Skip to main content
67

Dette jobopslag er udløbet

Akiligassaqarfimmi immikkkoortortaqarfimmi aqutsisoq / Atorfiup normua 409/20

Kommuneqarfik Sermersooq Suliffeqarfimmut kiffartuussiviup ataani Aningaasaqarnermut tunngasuni Akiligassaqarfinnut immikkoortortami sungiussilluarsimasumik pikkorissumillu aqutsisumik, 01.09.2020 imaluunniit isumaqatigiissuteqarnikkut sulilersussamik pissarsiorpoq.

Aqutsisoq ilanngullugu immikkoortortaqarfik maanna tallimanik sulisoqarpoq. Akiligassaqarfinnut immikkoortortaqarfimmi suleriaatsit suleriaatsillu ingerlasarnerisa ineriartorteqqinnissaat pitsanngorsarnissaallu sulissutigiuaannarpavut, kommunip iluani suleqativut akiligassat pillugit aqutsinissaannut oqitsumillu akimmisaarfeqanngitsumik suliassat akisussaaffigineranni misiginissaat pillugu.

Naatsorsuutigineqarpoq suleqatigiligassarput akiligassaqarfinnut immikkoortortaqarfimmi sulisooreersut sungiussilluarsimasut nuannersumillu periaasillit peqatigalugit suli pitsanngorsaanissamut suleqataassasoq.

Kommuneqarfik Sermersuumi Akiligassaqarfinnut immikkoortortaqarfimmit fakturat tamaasa suliarineqarnerat akisussaaffigineqarput. Nalunaarsuutaappata, malitseqartinneqarpata, naligiissaarineruppata kiisalu eqqortumik akiliinissap qulakkeerneqarnissaannut tunngasuuppata. Suleqatigiligassarput ERP systemip nutaap atuutilerneranut atatillugu iliuuseqarsinnaassuseqarluartuusussaavoq, paasissutissiineq nutaaliaq aqqutigalugu kisianni aamma kommunimi sulisut allat ilinniartinnerinut atatillugu.

Atorfiup imarisaa:
Pissarsiorpugut – akiligassaqarfinnut immikkoortortaqarfimmi immikkoortortami aqutsisutut peqataasussamik. Ulluinnarni suliassat makkuupput:

  • E-mailiniit fakturanik ERP systemimut ikkussuineq
  • System aqqutigalugu fakturanik akuersisussanut eqqortunut ingerlatitseqqiisarneq
  • Akuersisartunik malitseqartitsineq
  • Fakturat akuerineqareersut akilertarnissaat
  • Akiligassanik naleqquttunngorsaaneq
  • GLN allattuiffinnik aserfallatsaliineq
  • ERP systemimi fakturanik nakkutiginninnerup pisinnaatitaanerullu aserfallatsaalinissaa
  • Avataanit suleqatigisanit suliffeqarfiullu iluaniit suleqatigisanit saaffiginnissutit tamaasa akisarnissaat
  • Nutaaliornissamut siunnersuineq
  • Suliassat takkussuuttut

Qinnuteqartunut naatsorsuutigisat:

  • Akiligassaqarfimmi sulinermik misilittagalik, Excelimik kiisalu naligiissaarinermik ilisimasaqarluartoq
  • Suliassanut nutaanut suliniutinullu ajunngitsumik isumaqarnissaq
  • Kommunimi pissutsinut ilisimasaqarnissaq iluaqutaassaaq taamaattorli piumasaqaataanani
  • Microsoft Dynamics AX ilisimasaqarnissaq iluaqutaassaaq taamaattorli piumasaqaataanani

Tamatuma saniatigut pingaartipparput, illit:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Tatitooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Arlalissuarnik suleqateqallaqqissuunissat
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

Akissarsiat atorfinitsitaanermilu atugassarititaasut:

Namminersorlutik Oqartussat aamma kattuffiup isumaqatigiinniarsinnaatitaasup isumaqatigiissutaat sukkulluunniit atuuttut naapertorlugit akissaasersuisoqassaaq atorfinitsitaanermilu atugassaqartitsisoqarluni.

Inissiaq:

Atorfininnermut atatillugu inissaqartitsisoqarpoq.

Qinnuteqaateqarneq:

Qinnuteqaat atorfiup normuanik Job nr 409/20, ilisarnaaserlugu, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imatut qinnuteqassaatit:

Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 25. august 2020
Atorfininneq: 1. september imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Hans Peter Lynge-Larsen
Telefon: +299 367055
Nittartagaq: http://www.sermersooq.gl
Qinnuteqaat nassiutiguk