Skip to main content
161

Dette jobopslag er udløbet

Allagarsiuteqqitaq - Meeraaqqerivik Uiloq marlunnik perorsaasussarsiorpoq (initalimmik)

Meeraaqqerivik Uiloq marlunnik perorsaasussarsiorpoq atorfinittussanik isumaqatigiissuteqarnikkut. Atorfit tamakkiisumik atorfiuvoq. 

Uiloq pillugu
Meeraaqqerivik Uiloq meeqqanut 0-miit 3-nut ukiulinnut 35-inut inissaqartitsivoq ininullu 3-nut agguarsimalluni, init tamarmik ateqartiterput meeqqallu ukiui naapertorlugit agguarsimasuullutik. Piluttani meeqqat 0-3-nik ukioqarput, Sikkersuni meeqqat 0-miit 3-mut ukioqarput, kiisalu Naasuni meeqqat 0-3-nut ukioqarlutik. Sulisut amerlassusissaat 12-nut killeqartinneqarpoq, init tamarmik perorsaasumik ilinniarsimasumik, barne/socialhjælperimik aamma ikiortimik, iggavimmi assistentimik, eqqiaasumik pisortamillu inuttaqarput.

Perorsaasumik ilinniarsimasumik ukuninnga piginnaasaqartumik atorfissaqartitsivugut:

  • Perorsaasutut ilinniarsimasoq assingusumilluunniit
  • meeqqanik nuannarisaqartoq, ataqqinnittoq ilumoorfiginnittorlu
  • angajoqqaajusunut taamatullu suleqatinut ajunngitsumik
  • attaveqaqatigiissitsisinnaasoq
  • akisussaassusermik ilisimaarinnittoq tamanullu isiginnissinnaassusilik
  • allanut ammasuusoq sullivimmilu tatiginarluartoq

Pingaartipparput kalaallisut oqaaseqartuussasutit

Ilinnut uku neqeroorutigisinnaavagut:

Meeqqat inequnartut, ilakkuminartut piumasarpassuaqartullu

Meeraaqqerivik ineriartortoq

Illup iluani silataanilu atugassat ajunngitsut

Suliffeqarfimmi suleqatigiit suleqatigiilluarnissaannik ineriartornissaannillupingaartitsisoq

"Uilup" suliniuteqarfiini makku pingaartippavut:

  • Angajoqqaajusunik sulisunillu suleqateqarnerup nukittorsarnissaa
  • kiisalu suliffeqarfimmi perorsaanerup ineriartortinnissaa
  • Meeqqap oqaatsitigut siuariartortinnissaa

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip: 
Qinnuteqaatip ilisarnaataata Atorfiup ilisarnaataa 40/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 10. februar 2022
Atorfininneq: isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Helene Abelsen
Telefon: +299 366900
Nittartagaq: http://www.sermersooq.gl
Qinnuteqaat nassiutiguk