Skip to main content
124

Dette jobopslag er udløbet

Allagarsiuteqqitaq - Akuleriinnik meeraateqarfik Muku Perorsaasumik pissarsiorpoq / Atorfiup ilisarnaataa 365/21

Muku ulluunerani meeqqanut akuleriinnut paaqqinnittarfik perorsaasumik pissarsiorpoq atorfinittussamik aggutsip aallaqqaataani imaluunniit isumaqatigiissuteqarnikkut.  Atorfik piffissaq tamakkiisumik suliffiuvoq, MUKU-mi aqutsisut qaninnertut suleqatigissallugit, Meeqqanut atuarfeqarnermullu ingerlatsivik / Meeqqeriviit.

Muku akulerinnikmeeraateqarfiuvoq Nuussuarmilu inissisimalluni. Muku meeraaqqeriviuvoq meeqqanut 0-niit arfinilinnut ukiulinnut 64-nut inissaqartoq. Meeraaqqeriviit init marluupput taakkunanilu 12-nut inissaqarluni aammalu meeqqeriviit init marluk 20-nik inissallit. Sulisussarititaasut 15-iupput imatut agguagaallutik: Pisortaq, pisortap tullia, immikkoortortaqarfimmi pisortaq, perorsaasut marluk, Meeqqerisut isumaginninnermilu ikiortit sisamat, ikiortit sisamat, igaffimmioq ataaseq aammalu asaasoq.

Meeraaqqerivik meeqqerivillu ammasarpoq nal. 7.00-miit 17.00-mut, Nuussuarmiillunilu. 

Meeqqanut atuarfeqarnermullu ingerlatsivimmi annerusumik paasisaqarsinnaavutit.

MUKU-mi naleqartitavut makkuupput:

  • Meeqqereriaaseq akuersaarnartoq.
  • Pinngortitarsuaq perorsaatitut atorparput
  • Allaassuteqarsinnaaneq pillugu meeqqat ataqqinnissinnaanermik ilinniartillugit.
  • Meeqqanut toqqissisimaneq pilersissallugu, ineriartornermut inissaqartitsisoq

Neqeroorutigisinnaasavut:

  • Suliffeqarfik akisussaassuseqarfigisinnaasat sunniuterqarfigisinnaasallu.
  • Suliffeqarfik pisoqarfiusoq avatangiisit kusanartorsuit atorlugit.
  • Angajoqqaat pimoorussisut meeqqallu inequnartut.

Naatsorsuutigaarput:

  • Perorsaasutut ilinniarsimasuusutit assingusumilluunniit ilinniagaqarsimassasutit
  • Akuersaatuuneq meeqqanut, suleqatinut angajoqqaanullu tapersersuisuunissat
  • Aalajaatsuuneq, suliassanullu tamanut eqqummaarissoq
  • Tungaviit arfineq marluk ilisimasaqarfigigitit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 365/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 26. juli 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Andreas Jessen
Telefon: +299 366700
Nittartagaq: http://www.sermersooq.gl
Qinnuteqaat nassiutiguk