Skip to main content
88

Dette jobopslag er udløbet

Akuleriinnut meeqqerivik Puiaq Perorsaasumik pissarsiorpoq /Atorfiup ilisarnataa 358/20

Puiaq perorsaasumik sullarissumik pissarsiorpoq atorfinittussamik aggutsip 1-ani imaluunniit taassuma kingorna. Atorfik tamakkiisumik atorfiuvoq, Puiamilu pisortap ataani inissisimalluni.

Puiaq perorsaasussarsiorpoq meeqqat ineriartornerata killiffiinut aamma meeqqat ineriartornermini pisariaqartitaannik ilisimasaqartumik kiisalu inimi akisussaasusilimmik aqutisinnaasumik.  

Puiap allaaserineqarnera:
Puiaq meeqqeriviuvoq akuleriinnik meeratilik, meeqqanut 64-inut inissaqarpoq. Init sisamaapput, meeraaqqerivittaani init marluupput meeqqanut 24-inut inissaqarluni, angajullernilu inini marlunnut avineqarsimasuni 40-runik inissaqarluni. Sulisut 16-inut naatsorsuussaapput. Puiaq inissisimavoq umiarsualiviup tungaani, quleriiullunilu. Puiap ilisarnaatigisaasa ilagivaat, iikkakkut innarsiortarfeqarmat.

Puiap ukiumoortumik tunaartarisaani 2018-imoortumi ilaatigut pingaartippaat, vækstpædagogik atorlugu perorsaaneq, ass. meeqqat isumassarsiaat aallaavigalugu akisussaaqatigiilluni sammisassanik suliaqarsinnaanissaq aammalu sulisut meeqqat nammineersinnaanerulernissaannut aqqutissiuussinissaq, aammalu sulisut sutigut tamatigut iliuutsiminnik oqaasertalersuisarnissaat.

Puiap tunaartarisaa nunatsinni inatsit ”Meeqqat suli atualinngitsunut inerikkiartuutaasumik ulluunerani neqerooruteqartarneq pillugu inatsit nr. 16, 3. december 2012-meersoq, naapertorlugu meeraq atualernissaanut sassarsinnaanermik, nammineq isummersorsinnaanermik, piorsarsimassutsitsinnillu ilisimaarinissai ingerlatissallugu.

Aammalu Kommuneqarfik Sermersuup pingaartitaa tassaasoq Tunngaviit arfineq marluk ataavartumik ingerlanneqartarnissaat, aammattaarlu Kammagiitta.

Puiaq ulluinnarni ammasarpoq nal: 7 – 17.

Atorfiup imarisaa:
Perorsaasoq ulluinnarni pilersaarusianut, perorsaanermik suliassanut suleqataassaaq, ataanilu taaneqartuni suleqataassaaq:

  • Meeqqat nuannersumik qanilaartumillu avatangiiseqarlutik ulluinnarni toqqissisimasumik ataqatigiissumillu atugaqartinneqarnissaat qulakkiissavaa.
  • Meeqqat ataasiakkaat ineriartornerat ilinniarnerallu immikkut eqqumaffigineqarnera.

Naatsorsuutigaarput :

  • Perorsaasutut ilinniagaqartuusutit imaluunniit assingusumik
  • Inimi meeraaqqerivimmi 12-nut meerartalimmi akisussaaqataallutit aqutsisinnaasutit
  • Inimi aqutsinermi nammineersinnaalluartutit
  • Isumassarsiullaqqissuusutit
  • Suliffimmi naatsorsuutigiumiartuusutit
  • Angajoqqaanik suleqatinillu ataqqinnittuusutit, suleqatikkuminarlutillu
  • Suliffiup iluani tamatigoorsinnaassuseqartutit
  • Kalaallisut qallunaatullu marluinnik oqaaseqartuunissaq iluaqutaassaaq, piumasaqaataanngilarli

Neqeroorutigaarput

  • Sulisut imminnut ataqqeqatigiittut
  • Sulisut suleqatigiilluartut/ imminnut nuannariilluartut
  • Sulisut nammineersinnaalluartut
  • Angajoqqaanut ataqqinnittut tatiginnittut/qujamasuttut
  • Meeqqerivik ineriartorusussuseqartoq
  • Ullut assigiinngiiartut.

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut: Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik innersuussisoqarsinnaavoq.

Qinnuteqaat: Qinnuteqaatip ilisarnaataata Job nr. 358/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:  
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 29. juli 2020
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Birgithe E Larsen
Telefon: +299 366780
Nittartagaq: http://www.sermersooq.gl
Qinnuteqaat nassiutiguk