Akuleriinnik meeraateqarfimmi aqutsisuullutit ingerlatserusuppit, qanittumik attaveqarneq pingaartinneqartoq, meeqqanut ataasiakkaanut eqimattanullu ineriartorneq iluarisimaarnerlu uukkatarineqartoq? Taamaappat atorfissaqartippatigit.

Kommeqarfik Sermersooq meeraaqqerivik Sikkersoq-mi ulloq 1. Juni 2023 atorfinittussamik pikkorissumik eqinnaatsumik pisortamik pissarsiorpoq imaluunniit isumaqatigiissuteqarnikkut. Taamaattumik illit pisortatut meeraaqqeriviup peqataaffigisannik meeraaqqerivik pingaartitat pilersitseqataaffigissavatit.

Meeqqanut atuarfeqarnermut ingerlatsivik anguniagaqarpoq meeqqat nuannaartut, alapernaattut, tatituut, peqqissullu pilersissallugit. Naatsorsuutigineqarpoq illit pisortatut anguniagassaliussat pimoorullugit anguniagaqataassasutit.

 

 

Atorfiup imarisaa:

Pingaartipparput meeqqat ataqatigiissumik toqqissisimanartumik nuannersumik attaveqaateqarlutik ulluinnarni misigisaqartinneqarnissaat. Naatsorsuutigaarput meeqqeriviup anguniagaanut sinaakkusersuillutillu tapersersueqataanissat.

 

 

 Saniatigut suliassat:

·Ulluinnarni aqutsineq

·Qulakkiissallugu Immikkoortortami anguniagaliunneqarsimasut meeqqerivimmi suliarinerat

·Meeqqeriviup aningaasaqarneranut akisussaasuuneq

·Meeqqanut ajunnginnerpaassaq anguniarlugu angajoqqaanik suleqarteqarneq

·Suliarinasuarneqarsinnaasullu ilanngullugit

Suliassat naammisineqartassapput ingerlatsivimmi meeqqeriveqarnermut immikkoortortaq qanimut suleqatigalugu.

 

 

Qinnuteqartumut naatsorsuutit:

Naatsorsuutigaarput:

·Perorsaasutut ilinniarsimasuunissaq.

·Meeqqeriveqarnerup iluani aqutsinermik misilittagaqarsimanissaq.

·Akisussaaffimmik tigusineq Ataatsimoorluni anguniakkat anguniarnerani.

·Meeqqanut sammisassaqartitsinermi pilersaarusiullaqqissuunissaq.

·Siammasissumik suleqateqarluarsinnaaneq.

·Aningaasaqarnikkut missigersuutinut naatsorsuutinullu tamakkiisumik nakkutiginnissinnaaneq.

·Ulluinnarni PC atuinermut piginnaasalik

·Kalaallisut qallunaatullu oqaaseqartuusinnaaneq.

 

Pingaartipparputtaaq aalajaatsuussasutit, pitsaassusisermut eqqumaarissoq peqqissartumillu eqqummaarittuussasutit, suliassanik arlallinik ataatsikkut puullaaqinngikkaluarlutit suliaqarsinnaassasutit.

Akerlianik neqeroorfigisinnaavatsigit atorfimmut periarfissarpassualimmut nammineerlutit inerisaaqataaffigisinnnaasarnut nammineerluinnarlutit akissussaaffigalugu suliffeqarfimmi inerisaqataanissannut. Pingartitarivarput atorfimmut suliffeqarfimmullu pitsaasumik isertilluarneqarnissaq ilungersorlutalu qulakkeertussaallutigut suleqatigiilluarneq aqutsinerup tungaatigut avitseqatigiilluarnerlu inissaqartitsineq suliniutinut pilersitsisinnaanermullu.

 

 

Meeqqat amerlassusiligaanerat

Meeqqat 64-upput, inini sisamani avissimallutik, meeraaqqeriviit marluk, meeqqeriviillu marluk

 

Sulisut amerlassusilingaanerat

Sulisut aaliangersimasut 15-put Pisortaq, perorsaasut 3, isumaginninnermi ikiortit 3, ikiortit 3. Igaffimmioq eqqiaasorlu

Ilinniartuuteqarsinnaasarpoq, ikiortinngornianik, perorsaasunngornianillu igaffimmilu ilinniartuuteqassagaanni ukioq ataaseq kisimi periarfissaasartoq, inummut ataatsimut.

 

Annertunerusumik paasisaqarusukkuit:

Annertunerusumik paasisaqarusukkuit pisortaq Ane Marie Lynge Møller attavigisinnaavat uungaoqarasuaat +299 36 73 25 imaluunniit e-mail-imut uunga: anmm@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:

Qinnuteqaat qulequtserlugu Atorfiup ilisarnaataa 440-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

 

 

 

Qinnuteqarnissamut killissarititaasoq: juunip 16.-at, 2023

Atorfik una qinnuteqarfigiuk