Skip to main content
134

Dette jobopslag er udløbet

Akuleriinnik meeraateqarfik Nukariit igaffimmi ikiorti

Meeqqerivik Nukariinni igaffimmi ikiortimik soqutiginnittumik tunniusimasumillu sulisinnaasumik suleqatissarsiorpugut.

 

Meeqqanut ulluunerani paaqqinnittarfimmik nerisassanik peqqinnartunik meeqqanut sassaalliuteqaqataarusuppit? Taava atorfissaqartippatsigit.

 

Meeqqat alapernaatsut, tatituut, peqqissut nuannaartullu Kommuneqarfik Sermersuup anguniagarai, aqqutissiuullugit iliuusissatsinnik

eqqartuisarnitsinni piviusunngortinnissai anguniassavagut.

 

 

 

Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:

 

∙ Pinngortitaq perorsaanermi sakkussatut atussallugu

 

∙ ukioq 2022 sulisunik inerisaanermut atorneqarnissaa

 

 

 

Suliffik qanoq ittoq neqeroorutigisinnaavarput:

 

∙ Uagutsinnut pingaaruteqarpoq meeqqat ulluinnarnik peqqinnartunik nukissaqarluartitsisunik nerisaqartinneqarnissaat. Naatsorsuutigaarput illit paaqqinnittarfiup meeraataannut nerisassanik peqqinnartunik nerisaqartitsinissat pingaartissagit

 

∙ Suliffimmi nerisassanik annertuumik sunniuteqarfigisinnaasat neqeroorutigaarput

 

∙ Nerisatigut peqqinnartunik nukissaqarluartitsisunik pingaartitsivugut, meeqqap ineriartornissaanut nukissaqarluartitserusuppugut

 

∙ Igariaatsimik nutaamik misileraaffiusinnaasoq

 

∙ Ilinniarsimanngitsunik ikiortinik igaffimmi suleqateqarsinnaaneq

 

∙ Meeqqat arlaqanngitsut ilaatigooriarlutit suleqatiginissaanut piumassuseqartuunissat

 

 

 

 

Qinnuteqartumut naatsorsuutigineqartut:

 

∙ Igaffimmi ikiortitut ilinniagaqarsimanissat

 

∙ Nammineq akisussaaffimmik tigusisinnaavutit namminersorlutillu sulisinnaallutit

 

∙ Suleqatinut angajoqqaanullu suleqatiginnikkumavutit

 

∙ Allanngortitsinissamut piareersimasuuvutit

 

∙ Meeqqanut nerisassanik peqqinnartunik nerisassaqartitsiumavutit

 

∙ Ullormut meeqqanut amerlasuunut meeqqanillu sulisut ilanngullugit nerisassiornermik isumaginnissinnaasutit

 

∙ Meeraaqqanut immikkuullarissumik nerisassiornermik isumaginnissinnaasutit

 

∙ Meeqqanut sapigaqartunut nerisassiorsinnaanermik ilisimasaqartutit

 

∙ Meeqqerivimmi pisortat peqatigalugit ulluunerani paaqqinniffimmi nerisatigut anguniagassanik aalajangersaaqataasassaatit

 

∙ Pisiortornermut kiisalu illit sulisorisappillu sulinissaanut ungasinnerusoq isigalugu pilersaarusiorsinnaanermut naammattumik piginnaaneqarlutillu misilittagaqartutit

 

∙ Kalaalimerngit kiisalu naatitat neqillu atorlugit sapinngisamik annerpaamik peqqinnartumik assigiinngiiaartunillu nerisassiortariaaseqartutit, nerisassioriaatsinillu nutaanik misileerusussuseqartutit

 

∙ Qarasaasiamik atuinermut ilisimasaqartutit

 

∙ Kommuneqarfik Sermersuup nerisaqarnermut politikkia malillugu nerisassanik sassaalliisinnaassoq

 

 

 

Meeqqerivik pillugu:

Nukariit akuleriinnik meeqqeriviuvoq 2012-mi ammartoq illorsuami tamakkiussamik meeqqanut 120-nut inissaqarpoq meeraaqqerivik 60-nik inissaqarpoq meeqqerivillu 60-nik inissaqarluni.

 

Sulisut 29-vit sulisussaapput, tassanilu igaffimmi ikiorti marluusussaallutik, ilinniartumillu aamma ataatsimik igaffimmi ilinniartuuteqassallusi.

 

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq: oqarasuaat +299 36 69 91 imaluunniit email: tkru@sermersooq.gl 

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.Atorfinititsineq qaammatini pingasuni misiliutitaqassaaq.

 

 

Inissiaq:

Atorfik initaqanngilaq

 

 

Qinnuteqaat:

Qinnuteqaat qulequtserlugu Atorfiup ilisarnaataa 683-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 7.-at, 2022

Atorfik una qinnuteqarfigiuk