Skip to main content
85

Dette jobopslag er udløbet

Allaffeqarfimmi AC-siunnersorti / Atorfiup ilisarnaataa 378/20

Isumaginninnermut Suliffeqarnermullu Ingerlatsivimmi AC-siunnersortinngorit. 

AC-siunnersortimik kajumilluartumik pikkorissumillu, suliatigut pitsaassuseqarluinnartunik tunniusserusuttumik aammalu suliffimmi unamminarsinnaasumik suliaqarfiujuartumillu politikkikkut aqunneqartumik nuannarinnittumik pissarsiorpugut. 

Isumaginninnermut Suliffeqarnermullu Ingerlatsivimmi AC-siunnersortitut politikkikkut aqunneqartumi pissanganartorsiorfiusartumi sulinissat nuannarisarissavat, suliffeqarfimmilu politikkikkut takorluukkat, isumassarsiat kissaatillu Kommuneqarfik Sermersuumi innuttaasunut iluaqutissanngorlugit suliarineqartassapput.

Isumaginninnermut Suliffeqarnermullu Ingerlatsivimmi utoqqarnut tunngasunik, tarnikkut nappaatilinnut, innarluutilinnut tunngasunik suliaqarfiuvoq, suliamik suliaqarfik aamma suliffissarsiussisarfillu sapinngisamik piaartumik atorfinittussamik AC-siunnersortimik pissarsiorpoq.

Atorfik pillugu
Allaffeqarfik kiffarstuussiviuvoq, ingerlatsiviullu iluani politikerinut (pingaartumik Isumaginninnermut Suliffeqarnermullu Ataatsimiititaq), pisortamut aamma fagchefinullu ikiuuttussaalluni.

Ingerlatsiviup allaffeqarfiani AC-siunnersortit ingerlatsivimmi susassaqarfinni tamani pingaarnertut politikkikkut sullissinernik, oqartussatut suliassanik, misissuinermut suliassanik kiisalu suliniutinut tunngasunik suliassanik suliaqartarput. Sulisoq tamatigoortoq, suliassanik assigiinngisitaartunik sulisinnaassuseqartoq nutaanillu misiliinissamik tunuarsimaanngitsoq pisariaqartinneqarpoq.

AC-siunnersortip ilaatigut suliamik saqqummiusaliornerit, tusarniaanermi akissutit, immikkoortunut pilersaarutit suliarisassavai kiisalu politikerit workshopernissaannik immikkut sammisaqarnissaannillu, ingerlatsiviup suliassaqarfii akimorlugit, ingerlatsisassalluni.

Inuttut suliatigullu piginnaasatit pingaartippagut. Misilittagaqareersimasinnaavutit aammali ilinniarninnik naammassinneqqammertuusinnaallutit. Attaveqatigiissinnaanermik piginnaasaqarluarnerit aalajangiisoorujussuussaaq – oqaluttariarsorneq allattariarsornerlu eqqarsaatigalugit, aamma suliassaqarfiup iluani ajornartorsiutinut tunngasunik suliaqarsinnaassuseqassaatit, immaqa maannakkut tassunga tunngasunik piginnaasaqarfigalugit misilittagaqanngikkaluarlutit.

AC-siunnersortitut:

  • Politikerit allaffeqarfimmilu sulisut qanimut ataqatigiissarnissaannut suleqataanikkut qulakkeerinninnissaatit,
  • Isumaginninnermut Suliffeqarnermullu Ataatsimiititamut politikkikkut saqqummiussassanik il. il. sullissineq pitsaassutsinillu qulakkeerinnissaatit,
  • Missinngersuusiornermik aningaasanillu malinnaaffiginninnermik suliaqassaatit,
  • Ingerlatsiviup susassaqarfiata iluani misissoqqissaagassat assigiinngitsut isumagissavatit,
  • ilaatigut politikerertatsinnut workshoppini immikkut ittumillu sammisaqarnerni assigiinngitsuni pilersaarusioqataaneq suliarinneqataanerlu,
  • tusarniaassutit akissusiornissaannut suleqataaneq,
  • Inerisaanermut suliniutit pillugit aallartisaaneq, suliarinninneq tamaallu isigalugu ataqatigiissaarisuuneq,

