Skip to main content
134

Dette jobopslag er udløbet

Allagarsiuteqqitaq - MISI meeqqanut inuusuttunullu siunnersortimik pissarsiorpoq

Kommuneqarfik Sermersooq Misimi meeqqanut inuusuttunullu pikkorissumik tunniusimasumillu siunnersortissarsiorpoq.

 

 

MISImi meeqqat ilikkariartornissaannut atugarissaarnissaannullu annertuumik anguniagaqarpugut. Meeqqanik Inuusuttunillu Siunnersuisarfik/Misi kommunimi illoqarfiit pingaarnersaanni, Kommuneqarfik Sermersuumi, Meeqqanut Atuarfeqarnermullu Ingerlatsivimmiippoq.

 

 

Meeqqanut Atuarfeqarnermullu Ingerlatsiviup anguniarpaa Kommuneqarfik Sermersuumi meeqqat tamarmik imaqarluartumik inuuneqarnissamut tunngavissamik pilersitsisinnaanissaannut ilinniartinneqarnerisigut, ineriartortinneqarnerisigut atugarissaartinneqarnerisigullu pitsaanerpaamik sinaakkusersuinissaq. Kalaallit Nunaanni meeqqanut tamanut inissaqartitsisunik meeqqallu innuttaasutut alapernaatsutut, tatituutut, peqqissutut, nuannaartutut nammineersinnaasutullu ineriartorsinnaanissaannutatugassaqartitsiffiusumik pitsaanerpaamik atassisinnaalluartunik meeqqeriveqarusullutalu atuarfeqarusuppugut.

 

 

Meeqqat atuarfianni sulineq anersaaqarfigaajuk atuarfinnut tunngasunik sulinermi attaveqaataallutit takorloorsinnaaviuk, aamma atuartitsineq, ilikkariartorneq, perorsaanerlu pillugit ilisimasat teoritiskiusut atassusersinnaavigit, taava qinnuteqaatit takorusupparput.

 

 

Uagut neqeroorutigaavut:

 

∙ Pissanganartunik suliassaqarfik unamminiagassarpassualik namminerlu suliassannut sunniuteqaqataasinnaallutit

 

∙ Suleqatit pitsaasut

 

∙ Suliatigut inuttullu ineriartornissamut periarfissat pitsaasut

 

∙ Illup iluani avataanilu suleqatigisat assigiinngitsunik suliallit suleqatigiinnerannut peqataanerit

 

 

Ineriartorfiusumiippugut aammalu ulluinnarput allanngorartuuvoq. Suliassat ullormiit ullormut allanngorarput, pingaartipparpullu ulluinnarmi tamatta ikioqatigiinnissarput, ataatsimoorlutalu angusaqarsinnaalluta. Atuarfimmut tunngassuteqartuni assigiinngitsorpassuarni suliassat assigiinngitsut namminersorlutit akisussaassusilimmillu suliarisassavatit.

Takorloorparput, atuarfimmi sulinermik tunuliaqutaqartutit nalinginnaasumillu perorsaanermik aamma immikkut tunngasunik annertuumik soqutigisaqartutit. Namminersorlutit suliassanillu assigiinngitsunik suliaqarnissat, allaffissornermut allatigullu iliuuseqarlutit sulinissat, nuannarissavat. Sulisup naleqquttuunissaa pingaartipparput, tassa atorfimmi assigiinngitsorpassuarnik piginnaasaqarnissaq tatitussuserlu pingaaruteqarmat. Misimi Siunnersortaaneq taannaavoq illit qaninnertut qullersarisassat.

 

 

MISI:

 

Misimi sulisut ukuupput Siunnersortinut chefi, allaffissornermik sulialik 1, Meeqqanut inuusuttunullu siunnersortit sisamat, oqalunnermut tusaasaqarnermullu sungiusaasoq ataaseq kiisalu tarnip pissusiinik ilisimasallit sisamat.

