Skip to main content
99

Dette jobopslag er udløbet

Allagarsiuteqqitaq Qinngutsinni najugaqatigiiffik perorsaasumik sulisussarsiorpoq / Atorfiup nr. 524/20

Inunnik sullissineq namminersorlutillu sulineq soqutigigukku, assigiinngitsunillu suliaqartut kajumilluartut pikkorissullu akornanni suleqataaneq nuannaralugu, taava immaqa Qinngutsinni innarluutilinnut isumaginninnerup socialpsykiatrillu iluani najugaqatigiiffitsinni Perorsaasutut atorfik ilinnut tulluuttuussaaq. Najugaqatigiiffimmi aaqqissugaalluartumi, najugaqartut 20-it immikkut inillit inissaqartinneqarput. Quleriinni tamani marlunnik angisuunik atorneqarluartunik isersimaartarfeqarpoq. Qanittumi ulluinnarni pisiassanik pisiniartarfeqarpoq, kiisalu bussinut aqquteqarluni. Najugaqatigiiffimmi aalajangersimasumik unnuarsiortoqartarpoq. Ullukkut, unnukkut aammalu weekendini sulisarnissaq naatsorsuutigineqassaaq.

Najugaqatigiiffimmi inuit tarnimikkut nappaatillit, tarnimikkut inooqataanermikkullu kiisalu pisariaqartitatigut piginnaasamikkut pitsanngorsaanissaminnik ineriartortitsinissaminillu pisariaqartitsisut pingaarnertut najugaqarput. Ikorfartuinermi tassani pingaartinneqarpoq innuttaasup kinaassutsiminik, imminut naleqartinnerminik aamma inuunermik nuannarisaqarneranik attassiinnarnissaa ineriartortitsinissaalu, kiisalu inooqatigiinnermi pitsaasumik inooqataasinnaaneranut, attaveqaqateqarsinnaaneranut tapersersuineq taamatullu nammineq inuunerminik annerpaamik oqartussaaqataanermik misigisimanissaa.

Perorsaasutut innuttaasunut attaveqaataassaatit, innuttaasullu ilaatigut ass. ukununnga: peqqissaavimmut/ Nunap immikkoortuani tarnikkut nappaatillit nakorsannut kommunimi tagiartuisartunut pillorissaasunullu, Pinerluuteqarsimasunik Isumaginnittoqarfik, innutaasup sullissisuanut attaveqarnissaanut ikorfartussallugu akisussaasuullutit.

Illit ilaatigut makku suliarisassavatit:

  • Innuttaasup timikkut, tarnikkut inuusaatsikkullu pisariaqartitaanik isumaginneqataanissaq.
  • Innuttaasup katsorsartinneranut pilersaarutit ataavartuunissaat qulakkiissallugit, matumani ineriartortitsinermut pilersaarut ilanngullugu.
  • Kommunimi iliuusissatut pilersaarut aallaavigalugu innuttaasumut tapersersuineq.
  • Innuttaasumik nakkutiginninneq, nakkutiginninnermillu katsorsaasutut akisussaasunut attuumassuteqartunut ingerlatitseqqiineq.
  • Assigiinngitsunik suliallit suleqatigalugit innuttaasup ineriartornissaanut ikorfartuineq.

Naatsorsuutigaarput illit:

  • Perorsaasutut ilinniarsimasuusutit, Inuillu innarluutillit pillugit aamma inooqatigiinnikkut tarnikkut sulinermik misilittagaqartuusutit.
  • Suleqateqarsinnaassuseqarluartutit, nammineersinnaassuseqarlutit ajornartorsiutinillu aaqqiisinnaassuseqartutit kiisalu assigiinngitsunik suliallit suleqatigalugit sulisinnaassuseqartutit
  • Tamakkiisumik isiginnissinnaassuseqartutit, aammalu suliassanik pingaarnersiuillutit suliarinnisinnaasutit
  • Ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • Isumalluartuusutit nuannaartuusutillu
  • Tatitooq, aalajaatsoq inissaqartitsilluartorlu.

Neqeroorutigaavut:

  • Immikkoortortami atorfik suliatigut qaffasissoq 
  • Suleqatit nuannaartut pikkorissullu
  • Atorfik nuannaartunik kajumissusilinnillu atuisortalik ulluinnarni aalajangersimasunik malitassaqarluni sammisassaqartitsinissanillu piumasaqaateqarfiusoq
  • Atorfik suliassanik unammillernartulik namminerlu suliassanik sunniuteqarfiusinnaasoq.
  • suliassaqarfinni assigiinngitsuni sulisunik qanimut suleqateqarnerit
  • suliffik pissanganartoq ammasorlu
  • Atorfik tamatigoortoq  unammillernartunillu suliassartalik

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsitnaapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 524/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik CV-millu nassiutissavatit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 26. oktober 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Henrik Gundersen
Telefon: +299 36 60 87
Mobil: +299 522836
Julianne Frederiksen
Telefon: +299 367236
Mobil: +299 548934
Nittartagaq: http://www.sermersooq.gl
Qinnuteqaat nassiutiguk