Skip to main content
151

Dette jobopslag er udløbet

Allagarsiuteqqitaq - Misi/PPR-imut oqallorissaasumik/oqalunnissamik tusaanissamillu ilinniartitsisumik, audiologopædimik/Atorfiup nr. 419/19

Misi-mi suleqatigiit oqallorissaasumik suleqatissarsiorput. Meeqqanut Inuusuttunullu Siunnersuisarfik, nalinginnaasumik ”Misi”-mik taaneqartartoq, meeqqat inuusuttullu pineqartillugit siunnersuisarfiuvoq. Misi Kommuneqarfik Sermersuumi Meeqqanut Atuarfeqarnermullu Ingerlatsivimmiippoq. Meeqqanik inuusuttuaqqanillu suliaqarnermi tamakkiisumik paasissutissanik siuarsaanissaq pillugu kommunip periusissiaani Misi pingaarutilittut inissisimavoq.

Misimi oqaloqatiginninneq ingerlattarparput aaqqissuulluakkamillu tunngaveqartumik sulisarluta. Inersimasut meeqqanut akisussaasuusut, meeqqat ilikkagaqarnissaannik, iluarisimaarnissaannik ineriartornissaannillu qulakkeerinninnissamut paasisanik sakkussanillu pissarsinissaat suliassaraarput pingaarnerpaaq. Taamaattumik sulinitsinni tunniussassavut tassaapput, perorsaanikkut tarnillu pissusiinik ilisimasalittut angajoqqaanut aammalu meeqqanik inuusuttuaqqanillu ukioqanngitsuniit 18-it angullugit ukiulinnik sullissisunut siunnersuissalluta.  Uagut pilluta paasissutissat allat atuarsinnaavatit uani: https://sermersooq.gl/kl/innuttaasunut/meeqqat-inuussuttut-ilaqutariillu/misi

Atorfimmi suliassat:
Misi-mi oqallorissaasutut, immikkoortortamut suliamut piginnaasaqarnermik, suleqatiginnissinnaanermik sullissilluarsinnaanermillu pingaartitsisunut ilanngutissaatit. Misi-miippoq illit saniatigut Siunnersuisarnermut pisortaq illit qaninnertut toqqaannartumik qullersarisassat. Tamatuma saniatigut suleqatissatit tassaassapput allaffissornikkut suliaqartoq, tarnip pissusiinik ilisimasallit tallimat, meeqqanut inuusuttunullu siunnersuisartut pingasut, kiisalu oqallorissaasoq ilinniartitsisutut misilittagaqartoq. Taakkuninnga suliaqarfinnit assigiinngitsuneersut oqallorissaasutut suleqatigalugit perorsaanermut tarnikkullu tunngassuteqartunut siunnersuisassaatit, oqalunnermut/tusaaniarnermut/oqaatsinillu ajornartorsiortoqartillugu. Pingaarnertut suliassarissavat nammineerlutit PPR-imik misissuinermik ingerlatsineq.

Siunnersuisarfik Nuummi inissisimavoq, kisianni Kommuneqarfik Sermersooq tamarmi sullitarineqarpoq - tassa imaappoq kitaani Nuuk aamma Paamiut taakkulu nunaqarfittai taavalu kangiani Tasiilaq nunaqarfiilu kiisalu Ittoqqortoormiit. Suliamut atatillugu angalanerit pisinnaasarput.

Illit akisussaaffeqarfissatit tassaassapput:

  • Perorsaanermi tarnip pissusaatigut siunnersuineq naliliinerlu.
  • Oqalunnermik, atuarnermik allannermillu ajornartorsiuteqartunik misissuineq nalilersuinerlu ingerlattassavatit, meeqqap ilagisartagai suleqatigalugit meeqqap ineriartornissaa, atugarissaarnissaa ilinniarnissaalu qanimut suliniuteqarfigisassallugu.
  • Misimi atorfeqartut allat peqatigalugit suliatigut aaqqissuussaanikkullu ineriartortitseqataassaatit.
  • Pisortaq qaninneq Siunnersuinermut pisortaq, isumaqatigiissuteqarfigalugu suliassat allat.

Qinnuteqaateqartunut naatsorsuutigisat:

  • Sulisutut ilisimasaqarluartuussasutit aamma oqallorissaasutut imaluunniit audiologopæditut ilinniagaqarsimassasutit assigusumilluunniit.

Tamatuma saniatigut tulliuttutut allassimasut ilinnut naleqqussasut pingaartipparput:

  • Ataqqinnittumik pissuseqassasutit namminersorlutillu sulisinnaassasutit.
  • PPR-imiit ilisimasaqassasutit - ajornanngippat misilittagaqassasutit - tamannali piumasaqaataanngilaq.
  • Meeqqanut oqalunnermik, oqaatsinik attaveqatigiinnermillu ajornartorsiuteqartunut atuartitseriaatsinik, periaatsinik aamma atortunik taakkulu atornissaannik ilisimasaqarlutillu misilittagaqartutit.
  • Ilinniartitsisut, perorsaasut angajoqqaallu siunnersorlugillu aqqutissiuutissallugit sulerusuttutit.
  • Suliamut tunngasuni suliaqartunik piginnaasatigut qaffassaarusussuseqartutit, ilaatigut oqalugiaatinik saqqummiisarnikkut aammalu sullissinermut siunnersuisinnaasutit.
  • Meeqqanik misissuinermi nakkutilliinermut ilisimasaqarlutillu misilittagaqartutit.
  • Inuit assigiinngitsorpassuit oqaloqatiginissaannut inissisimaffiinilu naapinnissaannut piumassuseqarputit piginnaaneqarlutillu.
  • Aaqqissuussaanermi ineriartortuartumi sulerusussuseqartutit.
  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat.
  • Kalaallit inuiaqatigiinnik paasisimasaqarnissat aamma kalaallisut oqalussinnaanissat iluaqutaassaaq, piumasaqaataanngilarli.

Neqeroorutigaavut:

  • Suliffik pissanganartoq unamminartulillu, suliat ineriartorteqqinnissaannut nutaamillu eqqarsarsinnaanermut periarfissaqarfiusoq.
  • Suleqatit pitsaasut kajumittullu.
  • Namminersorluni sulisinnaaneq suleqatigiinnilu sulisinnaaneq.
  • Kalaallit Nunaanni illoqarfiit annersaanni najugaqarnissamut periarfissaq, kiisalu kitaani tunumilu illoqarfinnut nunaqarfinnullu allanut angalanissanut periarfissat.
  • Oqalutsissarsiornissamik qallunaatuumiit kalaallisuumut illuatungaanullu oqaluttaasinnaasumik inniminniinissaq periarfissarivat.

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, IMAK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 419/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                 
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 17. juli 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Laila S. Skytte
Telefon: +299 36 63 38
Nittartagaq: http://www.sermersooq.gl
Qinnuteqaat nassiutiguk