Skip to main content
100

Dette jobopslag er udløbet

Allagarsiuteqqitaq - Nuummi illoqarfimmut inerisaanermut immikkoortortaqarfimmi illoqarfimmik pilersaarusiortoq - ukiuni marlunni atorfik / Atorfiup normua: 502/19

Kommuneqarfik Sermersuumi arlalinnik pissangarnartunik pilersaarutinik ulapputeqarpugut, tamannalu pillugu immikkoortortaqarfimmi illoqarfimmi pilersaarusiortut ataatsimik ilaqqinnissaannut pissarsiorpugut.

 

Kommuneqarfik Sermersooq nunataa eqqarsaatigalugu nunarsuarmi kommunit annersaraat aammalu Kalaallit Nunaanni 23.000-it miss. innuttaqarluni kommunit inuttunersaralugu. Illoqarfiit pingaarnersaasa Nuup saniatigut illoqarfiit Paamiut, Tasiilaq, Ittoqqortoormiit nunaqarfiillu arfineq-pingasut, kitaani Tunumilu, kommuneqarfimmiipput.

Illoqarfimmik Inerisaaneq Sanarfinermut Avatangiisinullu Ingerlatsivimmut atavoq Nuummiillunilu. Ulluinnarni ulapaarfiusumi immikkoortortaqarfimmi ikioqatigiillutalu tapersersoqatigiittarpugut, immikkoortortaqarfiillu suliallu assigiinngitsut akimorlugit suliaqartarluta.

Suliassaqarfiit:

Kommunimut pilersaarummut tapiliussat pingaarnertut suliassarissavatit.

Suliap aallartinneraniit naammassinissaanut akisussaaffigalugu tigummisinnaassavat, pilersaarutillu assigiinngitsut namminersorlutik ingerlassinnaassavatit, aammali suleqatit, siunnersortit, pilersaarutinik ineriartortitsisut sanatitsisullu suleqatigiit peqataaffigisassavatit.

Suliassatit Ilaatigut makkussaapput:

  • Kommunimut pilersaarutit aamma kommunimut pilersaarummut tapiliussat suliarisassavatit
  • Pilersaarusiornermi periusissanik ineriartortitsineq
  • Innuttaasut saaffiginnissutaat pilersaarusiornermut attuumassuteqartut akissuteqarfigineqarnissaasa isumagineqarnissaat
  • Pilersaarusiornermut atatillugu suliassanik saqqummiussinerit suliaralugit
  • Illoqarfiup ineriartortinneqarnissaanut suliniutinut atatillugu pilersaarusiornermut peqataaneq 

Suliatigut piginnaasassatit:

Naatsorsuutigaarput, illit:

  • Illussanik titartaasartutut, ingeniøritut, landskabsarkitektitut, illoqarfimmi pilersaarusiortutut assigisaannilluunniit tunuliaquteqassasutit
  • Titartakkatigut, allakkatigut oqalunnikkullu erseqqissumik siumullu takorluuisumik saqqummiussisinnaassasutit
  • AutoCad, Adobe pakken, GIS aamma sapinngisamik Sketch-up atorsinnaassagitit

 

Inuttut piginnaasatit:

Inuttut naatsorsuutigaarput:

  • Aaqqissuussaasumik tunniussimallutillu sulisinnaassasutit
  • Piffissaliussat malissinnaassagitit kiisalu suliat naammassisinnaassavatit
  • Suliassanik assigiinngitsunik ataatsikkut ingerlatsillutik sulisinnaassaatit
  • Ammasumik kiffartuussilluarlutillu innuttaasunik suleqatinillu oqaloqatiginnissinnaassaatit 

Neqeroorutigaavut

Suliffeqarfik uummaarissoq suleqatillu qeratasuunngitsut, tamanut inissaqartitsisut nutaanillu misileraanissamut periarfissaqarluartoq.

Illoqarfimmi Inerisaanermi innuttatsinnut illoqarfinni inoqarfinnilu pitsaasunik atugassaqartitsinissaq anguniagaraarput, taamaaliornermilu ilaatigut nalinginnaanngitsunik iliuuseqartoqartariaqartarpoq. Kommuneqarfimmi avatangiisinut mianerinninnermut, kusassaanermut pitsaasunillu atugaqartitsinissaq siuarsarniarlugu suliniuteqartarpugut taamalu Kommuneqarfik Sermersooq amerlanerpaanut najugaqarfigissallugu pitsanngorsaaviginiartarparput.

 

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 502/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Imatut qinnuteqaateqassaatit:                                                          
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 31. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Runa Sværd
Telefon: +299 367438
Nittartagaq: http://www.sermersooq.gl
Qinnuteqaat nassiutiguk