Ataani allaqqasut ilinnut naleqquppata, qinnuteqarnissat kaammattuutigissavarput:

  • Allattariarsornikkut erseqqissuliorneq pikkoriffigalugulu nuannarisuuara
  • Namminersorlunga suliakkalu tamakkiisumik akisussaaffigalugit sulisinnaavunga
  • Unammillernarsinnaasunik suliaqarneq nuannaraara
  • Aqutsisunnit suleqatinnillu paasisanik tuniorarneqarnissaq suliatigullu unammillerneqarnissaq sapernagulu piumavara
  • Suliassanik misissueqqissaarnissaq ikaarsaariarfeqarnissamillu pilersaarusiornissaq pingaartippara.
  • Avatangiisinnut pitsaasumik ammasumillu pissuseqartuuvunga
  • Suliatigut killissakka nallerukkit naaggaarsinnaavunga
  • Kandidatitut ilinniagaqarpunga 

Kandidatitut ilinniagartuutut ilinniagaqarsimassavit?

Aap, taamatut ilinniagaqarsimassaatit, pissutigalugu misilittakkavut naapertorlugit suliassat suliarinerini ilungersunarmata taama qaffasitsigisumik ilinniagaqarsimanissaq pisariaqarpoq. Apeqqutaanngilarli kandidatitut ilinniagaq sorleq naammassisimanerit.

Kalaallit Nunaanneersuussavit/Kalaallit Nunaat pillugu ilisimasaqartuussavit?

Kalaallit Nunaat ilisimasaqarfigigukku pitsaaqutaassaaq, marluinnillu oqaaseqartuullutit (danskisut/kalaallisut), piumasaqaataanngilarli. Kalaallit Nunaat pillugu soqutiginninnerit Nuummilu inuuneq piumassuseqarfiginissaa pingaartinneqarpoq.

Nuuk nunat tamalaat akornanni illoqarfiit pingaarnersaanni minnersaavoq, pinngortitami imaannanngitsumi inissisimasoq aamma kulutikkut sunngiffimmilu sammisassatigut neqeroorutinik ulikkaartoq.

Aasaanerani qaqqaliarnissamut, aalisariarnissamut piniariarnissamut soorlu tuttunniarnissamut, sikut akornisigut qajartuarnissamut aamma stand-up-paddle-boardernissamullu periarfissaqassaatit. Ukiuunerani ujakkaarutinik sangusaarutinilluunniit sisorarnissamut periarfissaqassaatit!

Nuummi filmeriartoqarsinnaavoq, isiginnaartitsisunik isiginnaariartoqarsinnaalluni, cafeertoqarsinnaalluni, nalukkiartoqarsinnaalluni kiisalu ilisimatusarfeqarlunilu pinngortitaleriffeqarpoq, taakkunani nunat tamalaaneersunik ilisimatuunik oqalugiartoqartarluni.

Neqeroorutigaavut:
Suliffeqarfittut ulluinnarni suliassat assigiinngisitaartut suliatigullu unammillernarsinnaasunik suliaqartarnissaq kiisalu pikkorissunik tunniusimasunillu, pitsaasumik oqaloqatigiissinnaasunik, suleqatissaqarneq neqeroorutigaarput. Allaffimmi sulisut maannakkut tassaapput stabschefi, AC-siunnersortit 3, aqutsinermi ikiorti aamma aningaasaqarnermut tunngasunik suliallit 4. Suliffimmi iluarisimaarnissaq pingaartinneqarpoq. Politikkikkut aaqqissuussaanerup paasisimasaqarfigilluarnissaanut periarfissaqarluassaatit aqutsisullu qanimut suleqatigiumaarlugit (pingaartumik allaffeqarfimmi pisortaq ingerlatsivimmi pisortarlu).

Atorfininnermut atatillugu inissaqartitsisoqanngilaq.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Qinnuteqaatip
Qinnuteqaatip ilisarnaataata Atorfiup nr. 378/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 15. august 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Lise Buchardt
Telefon: +299 367172
Nittartagaq: http://www.sermersooq.gl
Qinnuteqaat nassiutiguk