Skip to main content
121

Dette jobopslag er udløbet

Akuleriinnik Meeqqerivik Paarsisumi perorsaasoq meeraaqqerivittaani / Atorfiup nr. 425/21

Akuleriinnik Meeqqerivik Paarsisumi perorsaasoq meeraaqqerivittaani.

Kommuneqarfik Sermersooq pikkorissumik tunniusimasumillu akuleriinnik meeqqeriviusumi Paarsisumi meeraaqqerivimmi piaartumik sulilersussamik kingusinnerusukkulluunniit isumaqatigiissuteqarnikkut sulilersinnaasumik perorsaasumik atorfinittussamik pissarsiorpoq.

Meeraaqqerineq pikkoriffigaajuk? Illiualu suliffimmi ineriartorfiusumi suleriaatsikkullu meeqqat sulisullu akunnerminni naleqqussarluta allanngortiteriffiusumi suleqatissarput? Sulinermi ulluinnatsinnut sulinikkut allanngortiterisugut peqatigerusuppisigut? Immaqa taava illit suleqatitaarissavatsigit.

Takorlooruk illerpiaq meeqqap pisariaqartikkaatit, illerpiaq meeqqap toqqissisimaffigigaatit nuannaralutit ulluinnarnilu peqatigerusullutit. Toqqissisimanerpit meeqqat toqqissisimatissinnaavaat, nuannaartuunerpillu meeqqat nuannaalersittarlugit.

Meeqqerivik Paarsisoq meeraaqqeriviullunilu meeqqeriviuvoq illoqarfiup ilaani radiup qaqqaata tungaanut aqqummi inissisimasoq.

Paarsisoq meeqqanut 90-nut inissaqarpoq, meeraaqqerivimmi init pingasut meeqqanut 12-nut inissaqarlutik, Siornatigut init ukioqatigiiaarlutik inissisimasimasut sulisut oqimaaqatigiissumik sulinissaat siunertaralugu meeqqanullu toqqissisimatitsinissaq anguniarlugu meeqqat ukiui akulerusimasumik inissititigaapput.

Meeqqerivimmi init pingasut tamarmik 18-nik meerartaqarput, tassani meeqqat nukarliit akulliillu inini marlunni avissimallutik, inilu ataaseq atualertussanut iniulluni.

Meeqqerivik Paarsisoq illoqarfiup qeqqanut qanittumi inissisimavoq, 1969-mi meeqqerivittut atulerluni, kinngusinnerusukkullu meeraaqqerivimmik ilaneqarluni.

Sulisut 22-inut amerlassusiligaapput; aqutsisoq, aqutsisup tullia, immikkoortortami aqutsisoq perorsaasut sisamat, barne/socialhjælperit arfinillit, ikiortit arfinillit, igasoq, ingaffimmi ikiorti aammalu eqqiaasoq. Ineriartornikkullu malinnaagatta ilinniartunik tigusiuaannarsinnaasarpugut.

Meeqqerivik Paarsisoq-mi Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 16, 3. december 2012-meersoq tunngavigalugu inerlavoq, tapertaralugu meeqqerivitsialak aallavigalugu sulineq ingerlanneqarluni. Meeqqerivik Paarsisumi pingaartipparput meeraq qitiutillugu sulineq ingerlanneqassasoq, killiliineq peqqinnartoq, ersarissumik meeqqanut paasiuminartumik aaliangiisarneq aammalu meeqqat isumaannik sammerusutaannik peqataatitsineq ingerlanneqartarluni..

Meeqqerivik Paarsisumi atuisunut tamanut meeqqerivimmik peqqinnartumik ineriartortumillu peqatigiilluta sanarfisarnissarput pingaaruteqarpoq.

Atorfiup imarisaa:
Ulluinnarni suliassaraatit meeraaqqerineq, nangilersuineq, nerisitsineq, innartitsineq, aniilernermi isernermilu atisalersuineq atisaajaaneq ullormullu sammisassaqartitsisinnaaneq.

  • Inimi sulilerfigisassanni akisussaasutut inissisimassuutit
  • Ullormut pisussanik ullaakkut ataatsimiinneq (morgen møde) sivisunerpaamik 20min. Sivisussuseqartoq peqataaffigisassavat
  • Ullup pitsaasumik immersornissaanut akisussaaqataassuutit
  • Meeqqanut paasissutissanik pingaarutilinnik ilaatigut suliaqartarnissat naatsorsuutigissavat
  • Naatsorsuutigissavat meeraaqqerivimmi aqutsisoq peqanngikkaangat akisussaaffimmik tigusisarnissat, taannaavorlu aamma meeraaqqerivimmi qaninnertut aqutsisorisassat.
  • Sulisut ataatsimiinnerini, perorsaanilerinermik ulloqartitsinerni (pædagogisk dag) atuisunillu ataatsimiisitsinerni peqataanerit
  • Angajoqqaat meeqqeriviup ingerlanneqarneranut suleqataasut (adhoc gruppe) qanimut suleqataaffigisassavatit
  • Atuisut qanimut suleqatigisassavatit attaveqarfigalugillu

Suliassat Meeqqerivik Paarsisumi sulisut allat kiisalu pisortaq ininilu aqutsisoq peqatigilluinnarlugit suliat ingerlanneqartassapput.

Qinnuteqartunut naatsorsuutigisat:

  • Perorsaasutut Social Assistentitulluunniit ilinniarsimasoq
  • Akisussaassusilik unamminarsinnaasunullu tunuarsimaartuunngitsoq
  • Namminersullaqqissoq allanik isumalluusersorani
  • Meeqqanik sulinermillu nuannarisaqartoq
  • Tunniusimasoq unneqqarissorlu
  • Peqqissoq pisinnaatillunilu suliuaannartoq
  • Maligassiuisoq malittarisassanullu atuutsitsinissamut pingaartitsisoq
  • Nuannaartoq ulloq oqimaakkaluarpalluunniit qiimmassaasinnaasoq
  • Tunniutiinnajasuunngitsoq allannguerusussusilik
  • Qanilaartoq, atuisunut meeqqanullu toqqissisimanartoq

Pingaartipparputtaaq:

  • Inatsit atuuttoq tunngavigalugu sulineq ilisimaaralugulu pingaartissagit
  • Paarsisup pingaartitai naleqartitaalu ataqqilluinnarlugit suleqataasinnaanissat
  • Pingaaruteqarpoq toqqissisimasuunissat meeqqallu ataatsikkut qissattut akornanniileruit uippallinnginnissat, takorluussavalli illit toqqissisimanerpit meeqqat toqqissisimatissinnaammagit
  • Sulinermi malittarisassanik atuutsitsinissamut suleqataasassuutit
  • Uippakajaarani arlariinnik suliaqarsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Timikkut tarnikkullu nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

Neqoroorutigaavut:
Suliffik unamminartoq, sulisorpassuaqarfiusoq atuisut meeqqallu amerlasuut assigiinngitsullu nuannaartut suleqatiginissaat peqataaffiginissaallu.

Suliffimmi periutsinik allanngortiteriffiusumi suleqataanissat

Suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq.

Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 425/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 6. august 2021
Atorfininneq: Piaartumik isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Aani Barlaj
Telefon: +299 366760
Nittartagaq: http://www.sermersooq.gl
Qinnuteqaat nassiutiguk