Skip to main content
130

Dette jobopslag er udløbet

Allaffissornikkut sulisumik Meeqqanut Inuusuttunullu Siunnersuisarfimmut

MISI allaffimmi sulisussamik pissarsiorpoq. Siullermik piffissap ilaa (sapaatip akunneranut 20 tiimit missaat). Kingusinnerusukkut pisariaqartitsisoqalissappat akunnerit suliffiusussat amerlisinneqarsinnaapput tamarmik isumaqatigiinneratigut.

 

Meeqqanik Inuusuttunillu Siunnersuisarfik/Misi kommunimi illoqarfiit pingaarnersaanni, Kommuneqarfik Sermersuumi, Meeqqanut Atuarfeqarnermullu Ingerlatsivimmiippoq. Meeqqanut Atuarfeqarnermullu Ingerlatsiviup anguniarpaa Kommuneqarfik Sermersuumi meeqqat tamarmik imaqarluartumik inuuneqarnissamut tunngavissamik pilersitsisinnaanissaannut ilinniartinneqarnerisigut, ineriartortinneqarnerisigut atugarissaartinneqarnerisigullu pitsaanerpaamik sinaakkusersuinissaq. Kalaallit Nunaanni pitsaanerpaanik nukissiuutinillu atuinikitsunik meeqqanut tamanut inissaqartitsisunik meeqqallu innuttaasutut alapernaatsutut, tatituutut, peqqissutut, nuannaartutut nammineersinnaasutullu ineriartorsinnaanissaannut pitsaanerpaamik atugassaqartitsiffiusumik meeqqeriveqarusullutalu atuarfeqarusuppugut. MISI siunnersuisarfiuvoq perorsaanikkut – tarnikkullu atukkanik inersimasunut meeqqat inuusuttullu 0-18-inik ukiullit pillugit.

 

MTU-mi kingullermi, decembarimi 2020-mi suliarineqartumi, misissuinerup takutippaa suliffiup imarisaa, tatiginartuuneq, suleqatigiinneq ineriartornerlu MISI-mi pingaartinneqartut. Suliffipput pitsaasuuvoq aalajaatsunik pikkorissunik tapersersuisunillu tikilluaqqusisussanik suleqatigeeqarpoq. Anguniarparput suliffittaannut ilisaritinneqarluarlutit peqataatinneqarluassasutit. Sulisut tamarmiugaangatta ukuusarpugut Siunnersortinut chefi ataaseq, Meeqqanut inuusuttunullu siunnersortit sisamat, oqalunnermut tusaasaqarnermullu sungiusaasoq ataaseq kiisalu tarnip pissusiinik ilisimasallit tallimat.

 

 

Makkua suliassarivatit:
MISI allaffimmi sulisussamik pissarsiorpoq, allaffissornermut suliassanik pikkorissumik, kiisalu illumi ”suliassanik amerlasuunik suliaqartartuussalluni” suliatsinnut assigiinngitsunut atatillugu. Misimi sulisunut qitiulluinnassaatit, suliassatit imarpassuaqarmata. Suliassavit pingaarnerit ilaat tassaavoq sianertunik oqaluussinissaq, taamaalillutit avammut kiffartuussisuussallutit. Aammattaaq MISI-p pisortatigoortumik allakkanut nakkartitsivianut akisussaasunngussaatit, 

 

Tunuliaqutit assersuutigalugu allaffimmiu, assigisaanilluunniit suliffinni allani allaffissornikkut suliaqarsimanissat. Piumasaqaataanngilarli. Pingaarnerpaavoq aalajaatsuunissat, ilinniartikkuminartoq tutsuiginartorlu, ilinniartinneqarnissat ilitsersuunneqarnissallu suliassarnut periarfissaavoq.

