Skip to main content
110

Dette jobopslag er udløbet

Akiligassiisarfiup immikkoortortaqarfia aningaasaqarnermut tunngasunut siunnersorsimik pissarsiorpoq / Atorfiup ilisarnaataa 627/21

Kommuneqarfik Sermersooq Kommuneqarfinnut kiffartuussiviup ataani sungiussilluarsimasumik pikkorissumillu Akiligassiisarfiup immikkoortortaqarfianut Aningaasaqarnermut tunngasunut Konsulent-imik, piaarnerpaamik sulilersussamik pissarsiorpoq.

Immikkoortortaqarfik aqutsisoq ilanngullugu maanna arfinilinnik sulisoqarpoq.  Akiligassiisarfiup immikkoortortaqarfimmi suleriaatsit suleriaatsillu ingerlarngi ineriartorteqqinnissaat pitsanngorsarneqarnissaallu sulissutigiuaannarpavut, kommunip iluani suleqativut akiligassat pillugit aqutsinissaannut oqitsumillu akimmisaarfiunngitsumik suliassat akisussaaffigineranni misiginissaat pillugu.

Naatsorsuutigineqarpoq suleqatigiligassarput akiligassiisarfiup immikkoortortaqarfimmi sulisooreersut sungiussilluarsimasut nuannersumillu periaasillit peqatigalugit suli pitsanngorsaaffiginissaanut suleqataassasoq.

Kommuneqarfik Sermersuup ERP systemi nutaap atuutilersinneqarnissaa ingerlateruttulerpaa.  ERP systemip nutaap atuutilerneranut atatillugu paasissutissiineq nutaaliaq aqqutigalugu aammalu kommunimi sulisut allat ilinniartinnerinut atatillugu, suleqatigiligassarput ineriartornissamut atuutsitsilernissamullu iliuuseqaqataasinnaalluarumaarpoq.

Atorfiup imarisai: 

Pissarsiorpugut – ajornanngippat misilittagaqarluartumik – Akiligassiisarfiup immikkoortortaqarfiani  Konsulent-mik peqataasussamik.  Ulluinnarni suliassat makkuupput:

  • Akiligassaliornerit
  • Akiligassanik naleqquttunngorsaaneq
  • Akiligassaqartunik sullissinerit
  • Naqiterineq/Nangitsineq
  • Allakkat isertut
  • Saaffiginnittunik sullissineq
  • Suliassat takkussortut

Qinnuteqaateqartunut naatsorsuutigisat:  

  • Akiligassalerivimmi sulineq misilittagaqarfigissagit
  • Suliassanut nutaanut suliniutinullu ajunngitsumik isumaqarnissaq
  • Kiffartuussinissamut paasisimasaqarnissaq
  • Kommunimi pissutsinut ilisimasaqarnissaq iluaqutaassaaq taamaattorli piumasaqaataanani
  • Microsoft Dynamics AX ilisimasaqarnissaq iluaqutaassaaq taamaattorli piumasaqaataanani

Tamatuma saniatigut pingaartipparput, illit:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Nammineersinnaassuseqartutit, akisussaaffeqarluni sullisserusussuseqarlunilu sulisinnaasutit
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassusiliusutit
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Arlalissuarnik suleqateqallaqqissoq

Neqeroorutigaarput:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq.    Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq. 

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup nr. 627/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 02. november 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Arne Ø. S. Andersen
Telefon: +299 36 71 20
Mobil: +299 22 23 77
Naja Zethsen Josefsen
Telefon: +299 36 71 33
Nittartagaq: http://www.sermersooq.gl
Qinnuteqaat nassiutiguk