Skip to main content
96

Dette jobopslag er udløbet

Akuleriinnik meeqqeriveqarfik Meeqqat perorsaasumik pissarsiorpoq / Atorfiup nr-mua 533/20

Akuleriinnut ulluunerani paaqqinnittarfik "Meeqqat" persorsaasumik pissarsiorpoq atorfinittussamik juunip 1-ni 2020 imaluunniit isumaqatigiissuteqarnikkut.

”Meeqqat” meeqqanut 25-nut 0-miit 6-nut ukiulinnut ininut marlunnut agguakkanut inissaqartitsivoq.

Sulisut: pisortaq, tullersorti, perorsaasoq ataaseq, meeqqerisut imaluunniit isumaginninnermi ikiortit marluk, ikiortit marluk, igaffimmiu, eqqiaasoq, kiisalu  innarluutilimmut ikorfartorti ataaseq.

Jens Kreutzmannip aqqutaa 8-mi inissisimavoq sissamut illoqarfimmullu ungasinngilaq.

Ilinnut naatsorsuutigaarput:

  • Perorsaasutut ilinniagaqarsimassasutit assingusumilluunniit
  • Nutaanik pilersitsisinnaassuteqartutit
  • Sulianut atatillugu tamakkerlugu isiginnillaqqissuusutit aamma isumassarsillaqqissuseqartutit
  • Suliffinnut patajaatsuusutit
  • Suleqatigiinnissamut pingaartitsisuusutit
  • Qiimasoq/ uummaarittoq aamma nuannaartoq
  • Kalaallisut qallunaatullu oqalussinnaasoq
  • IT/ qarasaasiamut piginnaasaqartutit.

Neqeroorutigissavagut:

  • Sulinermi atugassarititaasut pitsaasut
  • Isumassarsiassanut nutaanut eqqarsaatinulli periarfissat.
  • Suleqatit angajoqqaallu suleqatigiilluartut.
  • Sulisut nuannersut.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat NPK-llu isumaqatigiissutaat Imaluunniit allamik naleqquttoq atuuttuusoq Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata atorfiup normua 533/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 02. november 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Peter Johansen
Telefon: +299 36 68 51
Nittartagaq: http://www.sermersooq.gl
Qinnuteqaat nassiutiguk