 

 

Kissaatigaarput, illit:

  • Allaffimmiutut ilinniarsimanissat imaluunniit allamik attuumassutilinnik tunuliaqutaqartutit misilittagaqarlutilluunniit.
  • IT-mik ilisimasaqartutit. MISImi ulluinnarni Outlook atorneqartarpoq aamma systemit ESDH Get Organizedilu. Tamakkununnga ilisimasaqaruit iluaqutaassaaq.
  • Qungujunnartunut tappissuunissat, qiimasoq, sungiussiasuusutit sulerusussuseqarlutillu. 
  • Nammineersinnaassuseqarluartutit sulianillu aaqqiiniarnermi ingerlatsisinnaasutit.
  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Amerlasuunik ataatsikkut suliaqarsinnaasutit ataatsimut isiginninnerit annaanngikkaluarlugu, ulluinnarnilu suliassanik assigiinngitsunik suliaqarsinnaasutit.
  • Suliassanik naammassinninniarnitsinni ingerlaavartumik ineriartortitsinermut pitsanngorsaanermullu suleqataassasutit
  • Marluinnik oqaaseqassasutit (qallunaatut/kalaallisut) attaveqarsinnaasutit allassinnaanertut oqalussinnaallutit. 

Makku suliassarisassavatit:

  • Saaffiginninnerit telefonikkullu saaffiginninnerit tigunissai.
  • Nalunaarsuiffitsinnik Get Organizedimik aqutsineq, allakkat pappiarat elektroniskiusullu nalunaarsuiffiat.
  • MISI-p pisortatigoortumik allakkanut nakkartitsivianut akisussaasuussaatit.
  • Suliassat suliaralugit, suliassaqarfiit allat sulianut allagaataat suliakkiussat, kiisalu suliassaqarfiit allat sulianut allagaataat nassiussat.
  • Pappialanut toqqorsivitsinnut nutartertassavatit.
  • Suleqatit ullorsiutaannik ilisimasaqarneq.
  • Paasissutissanik kopeerineq, nalunaarsuineq suujunnaartitsinerlu.
  • Ataatsimiinnissamut piareersarneq pisiniarnerlu.
  • Allaffimmi atortunik, immunnik kaffinillu inniminniinermi akisussaasuuneq.
  • Illumi amigaateqartoqaleraangat, ass. qulliit pærii il.il. amigaataappata sanasunullu peqatigalugit ataqatigiissaarineq atortunillu pissarsiniarnermut isumaginnissaatit, suliassat naammassineqaqqullugit. 
  • MISImi nutsigassanik annikitsunik ikorfartuineq. (Qallunaatut/kalaallisut). 
  • Suliassat takkussuuttut MISImi sulisunut, kiisalu aqutsisunut iluaqutaasussat.

 

Aammattaaq suliassat oqimaassusaat assigiinngimmata aammalu suliaqartillutit allanik akornuserneqarsinnaanerit, sulianik annikinnernik annertunernilluunniit maannakkut aaqqitassanik.

 

 

Uagut neqeroorutigaavut:

  • Suliffik pitsaasunik sulisulik. Sullivimmi avatangiisit pingaarteqaagut. 
  • Sulisunik sungiussititsiniarneq pitsaasoq, kiisalu suliassanik ilinniartitsineq.
  • Nammineersinnaanermut annertuumik periarfissaqassaatit suliassatillu nammineq ilusilersorsinnaallugit.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Qaammatini pingasuni misiligummik atorfinitsitsisoqarsinnaavoq.

 

 

Inissaq:
Atorfimmut atatillugu inissamik innersuussisoqarsinnaanngilaq.

 

 

Meeqqanik Pinerliisimannginnermut Uppernarsaat:
Atorfik taanna meeqqanik pinerliisimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinitsitsisoqarsinnaasoq, erseqqissaatigineqassaaq.

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaattumik malugeqquarput atorfininnissaq aatsaat ullulerneqarsinnaammat kommune Politiinit pinerlussimannginnermut uppernarsaammik tigusaqarpat.

 

 

Qinnuteqaat:
Qinnuteqaatip ilisarnaataata Atorfiup ilisarnaataa 458/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: juulip 22.-at, 2022

Atorfik una qinnuteqarfigiuk