Skip to main content
134

Dette jobopslag er udløbet

Akissarsialeriffimmi allaffimmioq

Akissarsialeriffik allaffimmiussarsiorpoq

 

 

Akissarsialeriffimmi sulisut 13-inik amerlassusiligaapput. Akissarsialeriffimmut atorfinitsitsineruvoq akissarsialerinermik aamma naatsorsuutinik ilisimasalimmik inuttaqassalluni.

 

 

 

Suliassat ilaatigut makkuussapput:

 

∙ Akissarsiat ilaannik immersuineq

 

∙ Akissarsiat allagartaannik misissuineq

 

∙ Immikkoortortani assigiinngitsuni ataavartumik attaveqarneq

 

∙ Immikkoortortani assigiinngitsuni akissarsiaqarnermi apeqqutinut ikorfartuineq

 

∙ Allakkanik isertunik/mailinik suliarinninneq

 

∙ Sulianik toqqorterineq

 

∙ Suliassat takkussortut allat

 

∙ Webtas kortinik pilersitsineq

 

 

 

 

Naatsorsuutigaarput, atorfimmut qinnuteqartoq:

 

∙ Naleqquttumik ilinniagalik, ajornanngippat naatsorsuuserinermik suliaqarnermik tunuliaqutalik

 

∙ Ajornanngippat aningaasarsialerinermik misilittagalik soqutigisalillu

 

∙ Pisortatigoortumik akissarsiat pillugit ilisimasalik

 

∙ Ajornanngippat EDB-mik atuinermik misilittagalik

 

∙ Ataqatigiiaarillaqqissoq akusussaaffimmillu tigusisinnaasoq

 

 

 

 

Annertunerusumik paasisaqarusukkuit:

 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: HR- og Lønchef Hansine Korneliussen, oqarasuaat +299 70 69 imaluunniit e-mail: hako@sermersooq.gl

 

 

Pineqaatissinneqarsimannginnermut uppernarsaat:

 

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

 

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:

 

Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:

 

Qinnuteqaat qulequtserlugu Atorfiup ilisarnaataa 704-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

 

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

Qinnuteqarnissamut killissarititaasoq: oktobarip 13.-at, 2022

Atorfik una qinnuteqarfigiuk