Skip to main content
116

Dette jobopslag er udløbet

Allagarsiuteqqitaq /Nuummi Majoriaq Suliffissarsiuussisarnermi Aqqutissiuussinermilu immikkoortortami suleqatigiinnut Aqutsisumik pissarsiorpoq/ Atorfiup ilisarnaataa 325/19

Kommuneqarfik Sermersooq pikorissumik tunniussimasumillu Majoriaq Nuummi (Suliffissarsiuussisarneq aqqutissiuussinerlu) suleqatigiiaanut aqutsisussarsiorpoq ulloq 01. Maj 2019 piaarnerpaamilluunniit sulilersussamik.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviani inissisimavoq, tassani Majoriaq Nuummi pisortaq pingaarnertut aqutsisuuvoq.

JVO-centerimi suliassat pingaarnerit ilagaat ilisarititsineq, ilinniarniarlutik qinnuteqartunut inuussutissarsiornermi- ilinniagaqarnermilu siunnersuineq, suliffissarsiortunut ilinniarnissamut ingerlaqqikkusuttunut inuusuttunullu atuagarsornikkut pikkorissaaneq, suliffissarsiortunik nalunaarsuineq, suliffissarsiortunut piginnaasanik pikkorissaaneq, suliffissanik siunnersuineq, suliffissarsiortunik sammisaqartitsineq, suliffeqarfinnut attaveqarneq, avataaneersunik sulisussanik atorfinitsitsinissamut qinnuteqarneq, nuunnissamut aningaasaliisoqarnissaanik qinnuteqarneq, suliffissarsiuussisarfimmit ikiuutisinissamut qinnuteqaasiornerit, piginnaanngorsaaneq nikerartumillu sulinissamut tassanilu piginnaanngorsaanermi aningaasanik, suliffeqarfiillu piginnaanngorsaanermut nikerartumillu sulinissamut aaqqiissutinut tapiissutit, tapiissutit sullissinermi ilitsersuinermilu kiisalu piginnaanngorsaaqqinnermi peqataasunut agguagassaallutik. Aamma inuusuttut 16-it 25-llu akornanni ukiullit sannavimmi sammisassaqartinneqartarput.

Majoriaq Nuummi pisortap Suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit Inatsisartut inatsisaat nr. 28 ulloq 9. december 2015-imeersoq naapertorlugu pingaarnertut suliassarai ingerlatsiviup missingersuutai, ingerlanneqarnera suliassanullu aaqqiissutissat.

Atorfimmi suliassat:

  • Suleriaatsit sullissisarnerullu aaqqissuunneqartarnissaannik malinneqartarnissaannillu qulakkeerinninnissaq
  • Kisitsisitigut paasissutissiornissamut nalunaarusiortuarnissamik qulakkeerinninnissaq
  • Sulisut siunersiueqatigiittarnerullu inerisarneqarnissaannik qulakkeerinninnissaq
  • Sulisut piginnaasaannik qaffassaaqataanissaq
  • Majoriaq Nuummi pisortat allat suleqatiginerinut peqataanissaq
  • Suliffeqarfiit attavigisartakkat ilinniartoqarfiillu suleqatiginerinut peqataanissaq
  • Kommunimi ingerlatsiviit allat suleqatiginissaat
  • Sulianik politikkikkut ataatsimiititaliamut saqqummiussassanik suliaqarnermi peqataanissaq 

Naatsorsuutigisat:

  • Aqutsinermik misilittagaqartutit
  • Isumaginninnermut, ilinniartitaanermut suliffeqarnermullu tunngasuni inatsisinik ilisimasaqartutit
  • Missingersuusiornermik naatsorsuusiornermillu ilisimasaqartutit
  • Suliamut tunngatillugu naleqquttumik imaluunniit aqutsinermik ilinniagaqarsimasutit
  • Pitsaasumik angusaqarusuttuusutit sunniuteqarluarusuttuusutillu
  • Pisuni qanoq ikkaluartuni malinnaasinnaasutit akerleriinnerillu aaqqiivigisinnaagitit
  • Aaqqissuussinermik piginnaasaqarluartutit
  • Aallarnisaasinnaasutit isummersuisinnaallutillu
  • Inuit naligalugit ataqqillugillu naapittaritit aamma akuersaarnartumik aqutseriaaseqartutit
  • Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit
  • Kalaallisut danskisullu oqalussinnaanermik piginnaasaqartutit 

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 325/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 4. Juni 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Rasmine Geisler 
Telefon: +299 368051
Nittartagaq: http://www.sermersooq.gl
Qinnuteqaat nassiutiguk