit?

Apeqqutit taakku angersinnaagukkit taava immaqa illit erninermi taartaasussaq ilaqutariinnut siunnersortitut atorfissaqarpatsigit!

Kommuneqarfik Sermersooq-mi Meeqqanut Ilaqutariinnut Ingerlatsiviup immikkoortortaani, Siusissukkut suliniuteqarfimmi, ilaqutariinnut siunnersortitut atorfimmut perorsaasunik, isumaginninnermi ikiortinik assigisaannilluunniit pissarsiortoqarpoq.

Kommuneqarfik Sermersuumi suliassatta pingaarnersaat tassaavoq meeqqanik sumiginnaanernik pitsaaliuissalluta. Aaqqissuussamik tunngaviit aallaavigalugit ilaqutariinnik tamanik akuliutitsilluta sulisarpugut, taakkulu sumiiffiat nukissaallu qitiutillugit sulivugut.

 

Atorfiup imarisaa:

Siusissukkkut suliniuteqarfik Amarngivat/Daqqitsiid aamma naartusunut qajannartunut angajoqqaanngorlaanullu najugaqarfiuteqarpoq 0-3 ukiulinnut meeralinnik.

Amarngivat/Daqqitsiid ilaqutariinnut naartusunut meeraaraatilinnullu piginnaasaqalernissamik tapersersorneqarnissamullu pisariaqartitsisunut saaffiginnittuuvoq. Ilaqutariit tassani meeqqat atugaat ineriartornerallu qitiutilluit periarfissaqarput.

Amarngivat/Daqqitsiid’ni erninimi taartaaninni, ilaqutariinnut siunnersortitut immikkoortortami aqutsisoq suleqatillu peqatigalugit najugaqarfiutigalugu katsorsaavimmi ilaqutariinnut ineriartortitsinissamut sulisarpugut, ataanilu makkunannga suliaqarluarsinnaasumik pissarsiorpugut:

∙      Naartusut meerartaarsimasullu immikkut pisariaqartitsissunik siunnersuineq ilitsersuussineq

∙      Ilaqutariit imminnut atassuteqarnerat pissusilersornerilu nakkutigalugit alaatsinaanneq takusanillu paasiniaaqqissaarneq.

∙     Isumassuinerit, attaveqaqatigiinnerit, inissisimaffiit pissutsillu allat tamakkununnga assingusut meeqqap ilaqutariillu atugaannut sunniuteqartut.

∙      Perorsaanikkut isumassuinikkullu tunngavigalgut katsorsaanissamik ikorfartuineq.

∙      Pisariaqartitsineq malillugu meeqqamik ikorfartuineq, soorlu meeqqerivimmi.

∙      Iluaqusersuutit, soorlu pinnguaatit iluaqutigalugit, ilaqutariit imminnut pitsaasumik atassuteqarnissaannut ikorfartuineq.

∙      Nersuerpalaartumik isiginnittaaseqarluni angajoqqaap perorsaaneranik ikorfartuineq.

∙      Ilaqutariinnik ataasiakkaanik ilagisanillu sullissinermi susassaqarfiit akimorlugit suleqataaneq.

∙      Ilaqutariinnik nutaanik ineqalertussanik piareersarneq tikilluaqqusinerlu.

∙      Ilaqutariit nammineq anguniakkatut toqqarsimasaat aallaavigalugit ilaqutariit sungiusarnerinut ikiuussinnaanissaq.

∙      Perorsaaneq siunertaralugu meeqqanut qatanngutaasunullu attaveqarnermik pilersitsisinnaaneq sullissinerlu.

∙      Ulluinnarni ilaqutariinnut attaveqaataaneq.

∙      Katsorsaasoqatigiinnut tunniussisarnerit suleqataanerillu aamma katsorsaanissamik neqeroorummik ineriartortitsinermut timitaliilluni suleqataaneq.

∙      Ilitsersuineq malillugu sammisassaqartitsinissamut pilersaarusioqataaneq peqataanerlu.

