Skip to main content
84

Dette jobopslag er udløbet

Akuleriinnik meeraateqarfik Qivioq Ernæringsassistent-imik pissarsiorpoq / Atorfiup ilisarnaataa 188/21

Kommuneqarfik Sermersooq pikkorissumik tunniusimasumillu Ernæringsassistenti-mik akuleriinnik meeraateqarfimmut Qivioq-mut sulilersussamik kingusinnerusukkulluunniit isumaqqatigiissuteqarnikkut sulilersinnaasumik pissarsiorpoq.

Meeraaqqerivik Qivioq meeqqanut 96-nut naatsorsuussaavoq.Meeqqat ininut arfinilinnut agguangaallutik.

Inimi sulisut ima inissisimapput:
Perorsaasoq, Inuniik isumanginninnermi ikiorti ikiortilu pisariaqartitsinermilu immikkut kaammattortimik atorfinitsissisoqarsinnaalluni. Iggavimmioq, Eqqiaasoq, ullup affaanut eqqiaanermi ikiorti ullullu affaanut iggavimmi ikiorti. Kiisalu pisortaq.

Akuleriinnik meeqqerivik:
Qivioq. Nal: 7.00-17.00

Meeqqanut 0-6-nik ukiulinnut naatsorsuussaalluni.

Atorfiup imarisaa:
Misilittagaqartumik Ernæringsassistentimik pissarsiorpugut. Meeqqanut sapingalinnut iggassinermi ilisimasalimmik, nutaaliorusussusilimmik, meeqqat nerisaasa allanngorartuunissaanik Kommuuneqarfik Sermersuumi kostpolitik-mik malinnilluarsinnaasumik.

Aammalu meeqqat nerisaasa inuussutissaqarluarnissaanik eqqummaarittumik pissarsiorpugut.

Qinnuteqartunut naatsorsuutigisat:

  • Ernæringsassistentitut ilinniarsimasutit.
  • Siumut nerisassanik pilersaarusiorsinnaasutit.
  • Siumut nerisassanik peqqumaatissanillu piareersaasiorneq eqqummaariffingissangit.
  • Aalajaatsuusutit namminerlu sulisinnaassuseqqarluartutit.
  • Qiimasuusutit.
  • Piffissamik ataqqinnittuusutit.
  • Atuisunut saaffingiuminartuunissat.
  • Iggaviup eqqiluitsuutinnissaanik pingaartitsisuusutit.
  • Suliffimmut tunniusimasuusutit.

Pingaartipparputtaaq:

  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Atituumik suleqateqarluarsinnaasoq
  • Qinnuteqartut marluinnik oqaasillit (kal/qall) piumaneqarnerupput

Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup nr. 188/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 15. april 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Hansine Mathiassen
Telefon: +299 366880
Nittartagaq: http://www.sermersooq.gl
Qinnuteqaat nassiutiguk