Meeqqanut akuleriinnut ulluunerani paaqqinnittarfik nutaaq naluttarfiup Maliup eqqaaniittoq immikkoortortami aqutsisumik pissarsiorpoq.

Akuleriinnut meeqqerivik nutaaq naluttarfiup Maliup eqqaaniittoq Nuussuarmiippoq, meeqqanullu 80-inut inissaqartitsilluni.

Akuleriinnut meeqqerivik nutaaq naluttarfiup Maliup eqqaaniittoq ulluinnarni nal. 07.00 – 17.00 ammasarpoq, meeraaqqerivittaani meeqqanut 60-nut meeqqerivittaanilu meeqqanut 20-nut inissaqartitsivoq. Sulisut inunnut 22-inut amerlassusiligaapput, inini arfiniliusuni sulisut pingasukkaarput, igaffimmioqarpoq, asaasoqarpoq, ullup affaa asaasoq ullullu affaa igaffimmi ikiortiusoq kiisalu aqutsisoq.

Init arfiniliusut arlaanni inimi immikkoortortami aqutsisoq/perorsaasoq atorfeqarpoq, sapaatillu akunneranut akunnerni 40-ni sulisarluni, tassa nal. 07.00-ip 17.00-illu akornanni piffissani nikerartuni.

Immikkoortortami aqutsisoq/perorsaasoq inimi suleqatiminut aqutsisutut inissisimavoq, taakkulu akisussaaffigalugit  aamma inini allani perorsaanermut tunngasunik ineriartortitsinissaq aammalu angajoqqaanik suleqatiginninneq. Kiisalu illu tamaat akisussaaqataaffigalugu.

Suliatigut inuttullu qinnuteqartumut piumasaqaatit ukuupput:

• Perorsaasutut ilinniagaqarsimassasutit assingusumilluunniit ilinniagaqarsimassasutit
• Akisussaassuseqartutit, tamakkiisumik takunnissinnaassuseqartutit aamma aalajaatsuusutit
• Isumassarsiullaqqissuusutit akimmiffissarsiornermullu taarsiullugu periarfissarsiorsinnaassasutit
  Ulapiffiup nalaani sulianik aallussisinnaassuseqartutit
• Tamatigoortuusutit, suleqatikkuminartuusutit aamma saaffigiuminartuusutit
• Tunngaviit ilikkalertorfiusut 7-rluk ilisimasaqarfigigitit
• ”Kammagiitta” pillugu ilisimasaqartutit

Akuleriinnik meeraateqarfik nutaaq naluttarfiup Maliup eqqaaniittoq -mi anguniakkagut pingaartitagullu ilaatigut makkuupput:

• Inuttut inooqataanikkullu piginnaasatigut inerisaaneq
• Timimi aalaatsinik angisuunik ullut tamaasa atuisitsineq
• Inuttut immikkuullarissuseqarnermik akuersaarneq
• Sulisut atuisullu akornanni attaveqatigiilluarneq
• Meeqqap imminut naleqartinneranik imminullu tatigineranik kiisalu nammineernerunissaanik siuarsaaneq
• Sulinermi avatangiisigissaarneq nuannaarnissamullu piffissaqarneq  

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuaffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

Atorfinititsineq qaammatini pingasuni misiliutitaqassaaq. 

Ini:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Atorfiup ilisarnaataa 01/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.