Skip to main content
90

Dette jobopslag er udløbet

Allagarsiuteqqitaq /Peqqinnissamut Ikiortit imaluunniit Peqqissaasumut Ikiortit angerlarsimaffimmi ikiorteqarnermut /Atorfiup ilisarnaataa 269/19

Angerlarsimaffimmi ikiorteqarneq suliffiuvoq sukkasuumik ineriartortoq, suleqatigiiuvugullu ulluinnarni innuttaasunik pitsaasumik ikorfartuerusussuseqartut, taamaalilluta sapinngisamik sivisunerpaamik angerlarsimaffimmiinnissamut atatillugu inuunermik pitsaasumik atugaqartitsiniarluta. Ilaatigut utoqqarnut immikkoortumut pilersaarummi suliassat pingaarnerit ilaat kommunimi tamakku siunertaapput.

Angerlarsimaffimmi ikiortitut imminut ikiorsinnaalernissaq siunertaralugu ikiorsiisarneq tunngavigalugu sulivugut,  paaqqutarineqalernissaq sioqqullugu sungiusarnermittaaq taaneqartartoq tunngavigineqarluni, taamaattumillu utoqqarnut tunngasuni assigiinngitsunik suliallit tamat peqatigalugit qanimut suleqatigiissutigaarput. Periutsip innuttaasut timikkut tarnikkullu pisinnaasaasa paarinissaat inuunerannut pitsanngorsaataassaaq.

Angerlarsimaffimmi ikiortitut sulilerninni suleqatit tunniusimasut 25-t missaanniittut assigiinngitsunik suliatigut tunuliaqutallit akornanni ilisimasanik eqqartueqatigiittassaasi. Aammattaaq aqutsisut immikkoortortami aqutsisumik, Nuummi angerlarsimaffimmi ikiorteqarnermut sumiiffimmi pisortamik kiisalu ingerlatsinermut pilersaarusiortumik inuttalimmik qanimut suleqateqartassaatit. Tamatuma saniatigut sineriammi illoqarfinnut nunaqarfinnullu sumiiffinni aqutsisut illumi ataatsimiipput.

Peqataalluarnissaq, attaveqatigiinneq paasissutisseeqatigiinnerlu pingaartitaraavut taamaalilluta neqeroorutigaarput sapaatip akunneq allortarlugu suleqatigiit ataatsimiinneranni eqqartueqatigiittarnissaq soorlu  suliat nutaat, suliamut ilisimasanik eqqartueqatigiinneq, ilinniartitsineq imaluunniit ulluinnarni pisunik eqqartuinissamut pisariaqartinneqaleraangat.

Peqqissaasumut ikiortimik immikkoortortami sulerusussusilimmik suliamigut inuttullu piginnaasaminik atuerusussusilimmik ineriartortitserusuttumillu pissarsiorpugut.

Illit ilaatigut makku suliarisassavatit::

  • Inunnik paaqqutaqarneq isumassuinerlu
  • Oqaloqatigiinnikkut oqaloqateqartarnikkullu tatiginnilersitseqataaneq toqqissisimanartunngortitseqataanerlu 
  • Innuttaasup piginnaasai atorsinnaasaalu pitsanngorsarniarlugit sulineq
  • Innuttaasut ataasiakkaat pisariaqartitaannik piginnaanngorsarnissaallu pillugit suliaqarfiit allat suleqatigineri
  • Atuartut ilinniartinneqarnissaannut suleqataaneq

Naatsorsuutigaarput, illit: :

  • Peqqinnissamut ikiortitut assingusumilluunniit ilinniarsimasoq
  • Aalajaatsuussasutit suliassanullu akisussaassuseqartuussasutit
  • Inuit assigiinngisitaartuunerinut inissaqartitsissasutit 
  • Isumassatsialaateqassasutit ingerlatsisinnaassuseqassasutillu
  • Suleqateqallaqqissuusutit
  • Sulinermi piginnaasatit atorusussagitit.
  • Marluinnik oqaaseqartuuvutit.
  • Biilersinnaanermut allagartaqarnissat

Neqeroorutigaavut:
Suliffeqarfimmi ineriartortitsineq, akisussaaqataaneq sunniuteqaqataasinnaanerillu pingaartinneqartut.

Sapaatip akunneranut 30 tiimit suliffiusarput annerusumik pigaartuuneq. Akunnerup naaneri allortarlugit sulisarnissat naatsorsuutigissavat

Atorfik pillugu allanik apeqqutissaqaruit, immikkoortumi aqutsisup Casper Haasep oqarasuaatikkut 36 61 65-imut attaviginissaanut tikilluaqqusaavutit.

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsimmi pisussaatitaaffiuvoq. Inatsit naapertorlugu atorfinitsitsineq aatsaat pisinnaavoq pineqaatissinneqarsimannginnermut uppernarsaammik kommune pissarsereerpat. Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pinerluuteqarsimannginnermut uppernarsaammik Politiinit pissarsereerpat.

Akissarsiat atorfininnermilu atugassarititat:
Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq.

Ineqarneq: 
Atorfininnermut atatillugu inissaqartitsisoqanngilaq.

Qinnuteqaat:
Qinnuteqaat atorfiup normuanik Job nr 269/18, ilisarnaaserlugu, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imatut qinnuteqassaatit:  
Qinnuteqaatit elektroniskimik nassiunneqarnissaat piumaneqarnerupput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 28. Maj 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Casper Bjerre Haase
Telefon: +299 366165
Nittartagaq: http://www.sermersooq.gl
Qinnuteqaat nassiutiguk