Skip to main content
100

Dette jobopslag er udløbet

Allagarsiuteqqitaq - Paamiuni utoqqaat illuani Puilasunnguiani utoqqarnut immikkoortortaqarfianut ataqatigiissaarisoq/ Atorfiup normua 31/21

Utoqqaat illuat Puilasunnguit Paamut utoqqarnut immikkoortortaqarfiani  ataqatigiissaarisumik pissarsiorpoq atorfinittussamik isumaqatigiissuteqarnikkut.

Utoqqarnik qanigisaasut qanimut oqaloqatigisarlugit sullissinissaq pimooruppiuk? Piumassusiliuit inuttullu ajunngitsumik eqqarsartartuuit piginnaasannik timitaliisinnaanikkut utoqqaat pitsaasumik tungiorneqarnerannik paaqqutarineqarnerannillu kinguneqartitsisinnaasoq? Ilinniarsimanngitsunullu ilinniartitsisinnaasutut/ikorfartuisinnaasutut imminut isigiguit Paamiuni Puilasunnguani ataqatigiissaarisutut atorfik tamatumunnga periarfissaqarluarpoq.

Puilasunnguit
Puilasunnguit utoqqarnik paaqqutarinniffiusoq 24-inut inissaqarpoq. Ulluinnarni periarfissaqarpoq najugaqartut kiisalu innuttaasut utoqqaat illoqarfimmiut sammisassaqartitsivimmut ornigunnissaannik.

Sulisut ilaatigut ima katitigaapput: Aqutsisoq,tullersorti, allaffimmioq ataaseq, Teamkoordinator marluk,  peqqissaanermi ikiorti marluk, peqqissaanermi-isumaginninnermilu ikiorti marluk,sammisassaqartitsivimi aqutsisoq, sammisassaqartitsivimmi ikiortit ataaseq, ilinniarsimanngitsut arlallit, igaffimmi aqutsisoq ataaseq, igaffimmi assistentit marluk, igaffimmi ikiorti ataaseq, pedel, pedel-imut ikiorti ataaseq, oldfrue ataaseq, eqqiaasoq ataaseq. Paaqqutarinninnermik sulialinnik ilinniarsimasunik amerlanerusunik atorfinitsitsinissaq siunertaavoq.

Ataqatigiissaarisoq aaqqissuussaanikkut pisortap ataani inissisimassaaq.

Atorfiup imarisaa:
Ataqatigiissaarisoq utoqqaat najugaqartut peqatigalugit pitsaasumik tungiusumillu-pitsaassutsip kiisalu paaqqutarinninnerup inerisartuarneqarnissaata pingaarnerpaatut salliunneqartuarnissaanut suleqataasussamik pissarsiorpugut.

Isumarput naapertorlugu najugaqartut inuunerissusaannut toqqaannartumik sunniuteqartarmat piginnaasanik inerisaanermik qitiutitserusunnermik, suliffimmik nuannarinninnermik, aalajaassutsimik ataqatigiinnermillu kissaateqarluta inerisaaneq ingerlapparput.  Taamaammat najugaqartunut iluaqutaasussamik ilinniakkat akimorlugit nutaaliortitsisumik inerisaasumillu qanimut suleqatigiinnermik avatangiiseqarluni sulinissaq kissaatigaarput.

Sunniutaa najugaqartut inuunerissusaanni malugineqarsinnaalersillugu-pisortaq tullersortilu peqatigalugit, ilinniarsimanngitsut piginnaasatigut inerisarnissaanni peqataanissat naatsorsuutigaarput.

Illit pillutit naatsorsuutigisagut:

  • Sundhedsassistent-itut assingusumilluunniit ilinniarsimanermut allagartaqarneq, aqutsisutut misilittagaqarsimaneq.
  • Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat
  • Utoqqarnik sullissinissamut kajungernissat soqutiginninnissallu
  • Aqutsinermi peqataanissamut pikkoriffeqarnissat kajungerisaqarnissallu
  • Pigaartuuffiit sap.ak.naanerani paarlakaajaallugit suliffigisinnaassagit kiisalu angerlarsimaffimmi pigaartuuneq
  • Illugiinnik oqaaseqartuunissat
  • Ilinniakkat akimorlugit suleqatigiinnermut piginnaasaqarluartuunissat
  • Paaqqutarinninnerup/peqqissaanerup inerisarnissaanut uppernarsaasiornermullu suleqataarusussuseqarnissat
  • Ilinniartitsinermi peqataarusunnissat, ilinniartunullu sulinermik sungiusaasuunissat.
  • Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat
  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Atituumik suleqateqarluarsinnaasoq

Neqoroorutigaagut:

  • Atorfik imarisamigut annertuumik sunniuteqarfigineqarsinnaasoq
  • Ulluinnarni suliffiusartussat 7-15
  • Atorfik pillugu pitsaasumik paasissutissinneqarnissaq
  • Tatigineqarneq, ilinniarsimanerit aallaavigalugu suliat nammineq ingerlassinnaagit
  • Akisussaassusermik tunineqarnerit aallaavigalugu suleqataaneq
  • Suliat assigiinngitsut akornatigut suliassaqarluarneq najugaqartut sulisullu peqatigalugit
  • Suliffik suliannut ataqqinnilluni ingerlasoq, uku aallaavigalugit: Ataqqinninneq, akisussaassuseqarneq ilinniarusunnerlu
  • Inuttut ilinniakatigullu inerisarnissamut periarfissagissaarneq

Sap.ak. nal.ak. suliffiusartussat: 40. Ingerlatsinerup qanoq ittuunera apeqqutaalluni angerlarsimaffimmiit pigaartuusoqartarsinnaavoq.

Paasissutissat sukumiinerusut tullersortaagallartumut Henriette Kristiansen oqarasuaatikkut: 367666 imaluunniit e-mailikkut: hnkt@sermersooq.gl attavigalugu pissarsiarineqarsinnaapput.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq PPK, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Bolig:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 31/21, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.                  

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 02. februar 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Arnannguaq Heilmann Christensen
Telefon: +299 368142
Nittartagaq: http://www.sermersooq.gl
Qinnuteqaat nassiutiguk