Skip to main content
89

Dette jobopslag er udløbet

Allagarsiuteqqitaq - Ejnar Mikkelsenila Aluarpia ilinniartitsisunik pissarsiorpoq / Atorfiup normua: 441/19

Ejnar Mikkelsenila Aluarpianut ilinniartitsisut ilinniarsimasunik pissarsiorpoq

Ittoqqortoormiini atuarfitsinnut, Ejnar Mikkelsenila Aluarpia, pikkorissunik pimoorussisunik ilinniartitsisussarsiorpugut. 

Atuarfik pingasunik trineqartoq – katillugit 55-inik atuartulik 8-nillu ilinniartitsisoqartoq, kiisalu atuarfiup pisortaqartoq. 

Ittoqqortoormiit nunarsuarmi kangerluit annersaanni inissisimavoq, illoqarfik 400-nik innuttaqarluni Kalaallit Nunaata tunuata sineriaaniippoq. Tassani atorfinissinnaavutit atuarfiullu ineriartortinneqarneranut peqataasinnaallutit, atuartullu piginnaasamikkut ineriartornerannut pingaarutilittut inissisimanissannut periarfissagissaarsinnaallutit.

Atorfimmiipput:
Ilinniartitsisunik ilinniarsimasunik kalaallisut atuartitsisinnaasunik pissarsiorpugut. Ilinniartitsisoqatigiit tamakkiisuunngimmata naatsorsuutigisariaqarpoq nammineq atuartitsissutigisartagarinngisaniluunniit atuartitsisarsinnaanissaq. Taakkualu saniatigut aamma klasselæritut allatulluunniit isumaqatigiissuteqarnikkut inissisimasinnaasariaqarpoq. 

Atuarfimmi ilinniartitsisut,aqutsisut sulisullu allat kiisalu atuartut angajoqqaavi qanimut suleqatigalugit suliassat suliarineqartassapput.

Qinnuteqartunut naatsorsuutigisat:

  • Ilinniartitsisutut ilinniarsimaneq
  • Atuartitsivimmi aqutsinermik misilittagaqarneq
  • Atuartitsinissamik aaqqissuillaqqinneq
  • Atuartunut angajoqqaavinullu attaviliilluarsinnaaneq
  • Inuiaqatigiinni amerlanngitsuni atuarfimmilu mikisumi qanimut suleqateqarluarsinnaaneq
  • Atuarfiup tamakkiisumik ineriartorneranut taperseerususseqarneq

Uku aamma pingaartippavut:

  • Aalajaatsuuneq akisussaassuseqartuunerlu
  • Angajoqqaanut, suleqatinut atuartunullu attaveqallaqqissuuneq
  • Unammillernartunik avatangiiseqarluni sulisinnaanermut aalajangiusimaneq

Neqeroorutigaavut:
Suliffik unammillernartoq, inuttut ilinniartitsisutullu ineriartorfiusinnaasoq. Atuarfiup ineriartortinnissaanut allannguiviginissaanullu nammineq sunniuteqarnissamut peqataanissamullu periarfissaqarneq. Illoqarfimmi ileqquusut kulturiusorlu aallaavigalugit, atuartut ilinniarnissamut piareersimanissaat siuarsarniarlugu suligajuppugut. 
Ilinniakkannik naammasseqqammersimaguit suleqatinnit aqutsisunnillu ilinniartinneqarnissaq suleqatigiinnissarlu pisariaqartoq pissarsiarissavat, taamaalilutit suliffimmut piukkunnarlutillu toqqissisimasinnaallutit. 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Atorfinitsitsinermi atugassat aningaasarsiallu:
Aningaasarsiat atorfinitsitsinerlu, Kalaallit Nunaanni Namminersorlutik Oqartussat aamma IMAKip allalluunnit akornanni isumaqatigiinniarsinnaatitaasut isumaqatigiissutaat malillugit inissinneqassapput.  

Atorfinitsitsineq qaammatini pingasuni misiliutaalluni aallartinneqassaaq

Atorfininnermi angalaneq nassiussinerlu:
Atorfininnermi soraarnermilu angalanissat akilerneqassapput, malittarisassallu malillugit ukiumoortumik feriefrirejse atussaaq. 

Malittarisassat atuuttut malillugit pisattanik nassiussinissaq akilerneqassaaq.  

Qinnuteqarneq:
Qinnuteqaat Job nr. 441/19-imik ilisarnaatilik, ilinniarsimanermut suliffigisimasanillu paasissutissartalik, misilitsinnermi allagartat ilanngullugit sulisitsisoqarfiup qinnuteqarfissaq qaangiutsinnagu tigoreersimassavai. 

Ima qinnuteqassaatit:
Qinnuteqaatip elektroniskiunissaa kissaatiginarpoq, nittartakkap ilisarnaataa naqqaniittoq atorlugu qinnuteqaatit CV-llu ilanngussinnaavatit.

 

Qinuteqaat tunniunneqassaaq kingusinnerpaamik: 29. juli 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Ittoqqortoormiit
Paasissutissat allat uani piniarneqarsinnaapput: Skoleinspektør Torbjørn Ydegaard
Telefon: +299 367861
Nittartagaq: http://www.sermersooq.gl
Qinnuteqaat nassiutiguk