Skip to main content
91

Dette jobopslag er udløbet

Akuleriinnik meeqqerivik Qivioq perorsaasumik pissarsiorpoq / Atorfiup ilisarnaataa 640/21

Kommuneqarfik Sermersooq pikkorissumik tunniusimasumillu Perorsaasumik akuleriinnik meeqqerivik Qivioq-mut

Piaartumik isumaqatigiissuteqarnikkulluunniit sulilersinnaasumik pissarsiorpoq.

Meeraaqqerivik”Qivioq” 0-6-nut ukiulinnut ulluunerani paaqqinnittarfiuvoq.

Meeqqanut 96-nut naatsorsuussaalluni.Taakkulu ininut arfinilinnut agguangaallutik.

Inimi sulisut: Perorsaasoq,inunnik isumanginninnermi ikiorti,ikiortilu.

Taakku saniatingut eqqiaasoq, eqqiaasoq ullup affaa,ullullu sinnera iggavimmi,iggasoq,pisortaq: Pisariaqartitsisoqartillugulu tapersersorti.

Meeqqerivik ”Qivioq” ammasarpoq nal: 7:00-17:00 illoqarfiullu iluani Samuel Kleinschmidtip aqqutaani inissisimalluni.

Perorsaasoq inimi aqutsisutut inissisimassaaq meeqqerivittaani.Pilersaarutit assingiinngittut akisussaaffingissallugit. ” Meeqqanut suli atualinngitsunut perorsaanikkut inerikkiartuutaasumik ulluunerani neqeroorutit pillugit Inatsisartut inatsisaattut nr.16,3.December 2012-meersoq” malillugu pilersaarusiornikkut sammisassaqartitsinikkullu

Qinnuteqartunut naatsorsuutigisat:

  • Perorsaasutut iliniarsimasuussutit,assingisaanilluunniit.
  • Inimi meeqqanut 20-nut sulisuinullu.Akisussaasuullutitt ingerlatsilluarsinnaasutit.
  • Isumassarsiullaqqissuusutit.
  • Atuisunik suleqatinillu ataqqinnittuusutit.Suleqatikkuminartuullutillu.
  • Allannguerusussuseqartuusutit.
  • Suliffiup iluani puullaaqinartuni ulapaarfinnilu sullilluarsinnaasutit.
  • Perorsaanikkut sakkut: Perorsaaneq,timersornertalik,Tunngaviit 7-t kammangiittalu ilisimasaqarfingingitit.
  • Akuersaartuusutit.
  • Piffissamik ataqqinnittoq.

Pingaartipparputtaaq:

  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Erseqqissumik tappissumillu allattariarsorlunilu oqaluttariarsorsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Meeqqap killiffia allaavingaluggu ineriartortitseqataarusuttoq.

Neqoroorutigaavut:
[Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissarsiat atorfininnermilu atugassarititat:Akissarsiat atorfinitsitaanermullu atungassarititaasut namminersorlutik oqartussat NPK-llu isumaqatigiissutaat, imaluunniit allamik naleqquttoq atuuttoq,kalaallit Nunaanni kattuffiup isumaqatiginninniarsinnaatitaasup isumaqatigiissutaat atuuttut malillugit.Qaammatini pingasuni siullerni misiliummik atorfinitsitsisoqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 640/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 05. november 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Souschef Karla Olsvig
Telefon: +299 298282
Nittartagaq: http://www.sermersooq.gl
Qinnuteqaat nassiutiguk