Skip to main content
153

Dette jobopslag er udløbet

Allagarsiuteqqitaq - Ulluunerani paaqqinnittarfinnik neqeroorutinut Susassaqarfimmut pisortassarsiorpoq

Ulluunerani paaqqinnittarfinnik neqeroorutinut tunngasuni suliniuteqallaqqissumik misilittagartuumillu susassaqarfinni pisortassarsiorpoq.

Kommuneqarfik Sermersuumi Meeqqanut Atuarfeqarnermullu Ingerlatsivik ulluunerani paaqqinnittarfinnik neqeroorutinut tunngasuni susassaqarfimmi pisortamik martsip aallaqqaataani 2022-mi imaluunniit isumaqatigiinnikkut aallartittussamik pissarsiorpoq.

Ingerlatsiviup meeqqanik alapernaatsunik, tatituunik, peqqissunik nuannaartunillu pilersitsinissani kiisalu ulluunerani paaqqinnittarfinnik Nunatsinni pitsaanerpaanik peqarnissani anguniagassatut aalajangiussimavai. Taamaattumik aqutsisumik pikkorissumik misilittagartuumillu perorsaanermut tunngasutigut ilisimasalimmik ujaasivugut. Taamaattumik, perorsaanermut tunngasutigut piukkunnaateqaruit ulluuneranilu neqeroorutinut tunngatillugu takorluukkatsinnik anguniagaqaqatigisinnaagutsigut, illit ujartorpatsigit.

Susassaqarfinni aqutsisoqatigiit, Pisortamik, Ingerlatsivimmi atorfilittat pisotamik, Atuarfeqarnermut Susassaqarfimmi aqutisumik, Ineriartornermut Susassaqarfimmi aqutsisumik, MISI-milu Susassaqarfimmi aqutsismik inuttaqartut ilannguffigissavatit. Ulluunerani neqeroorutinut immikkoortortaq Susassaqarfimmi aqutsisumik, perorsaanermut siunnersortinik pingasunik kiisalu innersuussisartut immikkoortortaannik immikkoortortami aqutsisumik kontorfuldmægtiginillu inuttalimmik sulisoqarpoq. Susassaqarfimmi aqutsisutut siullertut ingerlatsinermik ineriartortitsinermillu suliaqassaatit kiisalu kommunimi meeqqat nukarlersaasa atugarissaarnissaannik, ilikkagaqartarnissaannik ineriartornissaannillu tapersiinissamik qulakkeerinnissallutit. Tamanna immikkoortortami sulisut, aqutsisoqatigiit sinneri, ulluuneranilu paaqqinnittarfiit qanittumik suleqatiginerisigut pisarpoq. Taakku saniatigut Atorfilittat suleqatigalugu akisussaaffigissavatit; missingersuutit taakkulu nakkutiginissai, qinikkanullu saqqummiussassat.

Atuarfeqarfiit ulluuneranilu neqeroorutit politikkikkut aaqqissuussaanikkullu qitiutinneqartupilussuupput, taamaattumillu kommunimi meeqqat nukarlersaannut neqeroorutit ataavartumik pitsanngorsarsinnaajumallugit, suliniutit amerlasuut pissanganartut, allaaserineqartussat, suliarineqartussat, nalilersorneqartussallu aallartisarneqarput.

Ilinnut naatsorsuutit:

Taamaattumik inummik aqutsisoqatigiinnik pikkorissunik suleqateqarusuttumik, suliatigullu piginnaasaminik atuinermigut suliatigut suliassaqarfinnilu assigiinngitsuni suleqatigiinnikkut siunnerfilersuisinnaasumik ujarlerpugut. Naatsorsuutigaarput illit:

  • Suliassaqarfimmut attuumassutilimmik masteritut/kandidatitut qaffasissusilimmik ilinniagaqarsimanissat
  • Aqutsinermik misilittagaqarnissat, ajornanngippat Nunatsinni pisortat suliffeqarfiini
  • Matumani suliassaqarfimmi inatsisinik politikkikkullu aaqqissuussaanerup qanoq ingerlasarneranik ilisimasaqarluarnissat
  • Missingersuutinut tunngasunik paasisimasaqarluarnissat
  • Aaqqissuussisinnaassuseqarnissat, misissueqqissaarsinnaanissat periusissiornikkullu tamakkiisumik isiginnissinnaanissat
  • Sulisunut, suleqatinut politikkikkullu attaveqarsinnaassuseqarluarnissat
  • Angusaqarusussuseqarnissat, nammineersinnaanissat naammassinnissinnaanissallu
  • Qanittumik, akuersaarinnittumik pitsaasumillu aqutseriaaseqartutit suleqatiginneriaaseqarlutillu
  • Allanngoriarnerni aqutsisutut misilittagaqassaatit

Neqeroorutigisinnaavarput:

Suliffimmik ineriartortitsinermi sunniuteqarnissamut periarfissiisumik kiisalu aqutsisoqatigiinnik suleqatinillu pikkorissunik sammiveqatigiillutik kiisalu ulluunerani neqeroorutit atuarfeqarnerullu tungaasigut takorluugaqatigiillutik sulisunik neqerooruteqarsinnaavugut. 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Pinerluuteqarsimannginnermut meeqqanillu innarliisimannginnermik uppernarsaatit atorfimmi piumasarineqarput. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit tiguneqarpata aatsaat  atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniagartuut peqatigiiffiata (akademikerorganisationerne) akornanni isumaqatigiissut atuuttoq, imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaat atuuttut naapertorlugu atorfinitsitsisoqassaaq.

Atorfinitsitsinermi qaammatit pingasut misiligutaassapput.

Inissaq:
Atorfimmut atatillugu inigisassamik innersuussisoqarsinnaanngilaq.

Qinnuteqaat:
Qinnuteqaat Atorfik nr. 14/22-mik ilisarnaaserlugu, aamma ilinniagaqarsimaneq siornatigullu sulisimanermik paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani Sulisoqarnermut Immikkoortortaqarfimmit tiguneqareersimassaaq.

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatinnik nittartagaq aqqutigalugu nassiussinissat inussiarnersumik piumasarineqarpoq.

 

Qinuteqaat tunniunneqassaaq kingusinnerpaamik: 28. januar 2022
Atorfininneq: isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Lone Nukaaraq Møller
Telefon: +299 367301
Nittartagaq: http://www.sermersooq.gl
Qinnuteqaat nassiutiguk