Skip to main content
140

Dette jobopslag er udløbet

Akissarsialerivimmut immikkoortoqarfik aqutsisussarsiorpoq

Akissarsialerivimmut immikkoortoqarfik aqutsisussarsiorpoq

 

Kommuneqarfik Sermersooq Sulisoqarnermut kiffartuussivimmi Immikkoortortaqarfimmi Aqutsisutut pikkorissumik pimoorussisumillu sulisussarsiorpoq, Sulisoqarnermut kiffartuussivimmut / Suliffeqarfimmi kiffartuussivimmut isumaqatigiinnikkut atorfinittussamik.

Akissarsialerinermut immikkoortoqarfik marlunnik immiikkoortoqarpoq Sulisoqarnermut Suliffeqarnermullu Kiffartuussiviup ataani

Akissarsialerivimmi immikkoortoqarfik nalunaaquttap akunneranut qaammammusialinnullu akissarsialinnut eqqortumik piffissarlu eqqorlugu akissarsititsinermut akisussaaffeqarpoq, kiisalu akissarsianut tunngasunik apeqquteqarnermi siunnersuisinnaanermut il.il. Immikkoortoqarfik 12-inik sulisoqarpoq.

Atorfik piffissaq tamaat suliffiusoq, Sulisoqarnermut kiffartuussivimmi aqutsisumut attuumassuteqarpoq.

 

Atorfiup imarisaa:

Immikkoortumi aqutsisussarsiorpugut Sulisoqarnermut immikkoortortaqarfiup aqutsisoqarfiani peqataasussamik ulluinnarni suliassanik arlalinnik akisussaaffilimmik, soorlu:

∙ Ulluinnarni suliassat takkussuuttut aqullugillu agguataartarnissai nalunaaquttap akunneranut qaammammullu akissarsialinnut atatillugu

∙ Immikkoortortaqarfimmi nalinginnaasumik sulianut tunngasunik aqutsineq

∙ Immikkoortortaqarfimmi sullissinerup ajunngitsumik ingerlanneqarneranik misissuineq

∙ Immikkoortortami ilisimasanik sulianut tunngasunik suleqatinik avitseqatigiinneq

∙ Immikkoortortami aqutsisut allat suleqatiginerisigut immikkoortortami ingerlanerit pissusissamisuunngitsut suussusersinissaat iliuuseqarfiginissaallu

∙ Aaqqissuussivimmi pilersaarusioqatigiit iluanni akuuneq

∙ Suliassat takkussuuttut immikkoortortamut tunngasut suliarineri

Suliassat aqutsisut allat immikkoortortamiittut immikkoortortamilu suleqatit qanimut suleqatiginerisigut naammassinissaat.

 

Qinnuteqartunut naatsorsuutigisat:

 

∙ Aqutsinerup tungaatigut piginnaasaqartoq, sulisunik ingerlatsinermut pikkorissoq kiisalu ingerlatsinermik aqutsinermut pingaartitsisoq

∙ Sulianik ilisimasaqarluarnissaq namminersorluni sapiilluni aalajangiisinnaassusermut piumassuseqarneq

∙ Immikkoortortami suleqatinik suleqatigiissitsisinnaanermik inuttut piginnaasaqarneq annertooq

∙ Pitsaasumik ataavartumillu allannguuteqartitsisinnaaneq

 

 

Pingaartipparputtaaq:

 

∙ Ulapaarnartunik nukinginnartunillu suliaqarnermik sungiussisimasoq

∙ Aalajaatsoq, pitsaassutsimik ilisimasaqarluartoq ataasiakkaanullu maluginiaasinnaassaaq

∙ Ataatsimut takunnissinnaaneq attatiinnarlugu arlalinnik suliaqarsinnaasoq

∙ Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit

∙ Nammineerluni sulisinnaasoq, akisussaassuseqarluni sullissiumatuujullunilu

∙ Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq

∙ Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

∙ Tatitooq pilersitsiniallaqqissoq inissaqartitsiuartoq piumassuseqarluartorlu

∙ Sulianik naammassinninniarluta ingerlatsinitsinnut atatillugu ataavartumik ineriartortitsinermut pitsanngorsaanermullu peqataasoq

∙ Arlalissuarnik suleqateqallaqqissuussaaq

∙ Kiffartuussiumassuseqartoq

∙ marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: HR og Løn Chef, Hansine Korneliussen , oqarasuaat +299 36 70 69 imaluunniit e-mail: Hako@sermersooq.gl

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamik inatsimmi pisussaatitaaffiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pinerluuteqarsimannginnermut uppernarsaammik Politiinit pissarsereerpat.

Akissaatit atorfinitsitaanermilu atugassarititaasut:
Namminersorlutik Oqartussat aamma Atorfillit Kattuffiat (AK) imaluunniit allap isumaqatigiinniarsinnaatitaasup isumaqatigiissutaa atuuttoq naapertorlugu atorfinitsitisoqassaaq.

 

Inissaq:


Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaatip:

Qinnuteqaatip ilisarnaataata Atorfiup ilisarnaataa 893/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: decembarip 29.-at, 2022

Atorfik una qinnuteqarfigiuk