Skip to main content
124

Dette jobopslag er udløbet

Allagarsiuteqqitaq - Inunnik Innarluutilinnik Sullissinnermut Immikkoortortaqarfik Suleqatigiiaani assigiinngitsuni siunnersortissarsiorput / Atorfiup nr. 371/21

Atorfik killilimmik piffissaligaavoq annerpaamik ukiunut pingasunut.

Inunnut innarluutilinnut tarnimikkullu nappaatilinnut Immikkoortoqarfimmi sulianut assigiinngitsunut siunnersortitut atorfik nutaajuvoq.

Inunnut innarluutilinnut tarnimikkullu nappaatilinnut Immikkoortoqarfiup qitiutippaa kommunip neqeroorutaani sulisunillu ineriartorneq piginnaanngorsaanissarlu, innuttaasullu atugarissaarnerulernissaat ineriartornissamullu ulluinnaallu pitsaasumik atornissaanut periarfissaqarnerulertinnissaat.

Tunniusimasumik attaviginnillaqqissumik, pissanganartumi sulisinnaassusilimmik, assigiinngitsunik suliaqarsinnaasumik sulianut assigiinngitsunut siunnersuisussarsiorpugut.

Atorfik pillugu:

Sulianut assigiinngitsunut siunnersortitut ilaatigut makkua suliarissavatit:

  • Sulisunik assigiinngitsunik tunuliaqutalinnik, ilinniagaqarsimanngitsuniit peqqissaasutut ilinniarsimasunut piginnaanngorsaanermik ineriartortitsinermik ukkassineq.
  • Sanianiilluni ilinniartitsineq.
  • Immikkoortortami aqutsisoq suleqatigalugu sulisut nutaanik suliaqalernissaannut piareersarnissaannik suliaqarneq.
  • Piginnaanngorsaanermi aallartitsisuuneq, naammassinninneq ataqatigiissaarisuunerlu - siunnersortit allat marluk qanimut suleqatigalugit.

Sulisoq tamatigoortoq, suliassanik assigiinngisitaartunik sulisinnaassuseqartoq nutaanillu misiliinissamik tunuarsimaanngitsoq pisariaqartinneqarpoq. Suliassat immikkoortortap neqeroorutaanut tamanut attuumassuteqassapput.

Inuttut sulinikkullu piginnaasatit, attaveqarsinnaanermut piginnaasaqarluartuunerit - oqaluttariarsornikkut allattariarsornikkullu, aammalu suliamik arsaarinninngikkaluarlutit sanianiilluni ilinniartitsisinnaasutit ilinniartitserusunnerillu pingaartipparput.

Neqeroorutigaavut:
Suliassat assigiinngisitaartut suliatigullu unammillernarsinnaasunik suliaqartarnissaq kiisalu  pitsaasumik oqaloqatigiissinnaaneq.

Inunnik Innarluutilinnik Sullissinnermut Immikkoortortaqarfik qulingiluanik najugaqarfissatut neqeroorutaateqarpoq, sisamanik najugaqatigiiffeqarluni, marlunnillu sammisassaqartitsivittut ornittagaateqarluni kiisalu illoqarfinni tamani ikorfartorteqarluni, tassani immikkoortortami aqutsisoq, neqeroorutinilu ataasiakkaani aqutsisut kiisalu peqqissutsimut siunnersorti qanimut suleqatigalugit piginnaanngorsaanermi ineriartortitsinermilu pingaarnertut ingerlatsisuussaasi.

Akisussaaffik angisooq piginnaasavit ineriartortinnissaanut periarfissarpassualik neqeroorutigaarput.

Kalaallit Nunaanneersuussavit/Kalaallit Nunaat pillugu ilisimasaqartuussavit?
Kalaallit Nunaat ilisimasaqarfigigukku pitsaaqutaassaaq, marluinnillu oqaaseqartuullutit (danskisut/kalaallisut), piumasaqaataanngilarli. Kalaallit Nunaat pillugu soqutiginninnerit Nuummilu inuuneq piumassuseqarfiginissaa pingaartinneqarpoq.

Kommuneqarfik Sermersuup suliassaqarfia Frankrigitut annertussuseqarpoq, illoqarfiit sisamat nunaqarfiillu arfineq pingasut tassaniipput.

Nuuk Kalaallit Nunaanni illoqarfiit pingaarnersaraat, nunarsuarmilu illoqarfiit pingaarnersaanni mikinerpaalluni.

Nuna alianaatsorsuaq kulturikkut sunngiffimmilu susassaqarnissamut neqerooruterpassuit Nuup neqeroorutigai.

Aasaanerani qaqqaliarnissamut, aalisariarnissamut piniariarnissamut soorlu tuttunniarnissamut, sikut akornisigut qajartuarnissamut aamma stand-up-paddle-boardernissamut periarfissaqassaatit. Ukiuunerani ujakkaarutinik sangusaarutinilluunniit sisorarnissamut periarfissaqassaatit - ulluinnarni!

Nuummi filmeriartoqarsinnaavoq, isiginnaartitsisunik isiginnaariartoqarsinnaalluni, cafeertoqarsinnaalluni, nalukkiartoqarsinnaalluni kiisalu ilisimatusarfeqarlunilu pinngortitaleriffeqarpoq, taakkunani nunat tamalaaneersunik ilisimatuunik oqalugiartoqartarluni.

Ataani allaqqasut ilinnut naleqquppata, qinnuteqarnissat kaammattuutigissavarput:

  • Perorsaanermik tunngaviusumik imaluunniit peqqinnissamut tunngaviusumik ilinniagaqarsimasuuvutit assingusumilluunniit ilinniagaqarsimassasutit
  • Misilittakkama allanut ingerlateqqinnissai pikkoriffigaara nuannaralugulu.
  • Namminersorlunga suliakkalu tamakkiisumik akisussaaffigalugit sulisinnaavunga
  • Unammillernarsinnaasunik suliaqarneq nuannaraara
  • Aqutsisunnit suleqatinnillu paasisanik tuniorarneqarnissaq suliatigullu unammillerneqarnissaq sapernagulu piumavara
  • Suliassanik misissueqqissaarnissaq ikaarsaariarfeqarnissamillu pilersaarusiornissaq pingaartippara.
  • Avatangiisinnut pitsaasumik ammasumillu pissuseqartuuvunga
  • Uannut piginnaanngorsaaqqinneq, attuumassuseqalersitsineq akuersaartumillu perorsaariuseqarneq taamaattussaannaavoq.
  • Aqutsinermut tunngasunik ilisimasaqarpunga.

Atorfik ulloq naallugu suliffiuvoq, sulinerup atavaatigut sianertoqarnissaa naatsorsuutigissavat, tamanna tamatigut Inunnik Innarluutilinnik Sullissinnermut Immikkoortortaqarfimmi tamani ilungersunartuni pinartunillu pisoqaraangat pisarpoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, PPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 371/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinuteqaat tunniunneqassaaq kingusinnerpaamik: 28. juli 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Anerak Skifte
Mobil: +299 548935
Henrik Gundersen
Telefon: +299 36 60 87
Mobil: +299 522836
Leder Mina Møldrup Sakariassen
Telefon: +299 366352
Nittartagaq: http://www.sermersooq.gl
Qinnuteqaat nassiutiguk