Skip to main content
66

Aaqissuussaanermut aamma Ineriartortitsinermut immikkoortortaqarfimmi pisortaq / Atorfik nr. 163/20

Aaqqissuussaanermut aamma Ineriariartortitsinermut immikkoortoqarfimmi pisortaq

Suliffeqarfiup aaqqissuussaaneranik ineriartortitsinermi periusissamik sammiviliillutit aaqqissuussisinnaavit? Taamaappat, taava imaasinnaavoq illit Aaqqissuussaanermut Ineriartortitsinermullu immikkoortoqarfimmi pisortartaarissagitsigit.

Aaqqissuussaanermut Ineriartortitsinermullu immikkoortoqarfik HR-imut Sulisunillu sullissiviup Immikkoortoqarfiata ataani immikkoortoqarfiuvoq. Aaqqissuussaanermut Ineriartortitsinermullu Immikkoortoqarfimmi pisortaqarpoq sisamanillu sulisoqarluni. Aaqqissuussaanermut Ineriartortitsinermullu Immikkoortoqarfimmi suleqatigiit pilersaarusiortuullutillu suliniutinik Kommuneqarfik Sermersuumi 2.300-nut suleqatigisanut ineriartortitsinermik atuutilersitsinermillu suliaqartuupput. Meeqqat atuarfianni ilinniartitsisumiit perorsaasumut, illoqarfimmik pilersaarusiortumiit ingerlatsinermi sulisumut.

Illit akisussaaffeqarfissatit ullumikkut ilaatigut tassaassapput:

  • Sulisunik nutaanik isertitsilluarnissamut periusissiorneq atuutilersitsinerlu

  • Peqqinnermut iliuuseqarneq, FN-ip nunarsuarmut anguniagai naapertorlugit

  • Ilinniarfiit, suliffimmik misiliisut pikkorissaanerillu

  • Suliffimmi avatangiisit

  • Aqutsinermi tunngavissaq naleqartitallu

Aaqqissuussaanermut Ineriartortitsinermullu Immikkoortoqarfimmi pisortatut suliffeqarfimmi tamarmi ataatsimut ineriartortinneqartussanik suliaqarneq atuutilersitsinerlu akisussaaffigissavatit.

Massakkut Aaqqissuussaanermut Ineriartortitsinermullu immikkoortoqarfik sulisunik nutaanik isertitsilluarnissamut tunaartaqarluni periusissap atuutilersinneqarnissaanik suliaqarpoq. Pitsaasumik sukkasuumillu sulisunik nutaanik isertitsilluarnissaq attassiinnarnerlu qulakkeerlugit, taamaalilluni sulisut nikerarnerat annikillisineqassammat. Sulisut suliassaminnut pulapallakkaangamik aaqqissuussaanerup ingerlanneqarnerani ilaalersarnerat, taamaalillutillu aaqqissuussaanitta ilaattut piumassuseqarnerullutillu toqqissisimanerusarnerat upperaarput. Aaqqissuussaanermut Ineriartortitsinermullu immikkoortoqarfimmi pisortatut, ingerlatsivinni tamani sulisunik nutaanik isertitsilluarnissamut suliniutinik pilersitsinissamut siuttuussaatit, taamatullu aqutsisut akornanni tamani piginnissinnaanermik aamma pilersitsisinnaallutit

Sulisut 2.300-t sinneqartut sulisorineqarmata, Kommuneqarfik Sermersooq kommunimi innuttaasut 10 %-iinik suliffissaqartitsivoq. Tamatuma Kalaallit Nunaanni sulisitsisut anginerit ilaannut inissippaatigut. Tamanna tunngavigalugu sulisutta akornanni peqqinnerup atugarissaarnerullu tunngavissaqarnissaat qulakkeerumasimavarput, taamaaliornitsigut sutigut tamatigut innuttaasut pitsaanerpaamik sullinneqassammata. Aaqqissuussaanermut Ineriartortitsinermullu immikkoortumi pisortatut 2020-p aasaanerai atuutilertussamik peqqinneq pillugu suliniutit pilersaarusiorlugillu ingerlatissavatit.

