Skip to main content
94

Dette jobopslag er udløbet

Allagarsiuteqqitaq / Nuummi Majoriaq Suliffissarsiuussisarnermi Aqqutissiuussinermilu immikkoortortami suleqatigiinnut Aqutsisumik pissarsiorpoq/ Atorfiup ilisarnaataa nr. 471/20

Kommuneqarfik Sermersooq pikkorissumik tunniussimasumillu Majoriaq Nuummi, Suliffissarsiuussisarnermi aqqutissiuussinermullu immikkoortortami, manna suliatigut ineriartortitsiffiuleruttortumi suleqatigiiaanut piaarnerpaamik sulilertussamik aqutsisussarsiorpoq, taamaalilluni aqutsisunngortussaq ineriartortitsinermik ingerlatitseqqinnissami peqataalissalluni.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviani inissisimavoq, tassani Majoriaq Nuummi pisortaq pingaarnertut aqutsisuuvoq.

Suliffissarsiuussisarnermi aqqutissiuussinermullu immikkoortortami suliassat pingaarnerit suliffissanik innersuussisarneq, suliffissarsiortunik nalunaarsuineq, suliffissarsiortunut piginnaasanik pikkorissaaneq, suliffissanik siunnersuineq, suliffissarsiortunik sammisaqartitsineq, suliffeqarfinnut attaveqarneq, avataaneersunik sulisussanik atorfinitsitsinissamut qinnuteqarneq, nuunnissamut aningaasaliisoqarnissaanik qinnuteqarneq, suliffissarsiuussisarfimmit ikiuutisinissamut qinnuteqaasiornerit, piginnaanngorsaaneq naleqqussakkamillu sulinissamut tassanilu piginnaanngorsaanermi aningaasanik, suliffeqarfiillu piginnaanngorsaanermut nikerartumillu sulinissamut aaqqiissutinut tapiissutit, tapiissutit sullissinermi ilitsersuinermilu kiisalu piginnaanngorsaaqqinnermi peqataasunut agguagassaallutik.

Majoriaq Nuummi pisortap Suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit Inatsisartut inatsisaat nr. 28 ulloq 9. december 2015-imeersoq naapertorlugu pingaarnertut suliassarai ingerlatsiviup missingersuutai, ingerlanneqarnera suliassanullu aaqqiissutissat.

Atorfimmi suliassat:

  • Suleriaatsit sullissisarnerullu aaqqissuunneqartarnissaannik malinneqartarnissaannillu qulakkeerinninnissaq
  • Kisitsisitigut paasissutissiornissamut nalunaarusiortuarnissamik qulakkeerinninnissaq
  • Sulisut siunersiueqatigiittarnerullu inerisarneqarnissaannik qulakkeerinninnissaq
  • Sulisut piginnaasaannik qaffassaaqataanissaq
  • Majoriaq Nuummi aqutsisut allat suleqatiginerinut peqataanissaq
  • Suliffeqarfiit attavigisartakkat ilinniartoqarfiillu suleqatiginerinut peqataanissaq
  • Kommunimi ingerlatsiviit allat suleqatiginissaat
  • Sulianik politikkikkut ataatsimiititaliamut saqqummiussassanik suliaqarnermi peqataanissaq
  • Sulianik tassanngaannaq takkuttunik suliaqaqataasinnaassuseqarnissaq 

Naatsorsuutigisat:

  • Inunnik isumaginninnerup iluani ilinniagaqarsimasuunissat
  • Aqutsinermik misilittagaqartutit
  • Isumaginninnermut, ilinniartitaanermut suliffeqarnermullu tunngasuni inatsisinik ilisimasaqartutit
  • Missingersuusiornermik naatsorsuusiornermillu ilisimasaqartutit
  • Suliamut tunngatillugu naleqquttumik imaluunniit aqutsinermik ilinniagaqarsimasutit
  • Pitsaasumik angusaqarusuttuusutit sunniuteqarluarusuttuusutillu
  • Pisuni qanoq ikkaluartuni malinnaasinnaasutit akerleriinnerillu aaqqiivigisinnaagitit
  • Aaqqissuussinermik piginnaasaqarluartutit
  • Aallarnisaasinnaasutit isummersuisinnaallutillu
  • Inuit naligalugit ataqqillugillu naapittaritit aamma akuersaarnartumik aqutseriaaseqartutit
  • Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit
  • Kalaallisut danskisullu oqalussinnaanermik piginnaasaqartutit 

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput. Aqutsisutut ilinniagaqarnissamut periarfissaqassaaq.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 471/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 24. september 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Agathe Adolfsen-Søgaard
Telefon: +299 366370
Nittartagaq: http://www.sermersooq.gl
Qinnuteqaat nassiutiguk