 

Qinnuteqartunut naatsorsuutigisat:

∙      Perorsaasutut, isumaginninnermi ikiortitut allatulluunniit isumaginninnermi suliaqarnissamut perorsaasutulluunniit ilinniagaqartuuvutit.

∙ilinniaqqissimaneq, piumasaqaataanngilarli.

∙aamma / imaluunniit isumaginninnermi suliaqartarnermit attuumassuteqartunik misilittagaqarneq.

∙sulisinnaassuseqarputit.

∙ataqatigiissaarillaqqipputit, pilersaarusiullaqqipputit suliassanillu malinnaatitsillaqqillutit.

∙misiginneqatiginnissinnaassuseqarputit paasinnissinnaassuseqarlutillu.

∙naammagittassuseqarlutillu.

∙pitsaasumik isiginnittariaaseqarputit aamma nukissanik qitiutitsinissamut piumasassuseqarputit qitiutitsisinnaassuseqarlutillu.

∙imminnut paasinissaannut kaammattuisinnaavutit ikiuussinnaallutillu.

∙inuillu assigiinngissutaannik akuersisinnaallutit.

∙namminerlu sapiisersinnaassuseqarlutit

∙ineriartortuartumi sulerusussuseqarputit.

∙ineriartortuarnissassinnut piareersimavutit.

∙sakkortuunik nalaataqarsimanerup kingunerisartagaannik meeqqallu ineriartorneranut aammalu atassuteqarnermut ilisimasaqarneq taamatuttaaq suliassaqarfimmut tamatumunnga soqutiginnittuuvutit.

Piumasaqaatigut sakkortupput, suliffeqarfillu atuuffissaminut atorluassappat, eqaatsumik suleriaaseqarlutillu suliarnut atatillugu pisartut assiginngitsorpassuit aallaavigalugit naleqqussarsinnaanissat pisariaqarpoq.
Aamma tamanna suliffeqarfiup iluani, katsorsaanermullu tunngatillugu atuuppoq.

 

Pingaartipparputtaaq:

∙      Inuttut pisinnaasat naatsorsuutigineqartut nalunaarsukkit. Ataaniittut siunnersuutaannaapput/assersuutaannaapput kissaatigisat pisariaqartitallu naapertorlugit piiarlugillu ilaartorneqarsinnaasut.

∙      Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

∙      Uippakajaarani arlariinnik suliaqarsinnaasoq

∙      Erseqqissumik tappissumillu allattariarsorlunilu oqaluttariarsorsinnaasoq

∙      Nammineerluni sulisinnaasoq, akisussaassuseqartoq sullissiumatoorlu

∙      Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

∙      Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

∙      Nukittooq pilersitsiniallaqqissoq inissaqartitsiuartoq piumassuseqarluartorlu

∙      Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙      Kisitsisilerillaqqissoq

∙      Atituumik suleqateqarluarsinnaasoq

∙      Qinnuteqartut marluinnik oqaasillit (kal/qall) piumaneqarnerupput

Neqoroorutigaavut:

∙soqutiginartoq unammillernartunik suliassartarpassualik.

∙pitsaasut suliffimmilu suliffiup avatangiisai qitiutitsiffiusut.

∙inuttullu ineriartornissamut periarfissat pitsaasut.

∙ilinniartinneqarnissat atuartinneqarnissallu.

∙sulineq.

Unnukkut sapaatillu akunnerisa naaneranni sulisarnissat naatsorsuutigineqassapput. Atorfik 1. August 2022 imaluunniit isumaqatigiissuteqarnikkut

Piffissami nalinginnaasumik suliffiusussami sapaatip-akunneranut nalunaaquttap-akunnerini 40-ni sulisassaatit.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ina Kilime Mikaelsen , oqarasuaat +299 36 78 63 imaluunniit e-mail: ikmi@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 481-23mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: juunip 28.-at, 2023

Atorfik una qinnuteqarfigiuk