Skip to main content
91

Dette jobopslag er udløbet

Allagarsiuteqqitaq Perorsaasut marlunnik, najugaqatigiiffik Kangillinnguit 4-mut / Atorfiup nr. 650/21

Nuummi Inunnut innarluutilinnut Tarnimikkullu nappaatilinnut Immikkoortortaq.

Inunnut innarluutilinnut tarnimikkullu nappaatilinnut immikkoortortaqarfiup iluani sulinissat nuannaraajuk, aammalu ineriartortitsinermut sunneeqataanissat periarfissaqarfigalugu nammineersinnaassuseqarlutit sulinissat nuannaraajuk, taava immaqa Nuup immikkoortoqarfiani Inunnut innarluutilinnut aamma Tarnimikkut nappaatilinnut Immikkoortortaqarfimmi perorsaasuunissat, imaluunniit assingusumik ilinniagaqarsimaguit taanna ilinnut tulluartuussaaq.

Kangillinnguit 4-mi sulisut 10-t missaanniipput tassanilu najugaqartut 5-iupput kiisalu Nuummi isikkiviginnerpaaq pigineqarpoq.

Najugaqartut 5-it imminnut ikiortuupput, kisianni assigiinngitsutigut tapersersugassaallutik, taakkunannga 4-t skizofrenip iluani nappaateqartuupput, kingullerlu inuttut pissusilersornermut akornuteqartuuvoq.

Suliaq unammillernartuusinnaavoq aammali amerlasoorpassuartigut pissarsiaqarfiulluni. Pikkorissuuguit unammillernartullu nuannaralugit taava qinnuteqarnissat neriuutigivarput.

Najugaqatigiiffik ulloq unnuarlu suliffiuvoq. Tassa imaappoq piffissat suliffiusut nikerartuupput ullaakkut unnukkut unnuarsiornerillu.

Peqqissaanerup perorsaanerulluunniit iluani suliaqartutut innuttaasumut attaveqaataassaatit, innuttaasullu suleqatigiinnut ukununnga ilaatigut attaveqarnerannut ikorfartortaassallutit: napparsimavik, kommunimi sullissisut, kommunimi pillorissaasoqatigiit, pinerluttunik isumaginnittoqarfik.

Illit ilaatigut makku suliarisassavatit:

  • Innuttaasup timikkut, tarnikkut isumaginninnikkullu pisariaqartitaanik isumaginneqataanissaq.
  • Suliassaqarfiit assigiinngitsut suleqatigiiffiannik suleqateqarluni innuttaasup ineriartorneranik ikorfartuineq
  • Innuttaasumut iliuusissatut aamma ineriartornissamut pilersaarutaasut ataavartuunissaat qulakkiissallugit
  • Kommunimi iliuusissatut pilersaarut aallaavigalugu innuttaasumut tapersersuineq
  • Innuttaasunik nakkutiginninneq, nakkutiginninnermillu katsorsaasutut akisussaasunut attuumassuteqartunut ingerlatitseqqiineq

Naatsorsuutigaarput:

  • Perorsaasutut assigisaanilluunniit ilinniarsimasutit.
  • Inunnik innarluutilinnik tarnimikkullu nappaatilinnik sullissinermik misilittagaqarnissat.
  • Suleqateqarsinnaassuseqarluartutit, nammineersinnaassuseqarlutit ajornartorsiutinillu aaqqiisinnaassuseqartutit kiisalu assigiinngitsunik suliallit suleqatigalugit sulisinnaassuseqartutit
  • Tamakkiisumik isiginnissinnaassuseqartutit, aammalu suliassanik pingaarnersiuillutit suliarinnissinnaasutit
  • Sammisassanik aallartitseqataarusussuseqarneq
  • Inuttut tapersersuisuusutit qiimasuussutillu
  • Aalajaatsuusutit tatitullutillu

Neqeroorutigaavut

  • Immikkoortoqarfimmi suliffik suliatigut qaffasissuunissamik kissaateqarfiusoq
  • Suleqatit nuannaartut pikkorissullu
  • Atorfik nuannaartunik kajumissusilinnillu atuisortalik ulluinnarni aalajangersimasunik killiliisoqarnissaanik sammisassaqartitsinissanillu piumasaqaateqarfiusoq
  • Atorfik suliassanik unammillernartulik namminerlu suliassanik sunniuteqarfiusinnaasoq
  • Suliassaqarfinni assigiinngitsuni sulisunik qanimut suleqateqarnerit
  • Suliffik pissanganartoq ammasorlu
  • Atorfik tamatigoortoq unammillernartunillu suliassartalik

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 650/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 09. november 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Mina Møldrup Sakariassen
Telefon: +299 366352
Nittartagaq: http://www.sermersooq.gl
Qinnuteqaat nassiutiguk