Skip to main content
114

Dette jobopslag er udløbet

AKO Qajaasat Pisortamut tullersortimik sulisussarsiorpoq, Atorfiup normua 477/20

AKO Qajaasat meeqqanut 135-nut naatsorsuussaavoq arfinilinniit qulingiluanut ukiulinnut. Init tallimaapput aammalu inersuaqarluta. Sulisuusugut 17-vugut.

Qajaasani pingaartipparput meeqqanut, angajoqqaanut, sulisunullu toqqissisimanartuunissaa. 

Pinngortitamut ungasinngilagut atorluartarparput upernaakkut, aasakkut, ukiassakkut ukiukkullu, aasaanerani sissamiittaqaagut. Ukiukkullu ataartarluta, Skilifte atorluartarparput.

AKO-mi perorsaasut ullut tamaasa nal. 08.00-miit 11.30-mut Kangillinnguit Atuarfianiittarput. AKO Qajaasani sulisut ilinniartitsisullu suleqatigiinnissamut siunertaavoq meeraq qitiutillugu, suleriaasissaq anguniassallugu. Atuartut imminut tatigilernissaanut suleqatigiinnissaq, minnerunngitsumik atuartup nammineerluni naleqartutut isigilernissaa pingaartinneqassalluni.

Qaammatit tamaasa meeqqanut sammisassaqartitsinermik ualikkullu meeqqat nerisassaanik pilersaarusiortarluta.

Makku pingaartitaraagut:

  • Ornittakkap kajungernartuunissaa
  • Meeqqanut toqqissisimanartuunissaa, taamatullu toqqissisimasumik peroriartornissaat
  • Angajoqqaanik, atuarfimmik, allanillu suleqateqarneq
  • Sulisut ammasut meeqqanut qanilaartut
  • Meeqqat ullormut sammisassatigut angusaqarsimasutut misigalutik angerlartarnissaat  
  • Pilersaaruteqartuaannarnissaq

Naatsorsuutigaarput, pisortamut tullersortitut:

  • Pisortap peqannginnerani paaqqinniffimmi AKO Qajaasani suliassat eqqortumik naammassineqarnissaannik aamma inatsisit, ilitsersuutillu atuuttut naapertoqqissaarlugit naammassinnittoqarnissaannik pingaarnertut akisussaaffeqassasutit
  • Sunngiffimmi sammisassaqartitsissasutit, tassunga ilanngullugu perorsaanermi ilikkagassatut pilersaarutinik pitsanngorsaaneq, isumaqatigiissutinik nakkutiginninneq il.il. Kiisalu ingerlatsinermi pissuserissaassasutit
  • Paaqqinniffiup anguniagaanik qulakkeerinneqataassasutit, tassunga ilanngullugu Meeqqanut inuusuttunullu politikki ilanngullugu 
  • Paaqqinniffimmi saqqumilaarnissat aamma suliat eqqarsaatigalugit, kiisalu isumassarsisitsisarneq, kaammattuineq inissisimanerlu apeqqutaatinnagu suleqatiserinninnermik kaammattuineq 
  • Meeqqerivimmi allaffissornermik ingerlatsinermillu ilisimasaqassasutit 
  • Suleqatigiikkaanik aqutsisunik suleqatigiilluartoqarnissaanik peqataanissat, tassunga ilanngullugu takorluukkat periusissanillu siunnerfilersuineq 
  • Piffissanik suliffiusussanik pilersaarusiortarneq aamma sulinngiffeqartoqarnerani, qaangiuttoornermut taarsiullugu sulinngiffeqartoqarnerani il.il. sulinermik pilersaarusiornermi sulisunik atorluaaneq akisussaaffigissagitit 
  • Perorsaasut ataatsimiinnerat, sulisut ataatsimiinnerat, inikkaarluni ataatsimiinnerit, atuarfimmi alloriarfikkaarluni ataatsimiinneq

Makku neqeroorutigisinnaavagut:

  • Suliffik eqeersimaartoq
  • Suleqatigiit qiimasut
  • Perorsaariaatsinik pingaartitsisut
  • Sullitatsinnut suleqatiginnilluartuunerput

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:

Qinnuteqaatip ilisarnaataata Atorfiup normua 477/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                  

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 30-09-2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Rita Joelsen
Telefon: +299 36 64 40
Nittartagaq: http://www.sermersooq.gl
Qinnuteqaat nassiutiguk