Skip to main content
163

Dette jobopslag er udløbet

4 pædagoger til Integreret daginstitution Pingajeqqad i Tasiilaq

Akuleriinnik meeqqerivik Pingajeqqad meeqqanut 88-inut inissaqartitsinissamut naatsorsuutaavoq - meeqqerivimmi marlunnut initaqartumi meeqqanut 40-inut  3 – 6 ukiulinnut meeraaqqerivimmilu sisamanik initaqartumi meeqqanut 48-inut 0 – 2 ukiulinnutinissaqartitsivoq. Sulisut 22-nut amerlassusiligaavoq. Meeqqeriviit ammasarput ulluinnarni ataasinngorneq – tallimanngorneq ilanngullugu nal. 7.00-imit 17.00-mut

 

 

Naatsorsuutigaarput illit:

  • Perorsaasutut ilinniagaqartutit assingusumilluunniit
  • Meeqqanut suleqatinullu qanilaassuseqarlutit maligassiuilluarnissat
  • Ullormut meeqqat ataasiakkaat pisariaqartitaannut eqqummaarissuunissat
  • Unneqarissuseqarlutit ammasuunissat
  • Meeqqanik, sulisunik angajoqqaanillu akuersaarinnittumik naaperiaasinnaanissat
  • Sulisutut ineriartornissamut tunniussimasuullutillu tunniussaqarusussuseqarnissat
  • Sulinermi tunngaviusoq inatsisip siunertaanut ataqqinnillutit meeqqanut ineriartortitseqataarusussuseqarnissat
  • Suliatigut arajutsisimasaqanngitsuusutit meeraaqqerivimmilu sulineq misilittagaqarfigereerit
  • Meeqqanut ataasiakkaanut perorsaanikkut sullissineq pillugu nassuiaasiorsinnaallutillu uppernarsaasiorsinnaasutit
  • Meeraq pillugu angajoqqaanik suleqateqarnermik pingaartitsilluinnartuusutit
  • Aqutsisunut tatiginnittuunissat

 

 

Neqeroorutigaagut:

  • Aqutilluarnikkut, periarfissaqarpoq pilersissallugit sulisoqatigiit akulerulluarsimasut, tunniulluarsimasullu perorsaanermullu tunngasut ineriartortinnissaat anguniaraat, attaveqaqatigiinneq suleqatigiinnerlu piginnaaneqarfiusut pingaartinneqartut.
  • Aqutsilluarnikkut periarfissaqarpoq pilersissallugu suliffimmi atugassarititaasut pitsaasut, attaveqatigiinneq pitsaasoq pingaartuutinneqarluni meeqqat inersimasullu naligiittut immersueqataaffiat.
  • Perorsaariaatsinik ineriartortitsinermi unamminartumik sulineq.

 

 

Meeqqerivinnut Immikkoortortaq meeqqerivinnut aqutsisoqatigiinnullu naleqqussakkanik pikkorissarnernik ingerlaavartumik neqerooruteqartarpoq.

 

 

Annertunerusumik paasisaqarusukkuit:Annertunerusumik paasisaqarusukkuit:

pisortaq Naja A. Kilime attavigisinnaavat uunga oqarasuaat 367748 imaluunniit e-mail-imut uunga: naam@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:Qinnuteqaat qulequtserlugu Atorfiup ilisarnaataa 529/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 18.-at, 2022

Atorfik una qinnuteqarfigiuk