Skip to main content
85

Dette jobopslag er udløbet

Allagarsiuteqqitaq - Nuummi Meeqqanut Ilaqutariinnullu Sullissivik katsorsaanermi aqutsisutut sulisussamik sulisussarsiorpoq / Atorfiup nr. 397/20

Nuummi Meeqqanut Ilaqutariinnullu Sullissivik katsorsaanermi aqutsisutut sulisussamik sulisussarsiorpoq  
Meeqqanik ilaqutariinnillu atugarliortunik sunniuteqaqataallutit sullissinissat pilerigaajuk? Kommuneqarfik Sermersooq tarnip pissusiinik ilisimasalimmik misissuisartumillu, isumaginninnermi perorsaasumik misilittagaqarluartumik assigisaanilluunniit ilinniagaqarsimasumik Nuummi Meeqqanut Ilaqutariinnullu Sullissivimmi katsorsaanermi aqutsisutut sulisussamik sulisussarsiorpoq.
Kommuneqarfik Sermersuumi Meeqqanut, Ilaqutariinnut Ingerlatsivik Nuummi Meeqqanut Ilaqutariinnullu Sullissivimmi - Meeqqanut Ilaqutariinnullu Immikkoortortap ataani inissisimasumi ingerlatsivimmi ingerlalluartumi - katsorsaanermi aqutsisutut sulisussamik sulisussarsiorpoq.
Ilaqutariinnut tarnikkut inuuniarnikkullu atugarliortunut sammisunik ilaqutariinnik katsorsaaneq isumaginninnikkullu suliniarneq Nuummi Meeqqanut Ilaqutariinnullu Sullissivimmit isumagineqartarput. Pingaanertut suliassaraarput Kommuneqarfik Sermersuumi meeqqanik sumiginnaanermik pinaveersaartitsineq. Najoqqutassiat aaqqissuussat tunngavigalugit sulisarpugut, tamatumanilu ilaqutariit atugarliortut ataasiakkaat akuliutitinneqarlutillu nukissaat/isumalluutaat periarfissaallu qitiutinneqartarput.
Katsorsaanermi aqutsisutut Meeqqanut Ilaqutariinnullu Sullissivimmi (MIS) immikkoortortami aqutsisoq qullersarissavat. MIS-imi aqutsisoqatigiinnut ilanngutissaatit, aqutsisoqatigiinnilu ilaasortaapput immikkoortortami aqutsisoq, illit (sulileruit) katsorsaanermilu aqutsisut allat pingasut.
MIS-imi allaffeqarlutillu sulisassaatit, tamatumanilu suliassaqarfinni assigiinngitsuni pingasuni; MIS, Nuummi Najortigiisitsinermi aaqqissuisoq, kiisalu - Kommuneqarfik Sermersuumi tamarmi ilaqutariit ineriartornissaannut pikkorissaanermik aamma ilaqutariinnik katsorsaanernik ingerlatsisartut - suliatigut aqutsisuuffigalugillu ataqatigiissaarisuuffigissavatit. Suliassaqarfinni qulaani taaneqartuni pingasuusuni katsorsaanermi aqutsisup saniatigut tarnip pissusiinik ilisimasallit misissuisartullu pingasut, ilaqutariinnullu siunnersuisartut arfineq-marluk sulisuupput. Taakku saniatigut pedel, allaffissornermi sulisoq kiisalu immikoortortami aqutsisoq illoqatigiipput
Nuummi MIS-imi katsorsaanermi aqutsisutut suliffeqarfimmi ingerlalluartumi sulinermi akuulissaatit, tamatumanilu sulisut atugarissaarnissaat suliatigullu ineriartorneq salliutinneqarluinnarput. Atorfik inuttassarsiuunneqartoq piaartumik imaluunniit ulloq atorfinitsitsiffissaq pillugu qanimut isumaqatigiinnikkut inuttalerneqarsinnaavoq. 

Akisussaaffigisassat:

  • Inuunerissaalluni, sullissilluni isumaginninnermilu perorsaalluni ilaqutariinnik Nuummi Meeqqanut Ilaqutariinnullu Sullissivimmut innersuunneqarsimasunik sullissinermi akisussaasuuneq.
  • Immikkoortortami aqutsisoq aamma sullissinermi aqutsisoq suleqatiginerisigut sullissinermi suleqatit isumaginninnermilu perorsaanermik suliaqartut suliatigut ineriartortinneqaqqinnissaannik qulakkeerinninneq
  • Sullissinermi ulluinnarni suliassanik ataqatigiissaarineq suliakkiinerlu
  • Suleqatit peqatigalugit sullissat pillugit ullukkuutaartumik isummersoqatigiinneq
  • Ilaqutariinnik inuunerissaasartut suliaasa pitsaasumik ingerlanneqarnissaannik qulakkeerinninneq, tamatumani nalunaarsuiffiit sullitallu allattorsimaffii nutarsarneqartarnissaannik akisussaaneq
  • Ilaqutariinnik Meeqqanut Ilaqutariinnullu Sullissivimmut innersuunneqartunik sullissineq pillugu nassuiaaqataaneq misissueqataanerlu

Tunuliaqquttat
Naatsorsuutigaarput ataani allassimasut tunuliaqutannut naapertuuttut:

  • Atorfimmi sulianut tunngasumik soorlu tarnip pissusiinik ilisimasalittut imaluunniit isumaginninnermi perorsaasutut ilinniarsimasuuvutit.
  • Ilaqutariinnik - ajornanngippat Kalaallit Nunaanni - katsorsaaneq tamakkersimasumik misilittagaqarfigaat
  • Inuttut suliatigullu soqutiginnissuseqarlutillu sunniuteqallaqqissuuvutit
  • Sulianik aaqqissuussillaqqipputit, ataqatigiissaarillaqqipputit, pilersaarusiullaqqipputit malittareqqiillaqqillutillu
  • Allattariarsorneq pikkoriffigaat
  • Inunnik nuannersumik isiginnittariaaseqarputit iluatsittumillu naammassisaqarusunneq ukkataralugu sulineq pikkoriffigaat Inunnik nuannersumik isiginnittariaaseqarputit iluatsittumillu  naammassisaqarusunneq ukkataralugu sulineq pikkoriffigaat
  • Inunnik assigiinngitsunik tunuliaqartunik oqaloqateqarusussuseqarlutillu killiffii pillugit oqaloqateqallaqqipputit kiisalu ileqqunik allannguinissaannut ikiuillaqqillutit
  • Ammasuullutillu inussiarnersuuvutit
  • Suliffeqarfimmi ineriartortinneqartuartumi sulinissannut kajumipputit
  • Qinnuteqartut marluinnik (kalaallisut/danskisullu) oqaasillit piumaneqarnerupput

Neqeroorutigaavut
Suliffik pissangarnartoq unamminartunillu arlalinnik toraagassaqarfiusoq.

  • Suliffik sulinermi pitsaasunik annertuumik atugaqartitsisoq
  • Suleqatit pikkorissut
  • Nakkutilliinertalimmik ilitsersuunneqarneq
  • Suliatigut inuttullu ineriartornissamut periarfissat pitsaasut
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AC-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 397/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 18. august 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk