Skip to main content
127

Dette jobopslag er udløbet

Allagarsiuteqqitaq - Teamleder Isumaginninnermut siunnersortinut pisortaq/Atorfiup ilisarnaataa. 19/19

Kommuneqarfik Sermersuumi Suliffeqarnermut Isumaginninnermullu Ingerlatsivik, Teamleder / Isumaginninnermut siunnersortit pisortassaannik piaartumik atorfinittussamik imaluunniit isumaqatigiissuteqarnikut.

Oqartussaaffeqarfiup immikkoortortaa
Oqartussaaffeqarfiup immikkoortortaa Isumaginninnermut, Suliffeqarnermut Inuussutissarsiornermullu Ingerlatsivimmi Oqartussaaffeqarfimmiittup Matchgruppe 1, 2 aamma 3 inatsiseqarnermik ingerlatsisoq.

Suliassat:

  • Kommuneqarfik Sermersuumi inersimasunik sullissivimmi sulianik ingerlatsinerup pitsaassusaa qularnaarlugu
  • Inatsisit peqqussutit allallu malillugit sulianik ingerlatsinerup pisarnissaa qularnaarlugu
  • Sulianik ingerlatsisarfimmi maleruagassat ingerlatseriaatsillu nutarternissaannik suliarineqarnissaannullu akisussaaqataaneq
  • Immikkoortortamut apeqquteqaatit naammagittaalliuutillu suliarisarlugit
  • Suliffeqarnermut Isumaginninnermullu Ataatsimiititaliamut TFUmut allallu suliaqarfimmut attuumassutilinnut Kommuneqarfik Sermersooq tamakkerlugu saqqummiussassat, immikkoortortap aqutsisua suleqatigalugu pitsaassutsimik qularnaarineq suliaqarnerlu.
  • Isumaginninnermi Naammagittaalliuuteqartarfimmit Ombudsmandimillu saaffiginnissutit, immikkoortortami aqutsisoq inatsisileritoorlu qanimut suleqatigalugit suliaralugit.
  • Immikkoortortami aqutsisoq qanimut kinguneqartussamik suleqatigalugu
  • Nuummiittunik sulianik ingerlatsineq

Naatsorsuutigaarput, illit

  • Isumaginninnermut siunnersuisuusutit, misilittagaqarsimasoq
  • Suleqatigiuminartuusutit 
  • Suliassaqarfiit assigiinngitsut apeqqutaatinnagit sulisinnaassasutit
  • Suliassaqarfimmi ineriartortinneqartuartumi suliassanik unammillernartunik suliaqarnissamik nuannarisaqartutit
  • Sullissiumatussuseqartutit ineriartortitsinissamillu soqutiginnittutit
  • Ulluinnaat ulapaarfiusut nuannarigitit
  • Isumagissaartuussaatit.

Neqeroorutigaavut:

  • immikkoortortami suliffik, piginnaasaqarluartunik suleqateqarfiusoq
  • suleqatit nuannaartut
  • Atorfik suliassanik unammillernartulik namminerlu suliassanik sunniuteqarfiusinnaasoq.
  • Atorfik tamatigoortoq unammillernartunillu suliassartalik

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 19/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                    
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 04. Februar 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Marie Filemonsen
Telefon: +299 368011
Mobil: +299 564533
Nittartagaq: http://www.sermersooq.gl
Qinnuteqaat nassiutiguk