Find job
Dette jobopslag er udløbet
Allagarsiuteqqitaq - Paamiuni Aqqusinilerisuni Ingerlatsinermi aqutsisussarsiorpoq
Aqutsilluarnermik piginnaasaqarpit? Ataatsikkut arlalinnik suliaqarsinnaassuseqarpit?
Taamaappat materielgårdenimi ingerlatsinermi aqutsisutut atorfik immaqa soqutigissavat
Kommuneqarfik Sermersooq materielgårdenimi ingerlatsinermi aqutsisussarsiorpoq. Aqqusinernik aserfallatsaaliinermik tassani asfaltimik ilaartuineq ilaalluni, aputaajaanermik, kuuffissualerinermik, kikkut tamat ornittagaannik saligaatsuutitsinermik il.il. suliaqartartut sulisut 4 ulluinnarni aqutsisutut akisussaaffigissavatit.
Ingerlatsinermi aqutsisoq illoqarfiup entreprenøriinik attuumassuteqartarpoq.
Piginnaasaqarfigisassatit:
- Aqutsisutut piginnaasaqarputit
- Suleqatikkuminartuuvutit
- Ingerlatsinermi maskiinanillu atuinissamik misilittagaqarputit
- Allaffissornermik misilittagaqarputit
- Kalaallisut danskisullu oqaatsitigut piginnaasaqarluarputit
- Kalaallit Nunaanni pissutsinik ilisimasaqarluarputit
- Namminersorsinnaassuseqarluarputit, torersuutitsinissamik akisussaassuseqarnermillu pingaartitsisuuvutit
Neqeroorutigisinnaavarput:
- Suliffik soqutiginartoq, unammillernartunik assigiinngiiaartunillu namminersorsinnaassuseqarfiusoq aamma akisussaaffittalik.
- Suliffik nuannersoq sulisunik pimoorussisunik sulisulik
- Suliatigut inuttullu ineriartornissamut periarfissat pitsaasut.
- Kiffartuussinermik sulialinnik avataaneersunik attaveqartarneq, (entreprenørit ilanngullugit)
Annertunerusumik paasisaqarusukkuit:
Annertunerusumik paasisaqarusukkuit områdelederi Birgith K. Hermansen attavigisinnaavat uungaoqarasuaat +299 36 76 52 imaluunniit e-mail-imut uunga: bihe@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pinerluuteqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Kalaallit Nunaanni Namminersorlutik Oqartussat kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.Atorfinitsitsineq qaammatini pingasuni misiliutaaqqaassaaq.
Inissaq:
Atorfimmut atatillugu inigisassamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 860-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
MALUGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.
Qinnuteqarnissamut killissarititaasoq: oktobarip 11.-at, 2023