Skip to main content
91

Dette jobopslag er udløbet

Allagarsiuteqqitaq Qinngutsinni Najugaqatigiiffimmi perorsaasoq / Atorfiup Ilisarnaataa 652/21

Inuit sullikkusuppigit?

Qinngutsinni Najugaqatigiiffimmi perorsaasoq

Kommuneqarfik Sermersooq, Suliffeqarnermut Isumaginninnermullu Ingerlatsivik, Innarluutilinnut tarnikkullu nappaatilinnut Immikkoortortaqarfik

Innarluutilinnut tarnikkut nappaatilinnullu Immikkoortortaqarfiup iluani sulinissat nuannaraajuk, aammalu ineriartortitsinermut sunneeqataanissat periarfissaqarfigalugu nammineersinnaassuseqarlutit sulinissat nuannaraajuk, taava immaqa Qinngutsinni Najugaqatigiiffimmi peqqinnissamut assistenti ilinnut tulluartuussaaq

Qinngutsinni Najugaqatigiiffik  21-nut inissaqarpoq, ineqartut tamarmik namminerisamik ineqarput quleriinni marlunni agguataagaasumi Quleriinni tamani marlunnik angisuunik atorneqarluartunik isersimaartarfeqarpoq. Qanittumi ulluinnarni pisiassanik pisiniartarfeqarpoq, kiisalu bussinut aqquteqarluni. Najugaqartut 24-nit 62-inut ukioqarput, taakku inuunerminni pisariaqartippaat ullut tamaasa imaqarluartunik atugaqartinneqarnissaq aalajangersimasunik najoqqutassinneqarnissaq malittarisassinneqarnissamullu ikiorneqarnissaq, ikorfartorneqarnissaq, ilitsersuunneqarnissaq isumassorneqartarnissarlu.

Perorsaasutut innuttaasumut attaveqaataassaatit, aammalu innuttaasup ikorfartornissaanut ingiallortaanissamullu akisussaaffeqassaatit. Attaveqaatitut suleqatigissavatit ilaqutaasut, peqqinnissaqarfik, nunap immikkoortuani tarnimikkut nappaatillit nakorsaat, timimik sungiusaasut pillorissaasullu, pinerluttunik isumaginnittoqarfik aammalu innutaasup sullissisua. Najugaqatigiiffik ulloq unnuarlu suliffiummat ullukkoortarnissaq, unnukkoortarnissaq unnuarsiortarnissarlu, weekendillu allorlugit weekendini sulisarnissaq naatsorsuutigineqassaaq.

 Illit ilaatigut makku suliarisassavatit:

  • Innuttaasup timikkut, tarnikkut isumaginninnikkullu pisariaqartitaanik isumaginneqataanissaq.
  • Suliassaqarfiit assigiinngitsut suleqatigalugit innuttaasumut tapersersuineq kajumissaarinerlu
  • Innuttaasup katsorsartinneranut pilersaarutit ataavartuunissaat qulakkiissallugit, matumani perorsaanermi iliuusissamik pilersaarut, killiffimmut nalunaarutit aamma piginnaasanut nassuiaatit ilanngullugit.
  • Illup iluani avataani ineqartoq sammisassarsioqatigalugu
  • Pisiniarnermut, sunngiffimmi sammisassanut il.il. ingiaqatiginissaa.
  • Innuttaasumik nakkutiginninneq, nakkutiginninnermillu katsorsaasutut akisussaasunut attuumassuteqartunut ingerlatitseqqiineq.
  • Isumassuisuullutillu peqataatitsisassaatit, tapersersuerusullutillu ilitsersuisinnaallutit aammalu innuttaasup eqeersimaarnissaanut peqataasarnissaanut nassuiaattarnissaa.

Naatsorsuutigaarput:

  • Perorsaasutut ilinniarsimasuunissat
  • Innarluutilinnut tarnikkut nappaatilinnullu tunngasut iluani sulinermik misilittagaqarlutit, perorsaanikkut iliuusissanik pilersaarusiornermut aammalu avatangiisit tunngavigalugit katsorsaanermik suleriaaseqarnermik ilisimasaqarneq pitsaaqutaassaaq
  • Suleqateqarsinnaassuseqarluartutit, nammineersinnaassuseqarlutit ajornartorsiutinillu aaqqiisinnaassuseqartutit kiisalu assigiinngitsunik suliallit suleqatigalugit sulisinnaassuseqartutit
  • Tamakkiisumik isiginnissinnaassuseqartutit aammalu suliassanik pingaarnersiuillutit suliarinnissinnaasutit
  • Ilisimasanik avitseqatigiinnissamut, ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • Isumalluartuusutit nuannaartuusutillu
  • Aalajaatsuussaatit tamatigoortuullutillu
  • Inuttut tatituujusutit inissaqartitsisuullutillu
  • Suliatigut pikkorissoq suliaminillu aaqqiiniarnermikkut akisussaassusilik.
  • Innuttaasut ataasiakkaat inuunerat qitiutillugu.

Neqeroorutigaavut

  • Suleqatit pimoorussisut pikkorissullu
  • Ilisarititsilluarneq
  • Tatiginninneq
  • Akisussaaneq
  • Sunniuteqaqataaneq
  • Pisariaqartitat malillugit illumi ilinniartitsineq sungiusarnerlu.
  • Ataqatigiinneq / illumi tamanik suleqatigiinneq
  • Suliffeqarfinnik allanik kommunimit, peqqinnissaqarfimmiit il.il. suleqateqarneq.
  • Suliffik qiimasunik inussiarnersunillu ineqartulik
  • Suliffik unammillernartulik, suliallu aallaavigalugit sunniuteqarnissamut periarfissaqarneq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup NPK-p imaluunniit allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:

Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 652/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 10. november
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Julianne Frederiksen
Telefon: +299 367236
Mobil: +299 548934
Nittartagaq: http://www.sermersooq.gl
Qinnuteqaat nassiutiguk