Ineriartortitassat ingerlaavartumik takkussuuttassapput - aqutsisuninngaaniit aamma, kisiannili aamma naatsorsuutigineqarpoq illit nammineerlutit suliassanik, aaqqissuussaanerup pitsaanerulernissaanut peqataasunik, siunnersuuteqartarnissat.

Kinaavit?
Pisortamik ileqqorissumik paasinnittaasilimmik periusissiorsinnaanermillu ilisimasalimmik pissarsiorpugut. Suliniutit naammassineqarnissaannut ingerlatsilluarsinnaasuuvutit inernerinillu ersarissumik paasisitsisinnaallutit.

Anguniagaqarusussuseqartuuvutit, suleqatiginnillaqqissuullutillu naammassinnissinnaassuseqarputit. Akisussaassusermik tigusinissat ataqqisarivat qaffasissumillu pitsaassusilimmik naammassisaqarsinnaallutit. Suliffeqarfiup iluaniittunik aamma avataaniittunik, qaffasissutsini tamaniittunik, suleqateqallaqqissuuvutit.

Illit inuttut pisuni qanorluunniit ittuni qanorluunniit pisoqarfiugaluartumiinninni eqqissisimaannaarsinnaanerit pingaaruteqartuuvoq.

Suliassanik assingusunik ukiuni ikinnerpaamik 5-ini suliaqarlutit misilittagaqarsimasuuvutit. Aqutsinermik ineriartortitsinermillu pikkorissuseqarlutillu angusaqarusussuseqartuuvutit. Aqutsisutut naleqquttumik ilinniagaqarsimasuuvutit suliatigullu suliassaqarfiit assigiinngitsut siamasissumik suleqatigiissinnaanerannik soqutigisaqartuullutit. Iluaqutaassaaq, kalaallisut oqalussinnaallutillu allassinnaaguit.

Ukuninnga neqeroorfigineqarputit:

Aaqqissuussaanermut Ineriartortitsinermullu immikkoortoqarfimmi pisortatut, HR-imut Sulisunillu sullissivimmi Pisortamut nalunaaruteqartartussaanerit ilutigalugu Suliffeqarfimmi Kiffartuussivimmi aqutsisoqatigiinni ilaassaatit. Suliniutit nutaat aallartinneqarnissaannut atatillugu, immikkoortoqarfiup piginnaasaqarluni isumasiueqatigisinnaanissaa akisussaaffigissavat.

Aaqqissuussaanerup allanngoriartortuarnera malugissavat. Suliniutit ineriartortinneqarnerat ilutigalugu, ullup suliffiup unamminarsinnaanera aamma allanngorartuunera taamatullu suliffeqarfiup iluani avataanilu attaveqarneq annertooq atussavatit. Suliffigisarput persuarsiorfiunngitsutut, pimoorussisunik sulisulittut aamma nammineq akisussaaffigalugu annertuumik namminersorfiusutut ilisarnaateqarpoq.

Pinerlussimannginnermut uppernarsaat:
Atorfik una pinerlussimannginnermit uppernarsaammik paasiniaanissamut inatsimmi pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pinerluuteqarsimannginnermut uppernarsaammik Politiinit pissarsereerpat.

Akissaatit atorfinitsitaanermilu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutaaqqassaaq.

Ini:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq:www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 163/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Atorfik pillugu apeqqutissaqassaguit, HR-imut aamma Sulisunut sullissivimmi pisortamut John Thorsen-imut saaffiginninnissannut tikilluaqqusaavutit, oqarasuaatikkut uunga 347070 imal. E-mail-ikkut uunga jhth@sermersooq.gl.

 

Qinuteqaat tunniunneqassaaq kingusinnerpaamik: 21. april 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: John Thorsen
Telefon: +299 367070
Nittartagaq: http://www.sermersooq.gl
Qinnuteqaat nassiutiguk