Skip to main content
88

Dette jobopslag er udløbet

Allagarsiuteqqitaq Nuummi Utoqqaat Illuat marlunnik sundhedsassistent-imik pissarsiorpoq / Atorfiup normua: 321/20

Utoqqaat Illuat Kommuneqarfik Sermersuumi Nuup illoqarfittaani suliffeqarfiuvoq pisoqaanerit ilaat, pingasunik immikkoortortaqarpoq, 21-nik, 5 + 5 + 3-nik najugaqartoqarpoq, piffissanilu sivikitsumi innuttaasunik 9 + 5-nik oqilisaaffigineqartunik najugaqartoqartarluni. Ulloq unnuarlu suliffeqarfiuvoq, taamaattumillu suleqatigiiaat pingasut paarlaattarlutik sulisarput. Utoqqaat Illuanni sulisut ilaatigut makkuninnga ilinniagaqarput: peqqissaanermi assistentit, peqqissaanermi ikiortit, peqqissaasut aammalu ilinniarsimanngitsut arlaqartut. Immikkoortortat pingasut saniatigut errorsisarfeqarpoq, igaffeqarluni kiisalu ataatsimik pedel-eqarluni.

Utoqqaat Illuani naleqartitat: Qanilaarneq, ikioqatigiinneq, ataqqeqatigiinneq, qiimaneq, tunniusimaneq attaveqaqatigiilluarnerlu.

Suliassat:

  • Tunngaviusumik - peqqissaasutut suliassat, isumassuineq, timikkut tarnikkullu katsorsaaneq, puigortunngortunut inooqataanermut tarnikkullu puigortunngortunut ataqatigiissaarisut ikiortillu Utoqqaat Illuanilu sulisut allat suleqatigalugit katsorsaaneq.
  • Najugaqartut pisariaqartitaat kissaataallu naapertorlugit sulisarpugut.
  • Suliaqarfiit kiisalu immikkoortortaqarfiit akimorlugit najugaqartut akornanni suleqatigiinneq.
  • Pinaveersaartitsinernik suliaqarnerit najugaqartut atugarissaarnissaanut.
  • Najugaqartunik sammisaqartitsineq.

 

Naatsorsuutigaarput, illit: 

 

  • Peqqissaanermut assistentitut ilinniarsimassasutit piginnaasannillu ilisimannittuusutit.
  • Utoqqarnik, sammisassaqartitsinermilu suliassanik misilittagaqartutit aamma puigortunngornermik.
  • Utoqqarnik najugaqartunik innuttaasunillu sullissaqarusuttutit soqutiginnittutillu.
  • Suleqateqarsinnaanermik piginnaasaqartutit qiimasuusutillu.
  • Ataatsimut isiginnissinnaanermik piginnaasaqartutit, sungiussiasuusutit, tunniusimasoq, ammasoq sulerusussusilillu.
  • Pitsaasumik sullisserusuttoq, akisussaassusilik tatiginartorlu.
  • Illumi pissutsinut pitsaasumik, nutaaliornermik, isumassarsiornermik ineriartortitsinermilu sunniuteqaqataajumasutit.
  • Kalaallisut qallunaatullu erseqqarissumik paasinartumillu allakkiorsinnaasutit.
  • Marlunnik oqaaseqartuusutit, kalaallisut qallunaatullu.
  • Suliassanik nutaanik suliaqarusussuseqassasutit alapernaatsuullutillu.
  • Suliffissani tamani sulisinnaassasutit sapaatip akunnerata naaneri allortarlugillu.
  • Sulineq sulinerullu avataani inuuneq immikkoortissinnaagitit.
  • Suliassanik nutaanik poqertutit.
  • Sulisunik nutaanik ilinniuissisinnaasutit.
  • Immikkoortortami ataqatigiissaarisoq immikkoortunilu allani pisariaqartitsinikkut ikiuussinnaassasutit.
  • Tikaldevagt-eqarsinnaanissat
  • Piviusunngortissinnaagitit stillings- og funktionsbeksrivelse-erput, aqutsinermut tunngavissaq aammalu naleqartitangut Utoqqaat Illuani.

 

Neqeroorutigaavut:

 

  • Saqqummiineq
  • Peqataatitsineq
  • Illumi pisariaqartitsinikkut Ilinniartitsineq sungiusaanerlu.
  • Illu tamakkerlugu ataqatigiinneq suleqatigiinnerlu.
  • Suliffeqarfiit akimorlugit kommunimit, peqqinnissaqarfimmiit il.il. suleqateqarneq.
  • Suliffeqarfiup iluani pikkorissarnerni peqataanissamut allatsittoqarsinnaavoq.
  • Assagut

 

Paasisaqarnererusukkaani immikkoortortami aqutsisoq paasissutissanik aallerfigineqarsinnaavoq Ivalu Reimer, e-mail: ivre@sermersooq.gl 36 61 31.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup PPK allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq: 
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 321/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                          
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 17. juli 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ivalu Reimer
Telefon: +299 366130-32
Nittartagaq: http://www.sermersooq.gl
Qinnuteqaat nassiutiguk
Anillatsikkuminartoq