Skip to main content
88

Aaqqissuussaanermut Ineriartortitsinermullu Immikkoortortaqarfik pimoorussisumik ineriartortitsinermi siunnersortimik pissarsiorpoq / Atorfiup nr. 360/20

Suleqatigisinnaasatsinnik isumassarsiullaqqissumik pikkorissumik, immikkoortortaqarfimmi suliatsinnik angusaqarnissatsinnut ataatsimut ilinniagaqarneq ataasiakkaallu pikkoriffii atorlugit peqataatitsinermik pingaartitsisumi, peqataarusussuseqartumik pissarsiorpugut.

Aaqqissuussaanermut Ineriartortitsinermullu Immikkoortortaqarfik nutaanik pimoorussisunillu tallimanik suleqatigiinnik sulisoqarpoq.

Maannakkut Kommuneqarfik Sermersuumut periusissiamik nutaamik suliaqarpugut, saniatigullu kommunimi sulisut naammagisimaarinninnerannik misissuineq (MTU) aamma suliffimmik naliliinermik (APV) suliaqarneq aallartisarneqarlutik.

Aaqqissuussaanermut tapersersuinissaq suliatta pingaarnersaraat, taamaalilluni kommunimut periusissami siunniunneqartoq malinneqarniassammat.

Ukiuni tulliuttuni pingaarnerutillugit ilaatigut suliarissavagut:

  • Pisortanik ineriartortitsineq
  • Sulisunik nutaanik isertitsilluarneq aamma sulisussanik pilerisaarineq
  • Ilinniarnerit, ilinniartut piginnaasanillu ineriartortitsineq
  • Suliffimmi avatangiisit atugarissaarnerlu

Aaqqissuussaanermi immikkoortoq Sulisoqarnermut Immikkoortortaqarfiup aamma Sulisoqarnermut Kiffartuussiviup ataaniippoq.
Aaqqissuussaanermut Ineriartortitsinermullu Immikkoortortaqarfimmi aqutsisoq Kattie Pedersen pisortarissavat.

Atorfiup imarisai:

  • Aqutsisunik avitseqateqarneq aqutsisunillu, aqutsisooqatigiinnik immikkoortortaqarfinnillu suliffimmi avatangiisit atugarissaarnerlu pillugit siunnersuineq
  • Sulisut naammagisimaarinninnerannik misissuinermik (MTU) / Suliffimmik nalilersuinermik (APV) ataqatigiissaarineq
  • Pisortanut aqutsisunullu aqutsisunik tapersersuiniarlunilu suliniutinik ineriartortitsineq, pilersaarusiorneq aqutsinerlu, ilaatigut suliffimmik avatangiiseqarnissamut iluaqutaasinnaasunik kiisalu innuttaasut pitsaasumik kiffartuunneqarnissaat anguniarlugu.
  • Isumannaallisaaneq pillugu aaqqissuussaanermik ineriartortitsineq
  • Pisortaqatigiinnut periusissianik aalajangiinissamullu tunngasunik saqqummiussassanik suliaqarneq
  • Immikkoortortaqarfimmi suliareqquneqartut nukinginnartut assigiinngitsut

Immikkoortortaq nutaajummat atorfiup imarisaanut sunniuteqarnissaq periarfissaassaaq.

Qinnuteqaateqartunut naatsorsuutigisat

  • Attuumassuteqartumik ilinniarsimasuussaatit imaluunniit suliffimmi avatangiisinik aamma/imaluunniit aaqqissuussaanermik ineriartortitsinermik misilittagaqassaatit
  • Aaqqissuussaalluartumik sulisinnaassaatit ataatsikkullu arlalinnik suliaqarsinnaanerit pikkoriffigissavat
  • Suliniuteqarumassuseqassaatit, alapernaatsoq isumassarsiullaqqissuullutillu
  • Aaqqissuussaanermi qaffasissutsini assigiinngitsuni sulinermik misilittagaqassaatit
  • Allattariarsornermi oqaluttariarsornermilu attaveqarnermut pikkorissuussaatit
  • Suleqatiginnillaqqissuuvutit
  • Kalaallisut danskisullu oqalussinnaaguit iluaqutaassaaq.

Pinerlussimannginnermut uppernarsaat
Atorfik una pineqaatissinneqarsimannginnermut uppernarsaammik pissarsinissamik inatsimmi pisussaatitaaffiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pinerluuteqarsimannginnermut uppernarsaammik Politiinit pissarsereerpat.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

Ineqarneq
Atorfimmut atatillugu inissaqartitsisoqarsinnaavoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat atuuttut naapertorlugit akiliisarneq pisassalluni. Atorfimmut atatillugu atorfininnermi inissamik piareersimasuuteqanngikkaanni, sulisunut utaqqiisaasumik inissaqarsinnaatitaasunut, utaqqiisaasumik inissaq neqeroorutigineqassaaq, tamatumunngalu atatillugu ineqarnermut, atuinermut il. il. qulaani maleruaqqusaasut naapertorlugit akiliuteqartoqartassalluni. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

Sulisunut inissiamik aatsaat innersuussisoqarsinnaanngorpat atorfinitsitsisoqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat
Qinnuteqaatip ilisarnaataata Atorfiup normua 360/20, aamma ilinniagaqarsimaneq siornatigullu sulisimaneq ilanngullugu paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 12. august 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kattie Pedersen
Telefon: +299 367066
Marie Fleischer
Telefon: +299 367002
Nittartagaq: http://www.sermersooq.gl
Qinnuteqaat nassiutiguk