Skip to main content
88

Dette jobopslag er udløbet

ALLAGARSIUTEQQITAQ / Qinikkanut Allatseqarfik AC-fuldmægtigimik pissarsiorpoq /Atorfiup ilisarnaataa. 464/19

Qinikkanut Allatseqarfimmi Pisortaqatigiinnut Allatseqarfiup ataani immikkoortortaavoq, immikkoortunullou ilaallutik Kultureqarnermut Aaqqissuussinermullu Immikkoortortaq kiisalu immikkoortortaq Ineriartortitsineq piujuartitsinerlu. Qinikkanut Allatseqarfimmi AC-fuldmægtigitut atorfeqassaatit aammali Pisortaqatigiit Allatseqarfianni suleqataasassallutit.

Qinikkanut Allatseqarfik immikkoortortaqarfiuvoq, pingaarnertut politikerinik kiffartuussisarfiusoq. AC-fuldmægtigitut ulluinnarni sulinermi politikerit aalajangiussaat tunngavigalugit ineriartortitsinermik suliniutinillu aallartitsinermik suliaqartassaatit kiisalu assigiinngitsunik annertussusilinnik assigiinngitsunullu tunngasunik ikorfartuinermik naammassinninnermillu suliaqartassallutit.

Qinikkanut Allatseqarfimmi suleqataasutut suliffiup piffiit ilaanni pilertortumik aamma piffissakilluni isumagisassanik suliassaqarfiusumut nuannarinnittuussaatit. Politikerit inuillu assigiinngitsorpassuit akornanni aamma piffissap ingerlanerani suliniutit ilusaasa imarisaasalu allanngorfigisinnaasaanni sulineq nuannarissavat.

Suliffimmi suliassat:

  • Pisortaqatigiinnut Allatseqarfiup kommunimilu aaqqissuussaanerup iluani suliniutinik aqutsineq, ikorfartuineq ataqatigiissaarinerlu.
  • Pisortaqatigiit aalajangiussaannik Pisortaqatigiinnut Allatseqarfimmi cheffit aamma immikkoortortami aqutsisut suleqatigalugit piviusunngortitsisarneq
  • Politikkikkut oqaluuserisassanik suliassamik saqqummiussaliorneq politikerinullu saqqummiisarneq
  • Misissueqqissaarinermik, nassuiaammik il.il. suliaqarneq
  • Suligasuarneq

Suleqatitaatta tullinnguuttunik makkuninnga tunniussaqarsinnaanera imatut takorloorparput:

  • Politikkimut tunngasuni aaqqissugaasumi suliaqarnermik misilittagaqarneq
  • Suliniutinik aqutsinermik misilittagarneq
  • Suliffeqarfimmi angisuumi qaffasissutsini assigiinngitsuni sulinermik misilittagaqartoq
  • Aaqqissuussaasumik sulisinnaasoq naammassisaqapallassinnaasoq
  • Suliniuteqarsinnaassuseqarluartoq, iliuuseqarsinnaassuseqarluartoq nammineersinnaassuseqartorlu
  • Suleqatigiuminarluartuusutit
  • Suliassat assigiinngitsorpassuit akisussaaffigisinnaagai ataatsimoortumillu takunnissinnaajuaannassasoq

Neqeroorutigisinnaavagut:
Atorfik namminersorfiusorujussuaq tamannalu iluatsissappat suleqatigiittoqartariaqarpoq
Suliassat allanngorartut pissanganartullu
Suleqatit sulilluartut pikkorissullu
Ulluinnarni ullut marluk tulleriit qaqutiguinnaq assigiiffigisaat aamma ullut imarisaat akuttunngitsumik illit pilersaarutigisimasannit allaanerukkajuttartut.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 464/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:            
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 9. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Fg. Afdelingsleder Arnajaraq Joelsen
Telefon: +299 367023
Nittartagaq: http://www.sermersooq.gl
Qinnuteqaat nassiutiguk