MISI-mi suliassat pingaarnerit tassaapput, meeqqat inuusuttullu ilinniarnerat, ineriartornerat atugarissaarnerallu pitsanngorsarumallugit, pingaartumik avatangiisit meeqqanut periuserisartagaanik tapersersuinikkut. MISI siunnersuisarfiuvoq perorsaanikkut – tarnikkullu atukkanik inersimasunut meeqqat inuusuttullu 0-18-inik ukiullit pillugit. MISI ataatsimut isiginninneq tunngavigalugu sulisarpoq, tassa imaappoq, MISI-mit meeraq, ilinniartitsisut/perorsaasut, inooqataanikkut peqatigiinnerit aamma ilikkagassanut tunngasut isigineqartarput. Tamanna isumaqarpoq, illit meeqqanut inuusuttunullu siunnersortitut inersimasunut meeraq pillugu unamminartut misigisaat pillugit siunnersuissasutit, ilitsersuillutit siunersioqatigalugillu.

MTU-mi kingullermi, decembarimi 2020-mi suliarineqartumi, misissuinerup takutippaa suliffiup imarisaa, tatiginartuuneq, suleqatigiinneq ineriartornerlu MISI-mi pingaartinneqartut. Suliffipput pitsaasuuvoq aalajaatsunik pikkorissunik tapersersuisunillu tikilluaqqusisussanik suleqatigeeqarpoq. Anguniarparput suliffittaannut ilisaritinneqarluarlutit peqataatinneqarluassasutit. Tarnip pissusiinik immikkut ilisimasalittut suleqatigiinnut assigiinngitsunik sulialinnut perorsaanikkut tarnillu pissusiinut tunngasunik siunnersuinermik suliaqartunut ilaassaatit, tassanilu suliamut tunngasunik ilisimasaqassuseq, suleqatigiinneq sullissilluarnissarlu annertuumik pingaartinneqarput.

Siunnersortit Nuummi inissisimapput, kisianni MISIp Kommuneqarfik Sermersooq tamaat sullitaraa, tassani illoqarfiit nunaqarfiillu ilaallutik, Kalaallit Nunaata Kitaani aamma Tunumi. Suliamut atatillugu angalanerit pisinnaasarput.

 

 

 

 

Makkua suliassarivatit:


Misilittagaqarluarsinnaasumik, Meeqqanut inuusuttunullu siunnersortimik meeqqat inuusuttullu ilikkariartornerannik nukittorsaasussamik aammalu suliassanik arlalinnik uku ataanni suliaqartussamik pissarsiorpugut:

∙ Pitsaaliuinermik, siunnersorteqarnermik, suliatigut assigiinngisitaartumik aammalu suliap ingerlaneranut tunngasunik meeqqat atuarfiinut ikorfartuinermik

 

∙ Periutsit atorlugit siunnersuineq aqqutissiuussinerlu perorsaanikkut tarnikkullu nalilersuinermit siunnersuutit aallaavigalugit ilikkagaqarnissamut atatillugu peqataatitsineq

 

∙ Kommunimi meeqqanut inuusuttunullu suliassaqarfiit assigiinngitsut akornanni siusinnerusukkut pitsaaliuinerit suliniutaasimasunillu tapersiineq kiisalu immikkut atuartitsinermik ineriartortitsinermut tapersiineq

 

∙ Atuarfiup aqutsisuanut atuarfimmut aalajangersimasumut atuarfimmut attaveqaataassaatit aammalu meeqqap avatangiisaaniittut suleqatigalugit meeqqap ineriartornissaa, atugarissaarnissaa ilinniarnissaalu qanimut suliniuteqarfigisassavat

 

∙ Meeqqat atuarfianni nalinginnaasumik sulinerup iluani siunnersuineq aamma aqqutissiuussineq

 

∙ Meeqqat atuarfianni ilikkariartornermi aamma peqataanissamut periarfissanik pitsaanerpaamik pilersitsineq

 

∙ Perorsaanermut aamma tarnip pissusaanut tunngasunik misissuineq nalunaarusiornermillu suliaqarneq

 

∙ Perorsaanermut aamma tarnip pissusaanut tunngasunik nalilersuineq

 

∙ MISI-mi atorfillit allat peqatigalugit ilinniagaq aallaavigalugu inerisaaneq aaqqissuussaanikkullu ineriartortitseqataaneq

 

