Skip to main content
114

Dette jobopslag er udløbet

Allagarsiuteqqitaq -Tasiilami skolepasning Aamarngaar pisortassarsiorpoq / Atorfiup nr. 464/20

Skolepasning Aamarngaar meeqqanut 1.- 3.klasse atuartunut atuareernerup kingorna ornittakkatut neqeroortaavoq meeqqanut 120-nut inissaqartitsinissamut naatsorsuutaavoq

Sulisut maannakkut 9-t eqqiaasorlu ataaseq meeqqani sulisorineqarput, meeqqat isersimasutut nalunaarsukkat aallaavigalugit.

Skolepasning Aamarngaar ulluinnarni ataasinngorneq - tallimanngorneq ilanngullugu ammasarpoq nal.07:00 – 17:00 Katersortarfiup qanittuani inissisimalluni

Pisortaq sap.ak 40-tiimeqartartussaavoq nal. 08.00 – 16.00 akornanni sulisarluni. Pisariaqartitsineq naapertorlugu aamma periarfissaqarpoq 07:00– 15:00 imaluunniit  09:00– 17:00 sulisinissamut sap.ak.iluani

Atuuffiit aqutsisutut atorfimmut attuumassutillit:
Aqutsisoq aqutsisumut tullersortimut siunersiueqateqartassaaq. Ataatsimoorlutik anguniakkat siunertallu pingaarnerit kiisalu perorsaanikkut sulinermi najoqqutassat ulluinnarni naammassineqartarnissaat qulakkeertassallugit.
Aqutsisoq inimi sulisorineqartut amerlassusiligaanerannut ilaavoq. Aamma angajoqqaat suleqatigineranni nalinginnaasumik perorsaanikkut suliaq suliarisarpaa, aamma iliuusissatut pilersaarutit/sammisassanut pilersaarutit, sulisut atuisullu suliffimmut takkuttarnerat nalunaarsorlugit suliarisarlugit. 

Qinnuteqartumut piumasaqaatit:

  • perorsaasutut ilinniagaqarsimassaatit imaluunniit assingusumik ilinniagaqarsimallutit
  • akisussaassutsimik tigusisinnaassaatit
  • tamakkiisumik paasisaqarsinnaaneq
  • pinngorartitsillutit nutaanik pilersitsisinnaassaatit
  • sungiussisinnaassuseqarlutit allanngortoqarnermullu akuersaartuullutit
  • pissutsini uippallernartuni sulinissamut sapiutinngittoq
  • sungiussiasooq, suleqataarusussuseqartoq, ilassiortuullutit aamma aalajaatsuussaatit
  • periarfissat killilersuinernit tappiffiginngittoq
  • Qarasaasiamik atuisinnaasoq sulisinnaasorlu

Akisussaaffittut suliassat:

  • aqutsisutut politikikkut sinaakkutit malinnissaat
  • paaqqinnittarfiup aningaasatigut missingersuutaasa eqquutsinnissaat pisussaaffigaat
  • qulaani taaneqartut pillugit immikkoortut aningaasaliiffigineqarsimaneranut tunngasutigut tigusassatut tunniussisinnaatitaassaatit
  • atuisut, sulisut angajoqqaallu suleqatigalugit anguniagassat, iliuusissatut pilersaarutit aamma sammisassatigut pilersaarutit suliarisassavatit

Perorsaanikkut suliassat:

  • immikkoortortami pisortat qanimut suleqatigalugit perorsaanikkut sulinermi inatsit malittarisassallu malillugit sulinermik ingerlatsineq
  • Skolepasning Aamarngaar perorsaanikkut ukiumoortumik pilersaarutitut  anguniagaasa naleqartitaasalu ulluinnarni piviusunngortinnissaannik qulakkeerinninneq
  • sulisut angajoqqaallu akornanni suleqatigiinnermi ajornartorsiutit pillugit aaqqiiniarnernut peqataaneq imaluunniit siunnersuineq

Aqutsinermi allaffissornikkut suliassat:

  • Skolepasning Aamarngaar ulluinnarni ingerlatsineq
  • sulisorineqartut amerlassusiligaanerat naapertorlugu naammattunik sulisoqarnissamik qulakkeerinninneq
  • sulisunik, atuisunik angajoqqaanillu ataatsimiisitsisarneq
  • ullut tamaasa atuisunut tamanut takkuttarnermut allattuiffiup allattuiffigineqartarnissaanik qulakkeerinninneq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atuarfeqarnermut  Immikkoortortaq naleqqussakkanik aqutsisoqatigiinnullu pikkorissarnernik ingerlaavartunik neqerooruteqartarpoq

Qinnuteqaatip
Qinnuteqaatip ilisarnaataata Atorfiup nr. 464/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 23. september 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Riikki Grønvold
Telefon: +299 367303
Nittartagaq: http://www.sermersooq.gl
Qinnuteqaat nassiutiguk