Skip to main content
124

Dette jobopslag er udløbet

Allagarsiuteqqitaq - Ippiarsuk Sammisassaqartitsiviutigaluni paaqqutarinniffik Peqqinnissamut ikiortinik sisamanik pissarsiorpoq / Atorfiup ilisarnaataa 414/21

Kommuneqarfik Sermersuumi Ippiarsummi Sammisassaqartitsiviutigaluni paaqqutarinnittarfiup Peqqinnissamut ikiortinik sisamanik pissarsiorpoq.

Ippiarsuk: Ippiarsuk tassaavoq utoqqaat angerlarsimaffiat 45-inut inissalik Sammisaqartitsivillu ullormut 35-inut inissalik. Najugaqartut sisamanut agguarneqarnikuupput tamarmik 10-niit 12-inut inissaatillit. Ippiarsummi sulisut ima ilinniagaqarsimasuupput: Peqqissaasoq, Peqqissaanermut assistentit, Peqqissaanermut ikiortit ilinniarsimanngitsullu. Immikkoortortat sisamat saniatigut innarluutilinnut inuusuttunut immikkoortortaqarpoq, Sammisaqartitsiveqarpoq, Igaffik, Errorsisarfik, Allaffik, pedeli biilertorlu. Ippiarsummi 65-70-it missaanniilluta sulisuuvugut. Ullormut najugaqartunut 120-it missaannut iggassisarpugut, qallersuisarluta sutugassaqartitsisarlutalu taakkualu aamma ilaatigut Cafemi sulisunut Sammisaqartitsivimmillu atuisunut tuniniarneqartarput. Immikkoortortaqarfinniit aamma inniminniisoqartarpoq nalliuttunut, ataatsimiinnernut najugaqarfimmilu pisussanut allanut. Cafemi aamma kioskimi tuniniagassaqartarpoq.

Suliffik ulloq naallugu suliffiuvoq sapaatip akunneranut 40 tiimini, ullukkut/unnukkut aammalu unnuarsiornerni kiisalu sapaatit akunnerisa naaneri allortalugit pigaartuusarluni.

Suliassat:

  • Tunngavisumik paaqqutarinninneq, isumassuineq, ineqartunillu katsorsaaneq
  • Najugaqartut atukkamikkut pitsaasumik atugaqarnissaannut pinaveersaartitsinermik suliaqarneq
  • Najugaqartunik sammisaqartsitsineq
  • Ilaqutaasunik suleqateqarneq

Suliassat aqutsisoq peqatigeqqissaarlugu suliarineqassapput.

Naatsorsuutigaarput:

  • Peqqissaanermut ikiortitut ilinniarsimasuusutit, imaluunniit puigortunngortunut paakutarinnissinnaasoq
  • Aalajaatsuusutit akisussaassuseqartuusutillu
  • Suleqatikkuminartuusutit, tunniusimasuusutit, najugaqartunullu utoqqarnut ataqqinnittuussasutit.
  • Tamakkiisumik isiginnissinnaassuseqarlutit nammineerlutit sulinerit aaqqissuuttassagit suliassatillu pingaarnersiortarlugit.
  • Illumi suliatigut ineriartortitsineq pissutigalugu soqutigisarissagit suliassanik nutaanik tigusisarsinnaanerit.
  • Siunissami suleqatinut nutaanut ilinniartitsinermi peqataarusunnissat, ilinniartunullu sulinermik sungiusaasuusinnaanissat.

Neqeroorutigaagut:

  • Illumik ilisarititsineq
  • Tatigineqarneq
  • Akisussaaffilerneqarneq
  • Akuutinneqarneq
  • Suleqatit pitsaasut
  • Suliffimmi atugassarititaasut atortorissaarutillu pitsaasut
  • Suliatigut ineriartortitsineq

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq PPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 414/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 24. Juli. 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Aka Motzfeldt
Telefon: +299 366174
Nittartagaq: http://www.sermersooq.gl
Qinnuteqaat nassiutiguk