Skip to main content
122

Dette jobopslag er udløbet

Allagarsiuteqqitaq - Siusinaarluni pensionisiaqalertarneq pillugu isumaginninnermi siunnersortimik pissarsorpoq /Atorfiup ilisarnaataa. 105/19

Suliffeqarnermut Isumaginninnermullu Ingerlatsiviup innuttaasut 18-it sinnerlugit ukiullit  sullitarai, ukulu akisussaaffigalugit:

Utoqqarnut suliassaqarfik, Inunnut innarluutilinnut suliassaqarfik, siusinaarluni pensionisiat, Oqartussaaffik Ikiorsiissutillu, Suliffissarsiuussisarfik aamma kommunip Atorfilittai, Suliffeqarnermut Isumaginninnermullu Ataatsimiititamik sullissaqartut.

Kommuneqarfik Sermersuumi Nuummi Suliffeqarnermut Isumaginninnermullu Ingerlatsiviup ataani Inuit innarluutillit aamma Pensionit pillugit suleqatigiit Immikkoortoqarfiat isumaginninnermut siunnersortissarsiorpoq piaartumik atorfinittussamik imaluunniit isumaqatigiissuteqarnikkut.  Siusinaarluni pensionisiaqartunik suliassaqarfik suliaqarfiussaaq.

Siusinaarluni pensionisiaqarnermut immikkoortortaqarfimmi sulianik suliarinnittarneq Inuit innarluutillit aamma Pensionit pillugit suleqatigiit Immikkoortoqarfiata siusinaarluni pensionit pillugit suliassaqarfimmi sulianik suliarinnittarnerup inatsit atuuttoq naapertorlugu ingerlanneqartarnissaa aamma innuttaasut ataasiakkaat pisariaqartitaanik piviusorsiortumik naliliineq tunngavigalugu pisassasoq qulakkiissavaa.

Atorfimmi inuttassarsiuunneqartumi suliassat

  • Siusinaarluni pensionit pillugit sulianik suliarinninneq
  • Siusinaarluni pensionit pillugit suliassaqarfimmi siunnersuineq ilitsersuinerlu
  • Suliffeqarnermut isumaginninnermullu Ataatsimiititamut aamma suliassaqarfiit assigiinngitsunik suliallit akornanni suleqatigiinnut ataatsimiititamut saqqummiussassanik suliaqarneq
  • Suliassaqarfiit assigiinngitsunik suliallit akornanni suleqatigiinnermik suliaqarneq, suliaqarfiup iluanit aamma avataanit suleqatit attuumassutillit suleqatigalugit

Naatsorsuutigaarput illit

  • Isumaginninnermi siunnersortitut ilinniagaqarsimasutit, sulianik suliarinnittartuusutut imaluunniit sulianik suliarinninnermik misilittagaqartutit
  • Suleqatigiillaqqissuseqartutit
  • Suliassaqarfiit assigiinngitsunik suliallit akornanni suleqatigiinnermik suliaqarsinnaasutit
  • Angusaqarusullutit sulisarputit
  • Unamminartut suliarissallugit aamma suliassaqarfik ineriartortitsiuartoq suliffigissallugu nuannarivat
  • Tatituujuvutit
  • Sullissineq ineriartortitsinerlu aallullugit suliarisarpatit
  • Marluinnik oqaasillit (kal-qall) qinnuteqarnissaat piumaneruarput

Neqeroorutigisinnaavagut

  • Immikkoortortaqarfimmi nuannersumi suliffik suliatigut qaffasissumik pitsaassusilimmik sullissiffik
  • Suleqatit nuannaartut pikkorissullu
  • Atorfik unamminartoq nammineq suliarisanut sunniuteqarsinnaanermut periarfissalik
  • Suliassaqarfiit assigiinngitsunik suliallit akornanni suleqatigiinnermik suliaqarsinnaaneq 
  • Suliffik pissanganartoq ammasorlu
  • Suliffik tamatigoortoq amerlasuunik unamminartortalik

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 105/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 11. april 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Vivi Christiansen
Telefon: +299 368073
Mobil: +299 562686
Nittartagaq: http://www.sermersooq.gl
Qinnuteqaat nassiutiguk