Skip to main content
75

Dette jobopslag er udløbet

Allagarsiuteqqitaq - Tasiilami Meeqqanut Ilaqutariinnullu Sullissivik ilaqutariinnut siunnersortimik pissarsiorput / Atorfiup normua: 255/20

Tasiilami Meeqqanut Ilaqutariinnullu Sullissivik pikkorissumik aalajaatsumillu Ilaqutariinnut Siunnersortimik pikkorissumik aalajaatsumillu pissarsiorpoq, perorsaasutut, isumaginninnermi sullissisutut imaluunniit peqqissaasutut ilinniarsimasunik.

Meeqqanut Ilaqutariinnullu Sullissivimmi suliassat sullissusimut innersuunneqarsimasut naammassiniarneqartarput. Ilaqutariinnik tamakkiisumik katsorsaasarpugut sullissivimmilu tamanna aaqqissuussamik ingerlanneqartarpoq, tassa ilaqutariit tamaasa attavigisartagaallu peqataatillugit ilaqutariit ataasiakkaat periarfissaat atorsinnaasaallu eqqumaffigalugit. Suliniutit ilaqutariit angerlarsimaffianni imaluunniit Meeqqanut Ilaqutariinnullu Sullissiviup inini katsorsaavigisartagaanni ingerlanneqartarput.

Meeqqanut Ilaqutariinnullu Sullissiviup sulisui ukuupput: Ataatsimut Fagchefeqarput, tarnip pissusaanik ilisimasalik, sullissisoq, ilaqutariinnut siunnersuisut pingasut kiisalu inuusuttunut siunnersuisut pingasut.

Ilaqutariinnut Siunnersortitut ilaatigut ukua suliassaraatit:

  • Tamanut ammasumik siunnersuineq
  • Ataasiakkaanik, aappariinnik ilaqutariinnillu oqaloqatiginninnerit
  • Angerlarsimaffigisami ilaqutariinnik aqqutsissiuineq
  • Eqimattakkaanik siunnersuinernik ingerlatsineq
  • Ilaqutariinnik isumasioqatigiissitsinerit, attaveqatigiinnik ataatsimiititsinerit
  • Meeqqanut Ilaqutariinnillu Sullissivimmi sammisassaqartitsinerni peqataaneq
  • Suliffiup iluani avataanilu suliassaqarfiit akimorlugit suleqateqarneq

Qinnuteqartumut naatsorsuutigineqartut:

  • Aalajaatsoq akisussaassuseqartorlu
  • Arlalissuarnik suleqateqallaqqissuunissat
  • Misiginneqataasinnaaneq, qanilaassuseqarneq tunniussimanerlu piginnaasaqarfiginissai
  • Angajoqqaat isumatsassinnaanernik qularsinnaaneranillu inissaqartitsisinnaaneq
  • Allattariarsullaqqinneq, tassanilu killiffinnik nalunaarusiornernik suliaqarneq.

 Neqeroorutigisinnaavagut:

  • Sapaatip akunneranut akunnerit 40-t aalajangersimasumik suliffik
  • Atorfik suliatigut inuttullu unammillernartunik annertuunik toraagassaqarfiusoq
  • Suleqatigiit nuannersut, ataqatigiittut suliaminnillu aallussisut 
  • Suliffik sunniuteqarfiusoq akisussaaffilillu
  • Namminersorluni sulineq
  • Suliat pillugit oqaloqatiginninneq sulianullu tunngatillugu siunnersoqatigiinneq
  • Suliassaqarfiit akimorlugit suleqatigiissuteqarneq

Takkua saniatigut Tasiilami pinngortitamut misigisassarsiortoqarsinnaavoq. Aasakkut tatsini kangerlunni aalisarnissamut periarfissaqarluarpoq, qaqqakkut pisuttuarluni umiatsiarnermilu arfernik puisinillu takunissamik periarfissaqarluarluni. Ukiukkut qimussertoqarsinnaavoq, sangusaarluni imaluunniit ujakkaarluni, sikukkut aalisarluni aamma qamuteralalluni. Akeqanngitsumut timersoriartoqarsinnaavoq, iligiikkaarluni timersortoqarsinnaavoq, soorlu volleybolderluni isikkamik arsarlunilu, soorluttaaq ivigaasaaqqani arsaattarfimmi arsaattoqarsinnaasoq.

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Inissiaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput aamma minnerpaamillu ukiut pingasut atorfeqareernermi inatsisit atuuttut malillugit soraarnermi angalanissamut pisattallu nassiunneqarnerannut akiliunneqarneq.  

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, AK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Qinnuteqaat:
Qinnuteqaatip ilisarnaataata Atorfiup normua 255/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik uunga nassiunneqassapput: Eertasimappimmut B- 155, Postboks 120, 3913 Tasiilaq.

Maajip aallaqqaataani atorfinitsitsisoqarnissaa kissaatigineqarpoq atorfinitsitsinissamullu oqaloqatiginninnissat sapaatip akunnerani 19-imi ingerlanneqarnissaat naatsorsuutigineqarpoq.

Atorfik pillugu annertunerusumik paasisarusukkuit Katsorsaanermi aqutsisumut Maria Forberg attavigisinnaavat oqarasuaammut uunga sianerlutit 367772 mail: mafo@sermersooq.gl imaluunniit Fagchefimut Lene Warwick-imut oqarasuaammut 367795, mail: lewa@sermersooq.gl

Nittartagaq atorlugu imatut aamma qinnuteqaateqarsinaavutit:              

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Atorfik qinnuteqarfigerusutat takugukku, uagutsinnut qinnuteqaammik CV-millu nassitsissuutit nittartagarput aqqutigalugu Atorfiup normua 255/20-mik nalunaaqutserlugu aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Qinuteqaat tunniunneqassaaq kingusinnerpaamik: 5. juni 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk