Skip to main content
108

Dette jobopslag er udløbet

Allagarsiuteqqitaq - Nuummi Inuusuttunik Sullissivik Tarnip pissusiinik ilisimasalimmik pissarsiorpoq / Atorfiup normua 539/20

Kommuneqarfik Sermersooq pissarsiorpoq tarnip pissusiinik ilisimasalimmik pikkorissumik Nuummi Inuusuttunik Sullissivimmi novembarip aallaqqaataani isumaqatigiissuteqarnikkulluunniit sulilertussamik.  

Atorfiup imarisaa:
Inuusuttunik Sulissivimmi tarnip pissusiinik ilisimasalittut sulileruit meeqqanik inuusuttunillu katsorsaanissamik neqeroorutinik inerisaanissamut asseqanngitsumik periarfissaqassaatit. Meeqqat inuusuttullu annertuumik sumiginnagaasimasut, kinguaassiuutitigut atornerlugaasimasut allatigullu sakkortuunik misigisaqarsimasut sullissavatit.

Inuusuttunik Sullissivik sisamanik immikkoortortaqarpoq, taakkunanilu meeqqat inuusuttullu 70-it 100-llu akornannik amerlassusillit allatsissimapput inuusuttunullu siunnersortitta ilaanit sullinneqarlutik. Inuusuttunut siunnersorterput sullissisugullu allat, suliffiup iluaniittut avataaneersullu, suleqatigisassavatit. Inerisaajuarsinnaaneq siunersioqateqartuarsinnaanerlu qitiutinneqassapput.

Tarnip pissusiinik ilisimasalittut Sullissiviup aqutsisua katsorsaanermullu aqutsisoq Sullissiviullu sulisui allat peqatigalugit meeqqanik inuusuttunillu innersuunneqarsimasunik tarnip pissusiisigut peqqissaaneq akisussaaffigissavarsi.

Suliassatit makuupput:

  • Katsorsaanermut aqutsisoq sulisullu sinneri suleqatigalugit tarnikkut peqqissaanerup tungaatigut suliamik pilersaarusiorneq isumannaarinerlu.
  • Sullissisumik suleqatinillu allanik katsorsaaneq pillugu ataatsimeeqateqarneq.
  • Katsorsaanermik naammassinninneq.

Naatsorsuutigaarput illit:

  • Meeqqat sumiginnagaasimasut sakkortuunillu allanik misigisaqarsimasut ilisimasaqarfigilluaritit. 
  • Meeqqanik inuusuttunillu artornartorsiortunik sullissinermik misilittagaqartutit aamma sullisserusuttutit.
  • Atuagarsornermik misilittakkanillu inerisaanissamik ilisimatusarnissamillu soqutigisaqartutit.
  • Susassaqaqatigiit assigiinngitsut suleqatigerusukkitit.
  • Naatsorsuutigaarput qallunaatut kalaallisullu oqalussinnaanerit.

Aamma pingaartipparput:

  • Tarnip pissusiinik ilisimasalittut ilinniarsimasuunissat.
  • Aalajaatsuusutit, tatituujusutit, inuttut inissaqartitsisuusutit inussiarnersuusutillu.
  • Allattariarsornikkut oqaatsitigullu erseqqissumik paatsuugassaanngitsumillu atassuteqarsinnaasutit.
  • Namminersorlutit, akisussaassusermik sullissinermillu pingaartitsillutit sulisinnaasutit.
  • Suliassanut tunngatillugu sungiussiasuusutit.

Makku neqeroorutigisinnaavagut:
Suliffik unammillernartoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaaffeqarneq. Suliassamik suliffimmillu sungiussiartuaartitsinissaq pingaartipparput aamma aqutsisut qanittumik suleqatigalugit suleqatigiinnermi akaareqatigiilluarneq qulakkeerneqassaaq kiisalu pilersitsisinnaaneq nutaaliorsinnaanerlu inissaqartinneqassapput.

Meeqqanik pinerliisimannginnermut aammalu pineqaatissinneqarsimannginnermut uppernarsaat: Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, AC-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.
Atorfinititsineq qaammatini pingasuni misiliutitaqassaaq.

Atorfimmut atatillugu inissaqartitsisoqarpoq

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 539/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 3. november 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Cecilie Jeremiassen
Telefon: +299 366929
Mobil: +299 274112
Nittartagaq: http://www.sermersooq.gl
Qinnuteqaat nassiutiguk