Skip to main content
153

Dette jobopslag er udløbet

Allagarsiuteqqitaq - Isumaginninnermut Peqqinnissamullu Ikiortimik pissarsiorput / Blok 9

Innarluutilinnut tarnikkut nappaatilinnullu Immikkoortortaqarfik Isumaginninnermut Peqqinnissamullu Ikiortimik pissarsiorput / Blok 9

Kommuneqarfik Sermersooq Najugaqatigiiffik blok 9-mi atorfimmut aalajangersimasumik pikkorissumik tunniusimasumillu Isumaginninnermut Peqqinnissamullu Ikiortimik piaartumik sulilersinnaasumik pissarsiorpoq.

Nuummi, Paamiuni Tasiilamilu Innarluutilinnut tarnikkut nappaatilinnillu Immikkoortortaqarfiup ataaniipput najugaqarfiit, najugaqatigiiffiit, ikorfartorteqatigiit aamma sammisassaqartitsiviit peqatigiinnissamullu neqeroorutit. Najugaqarfik Blok 9 Nuummi inissisimavoq. Maanna Najugaqatigiiffik Blok 9-mi sulisut arfiniliupput, taakkulu ullukkut, unnukkut unnuamilu sulinissamut agguataagaapput. Tamanna pillugu ulluinnarni sulinerit nikerartarnissaat kiisalu weekendit allorlugit sulisarnissaq naatsorsuutigineqassaaq.

Najugaqarfik Blok 9-mi sisamanut inissaqarput, taakkulu annertuumik tarnikkut nappaateqarput piginnaasakillutillu. Najugaqartut tamarmik 50-it sinnerlugit ukioqarput, ulloq unnuarlu tamakkiisumik tapersersorneqartariaqarlutik.

Atorfiup imarisai:
Isumaginninnermut Peqqinnissamullu ikiortimik - sapinngisamik misilittagalimmik - pissarsiorpugut, najugaqartuutitsinnik tarnikkut, timikkut inooqataanermikkullu piginnaasaannik pitsanngorsaasinnaasumik ineriartortitsisinnaasumillu. Pingaarnerpaatut makku suliassarissavatit:

  • Ulluinnarni suliassanut tapersersuineq, tassunga ilanngullugit eqqiaaneq, errorsineq, iganeq kiisalu inuttut eqqiluisaarneq.
  • Assersuutigalugu bankimut, nakorsamut pisiniartarnernullu ingiaqataasarlutit.
  • Illup iluani avataanilu inuit allat peqatigalugit sammisassaqarnissamut najugaqartunut kaammattuinerit.

Suliassat najugaqarfimmi suleqatit kiisalu suleqatit allat, tassunga ilanngullugit Ikaarsaarfik, SANA, Politiit, pinerluttunik isumaginnittoqarfik sullissisullu, qanimut suleqatigalugit suliarineqartarput.

Qinnuteqartunut naatsorsuutigisat:

  • Assigiinngitsunik suliallit assigiinngitsunillu ilinniarsimasut suleqatigisinnaassavatit
  • Patajaatsuuvutit, tatiginartoq eqqarsartaatsikkullu tatitooq.
  • Tarnikkut nappaatilinnut tunngasunik misilittagaqaruit pitsaasuussaaq, piumasaqaataanngilarli.
  • Naleqqussarsinnaassaatit, ulluinnarnilu naatsorsuutaanngitsumik pisoqarfiusumi sulineq nuannaralugu.
  • Ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit

Pingaartipparputtaaq:

  • Allattariarsornikkut oqaatsitigullu ersarissumik attaveqarluarsinnaasutit
  • Akisussaaffeqarlutit sullisserusussuseqarlutillu sulisinnaanissat
  • Aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Suliassaqarfimmi pikkorissarnissaq kajumissuseqarfigissavat
  • Suliamut ilisimasatit misilittakkatillu suleqatinnut ingerlateqqinnissaat kajumissuseqarfigissavat

Neqeroorutigaavut:
Atorfik unamminarsinnaasoq suliassanut tunngasutigut inuttullu ineriartorfissatigut pitsaasunik periarfissaqartoq. Suliassanut suliffimmullu tutsuiginartumik ilitsersuussineq pingaartipparput. Suliffiup pitsaasumik avatangiiseqarnissaa pillugu sulisut aqutsisullu akornanni pitsaasumik suleqatigiittoqarnissaa anguniartuartarparput.

Pinerliisimannginnermut uppernarsaat:
Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat SIK atuuttuusoq Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit.

Inissaq:
Atorfimmut atatillugu inissiamik innersuussisoqarsinnaanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 33/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 4. februar 2022
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ulrik Neess
Telefon: +299 366166
Mobil: +299 580129
Nittartagaq: http://www.sermersooq.gl
Qinnuteqaat nassiutiguk