∙ Siunnersuinermut pisortaq, ilinnut pisortatut qaninnerusoq isumaqatigiissuteqarfigalugu suliassanik allanik suliaqartassaatit

 

 

 

Qinnuteqartunut naatsorsuutigisat:

 

∙ Ilinniartitsisutut ilinniagaqarnissat pisariaqarpoq assingusumilluunniit

 

∙ Immikkut atuartitsinermi aamma perorsaanikkut immikkut ittumik immikkoortortami ilisimasaqarlutillu misilittagaqarnissat pitsaaqutaassaaq. Ass. immikkut atuartitsinermi ilinniartitsisutut ilinniarsimaneq imaluunniit perorsaasutut qaffasinnerusumik ilinniagaqaqqinnernik allamik soorlu cand pæd psyk, cand pæd soc imal. cand Pæd. iluaqutaassapput.Cand.pæd.soc. Tamannali piumasaqaataanngilaq

 

∙ MISImi suliassanut tunngasunik soqutigisaqartuuvutit

 

∙ Ilinniartitsisut, perorsaasut, angajoqqaat atuarfimmilu aqutsisut siunnersorlugillu aqqutissiuutissallugit sulinissarnut piareersimasutit

 

∙ Suliamut tunngasuni suliaqartunik piginnaasatigut qaffassaarusussuseqartutit, ilaatigut oqalugiaatinik saqqummiisarnikkut aammalu sullissinermut siunnersuisinnaasutit

 

∙ Inuit assigiinngitsorpassuit oqaloqatiginissaannut inissisimaffiinilu naapinnissaannut piumassuseqarputit piginnaaneqarlutillu

 

∙ Namminersorlutit sulisinnaasutit suliassatillu nammineq aaqqissorsinnaallugit

 

∙ Suleqatigiiaanik avataaniillu suleqatigisanik assigiinngitsunik suleqateqarluarsinnaasutit

 

∙ Kalaallit Nunaanni inuiaqatigiinni atuarfinnilu pissutsinik ilisimasaqarputit

 

∙ Marluinnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

 

 

 

Pingaartipparputtaaq:

 

∙ Assigiinngitsunik suleqatiginnillaqqittuusutit

 

∙ Ineriartortitsinissamik nutarterinissamillu siunnerfeqartutit

 

∙ Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat

 

∙ Ataatsimut takunnissinnaaneq attatiinnarlugu arlalinnik suliaqarsinnaanissat

 

∙ Nammineerlutit sulisinnaanissat, akisussaassuseqartoq sullissilluarusuttutillu

 

∙ Sulianik eqaatsumik sulisinnaalluni takutitsisartoq suliallu agguataarneqarnerini ingerlaavartumik iluarsiisartoq

 

∙ Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit

 

∙ Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit

 

∙ Suleqatiginnillaqqissuunissat

 

∙ Qinnuteqaammik pitsaasumik ilinnut oqaluttuaralutit nassiussissasutit, MISImut qanoq neqeroorutissaqarnerlutit aammalu sooq illerpiaq suleqatigiinnut ilanngutissanerlutit

 

 

 

Annertunerusumik paasisaqarusukkuit:


Annertunerusumik paasisaqarusukkuit pisortaq Laila Skydsbjerg Skytte attavigisinnaavat uunga oqarasuaat 366338 imaluunniit e-mail-imut uunga: lass@sermersooq.gl

 

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:


Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

 

Akissaatinut atorfinitsitaanermullu tunngatillugit atugassarititaasut:


Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, IMAK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq. Atorfinititsineq qaammatini pingasuni misiliutitaqassaaq.

 

 

Inissiaq:


Atorfimmut atatillugu inissiamik atugassiisoqanngilaq. Qinnuteqartoq Kommuneqarfik Sermersooq aqqutigalugu atorfimmut atatillugu ineqareersimaguni Misimi atorfeqarnermini paariinnarnissaanik pisinnaatitaavoq.

 

 

Qinnuteqaat:


Qinnuteqaat qulequtserlugu Atorfiup ilisarnaataa 672-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:


Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 


Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

Qinnuteqarnissamut killissarititaasoq: oktobarip 4.-at, 2022

Atorfik una qinnuteqarfigiuk