Skip to main content
121

Dette jobopslag er udløbet

Allagarsiuteqqitaq - Pakkutaq tunniusimasumik ikorfartortissarsiorpoq / Atorfiup nr. 576/21

Suliatigut inuttullu ineriartornissamut pisariaqartitsivit? Taava aana suliffigiligassat!
Suliffik ineriartorluarnissamut periarfissalik neqeroorutigaarput.

Pakkutami ikorfartortitut atorfik piaartumik isumaqatigiissuteqarnikkulluunniit inuttalerneqassaaq.

Ikorfartortitut atorfinittussamik pissarsiorpugut, inorfartortitut innuttaasoq suleqatigalugu ulluinnarni inuuneranut najoqqutassiillutillu qulakkeerisuussaatit, innuttaasoq toqqissisimanermik aalajangersimasunillu najoqqutassaqarnermik misigitillugu, ikorfartortarneratigut, kajumissaartarneratigut aammalu aqqutissiuuttarneratigut innuttaasumullu iliuusissatut pilersaarutit naapertorlugit sullinneratigut. Aamma innuttaasup sungiusarneqarnissaanut pilersaarutit, illit ataavartumik nalilersuinermi peqataaffigisassatit naapertorlugit innuttaasoq suleqatitillu suleqatigalugit sullisissavat. Illit ikorfartortitut suleqatitit suleqatigalugit ulluinnarni sammisassaqartitsinerit suliarissavatit. Najugaqartut perorsaanermi iliuusissatut pilersaarutaat najoqqutaralugit sapaatip akunneranut sammisassaqartitsinissamut pilersaarusiornissaq akisussaaffigissavat.

Atorfik piffissaq suliffiusussaq tamakkerlugu suliffiuvoq

Kikkuuvugut?
Inunnut innarluutilinnut inuusunnerusunut immikkoortortami 27-niit 58-inut ukiullit 12-it najugaqarput. Immikkoortortarput Nuummi Inunnut innarluutilinnut tarnikkullu nappaatilinnut immikkoortortaqarfiup ataaniippoq.

Suleqatigiit kajumilluartut peqataaffigilissavatit. Suleqatigiiuvugut ineriartornermik ilinniarnermillu pingaartitsisut.

Pakkutami Innarluutilinnut Immikkoortortaq, innuttaasut innarluutilinnut ulluinnarni ikorfartorneqarnissamik pisariaqartitsisunut sullissifiuvoq. Sullissinermi siunertarineqarpoq innuttaasut ataasiakkaat tarnikkut, timikkut inooqatigiinnermilu pissutsiminnik attassiinnarnissaat, pitsanngortitsinissaat aamma ineriartortitsinissaat tapersersussallugit.

Ikorfartuinermi tassani pingaartinneqarpoq innuttaasup kinaassutsiminik, imminut naleqartinnerminik aamma inuunermik nuannarisaqarneranik attassiinnarnissaa ineriartortitsinissaalu. Peqqissaanermi assistentitut suleqatigiinni peqataalissaatit innuttaasumullu attaveqaataassallutit. Ukununnga suleqateqarnermi innuttaasut ikorfartornissaannut akisussaasuussaatit: peqqissaavimmut, nunap immikkoortuani tarnimikkut nappaatilinnik/kommunimi timimik sungiusaasunut pillorissaasunullu, aammalu innutaasup sullissisuanut attaveqarnissaanut ikorfartuinissannut akisussaasuussallutit.

Kinaavit?

  • Ikorfartortitut ilinniagaqarsimasuusutit
  • Kajumissuseqarlutit inuunermullu pitsaasumik isiginnittaaseqarlutit
  • Unammillernartunut alapernaatsoq kajumilersinneqartartorlu
  • Savituujunissat, aallarnisaasinnaasutit qungujunnartunillu nuannarisaqarlutit
  • Ataatsikkut arlalinnik suliaqallaqqissuullutit
  • Suleqatikkuminartoq eqaatsumillu suleriuseqartoq
  • Ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • Aalajaatsutit, tatituujusutit inuttullu imartusutit.

Suut ilinnut neqeroorutigisinnaasavut?

  • Atorfik suliassanik unammillernartulik namminerlu suliassanik sunniuteqarfiusinnaasoq
  • Immikkoortortaq ineriartorluartoq
  • Atorfik nuannaartunik kajumissusilinnillu najugaqartulik ulluinnarni aalajangersimasunik malitassaqarluni sammisassaqartitsinissanillu piumasaqaateqarfiusoq
  • Suleqatit sulilluartut pikkorissullu
  • Atorfik tamatigoortoq unammillernartunillu suliassartalik

Pakkutaq ulloq unnuarlu najugaqarfiuvoq, tassani sulisut piffissani nikerartuni sulisarput. Ulluunerani sulisassaatit

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 576/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinuteqaat tunniunneqassaaq kingusinnerpaamik: 12. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Michelle Due
Telefon: +299 366195
Mobil: +299 267426
Nittartagaq: http://www.sermersooq.gl
Qinnuteqaat nassiutiguk